Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere hiriaren "kolapsoaz" mintzo da. Eneko Goiak auzo elkarteei erantzun die.
BiziLagunEkin elkarteak eman du gutunaren berri, bera ere sinatzaileen artean baita. Hauek dira beste bostak: Parte Zaharrean Bizi, Intxaurrondo Zaharreko Auzo Elkartea (IZBE), Heriz plataforma (Antigua), Egia Bizirik, Herripe Auzo Elkartea (Herrera) eta Uliako Auzo Elkartea.
Donostia "turistifikazio prozesu basati bat" bizitzen ari dela salatu dute elkarteek, "azken hamarkadan nabarmen azeleratu dena eta bertako bizilagunei kalte larriak eragiten ari dena". Argumentua datuetan oinarritu dute: "2015 eta 2024 urteen artean, hiriko hotel kopurua %40,3 hazi da, eskaintzen diren ostatu plazen kopurua %69,2 eta hirira iritsi diren turisten sarrerak %77,8 handitu dira". Halaber, urte horietan etxebizitzaren erosketa prezioa %47,36 hazi dela eta alokairuaren prezioa %44,54 igo dela adierazi dute.
Horren guztiaren ondorioz, salatu dute elkarteek "bertako" herritarrak hiritik "kanporatuak" izaten ari direla, "espazio publikoa interes komertzialen arabera eraldatua" izaten ari dela, "azpiegiturak turismo-industriaren beharren arabera" diseinatzen direla eta "bertako hizkuntza eta kultura marketing helburuetarako fetitxizatzen" direla.
FIFA ere "kolapsoaz" mintzo
"Kolapsoa" aurreikusita dagoela ere salatu dute. FIFAk berak Maroko, Portugal eta Espainiaren hautagaitza aztertu zituen txostenean zera zehazten zuen: "Donostian dagoen ostatu-plaza kopurua ez da nahikoa izango Munduko Futbol Txapelketak erakartzea aurreikusten den bisitari kopuruari ostatu emateko". Alegia, bestela ere, opor sasoian, Donostiaren alojamendu gaitasuna muturreraino eramaten dela, eta zer esanik ez mundu mailako futbol txapelketa bat antolatuta. Dena dela, FIFAk hori aitortzen badu ere, iradokitzen du "arrisku arina" dela. Izan ere, "Donostiaren gainezkatzea sostengatzeko" Biarritz edo Baiona gertu daudela adierazten du txostenak.
Elkarteek salatu dute "mundiala Donostian jokatuz gero ekitaldiak hiriaren turistifikazioa areagotuko" duela eta "erakunde publikoek turismo industriaren mesedetan jokatzen jarraituko" dutela. Ondorioz, hartutako erabakia atzera botatzeko eskatu diote FIFAri eta "turismoaren hazkundearen kalteei erantzuteko modu bakarra desazkunde turistikoaren bideari ekitea" dela adierazi diote.
"Erreferente" izatearen "harrotasuna"
Donostiako Alkate Eneko Goiak auzo elkarteei erantzun die asteartean. "Ezezkoaren klubaren" parte izatea egotzi die, eta haien jarrera "tristea" dela adierazi du, kirol erakundeetan "erreferentziazko hiria" izateko egiten den lana "lausotzen" dutelako. "Haiengatik balitz, ez legoke ez Behobiarik, ez Klasikoarik, ez Donosti Cupik, ezta Zinemaldiarik ere ez", gehitu du.
Hiri harrotasuna aldarrikatzeko, 2023ko Frantziako Tourrean Donostian amaitu zen etapa izan du hizpide: "Kirol erakundeetan erreferente izateak harro sentiarazi beharko gintuzke". Orduko etapa amaiera "gertakari handi" gisa kalifikatu du. Mundialari dagokionez, bere posizioa berretsi eta "ilusiorako arrazoi" izan beharko litzatekeela esan du. "Jarrera horiekin ez dakit zer nazioarteko proiekzio izango lukeen hiri honek", amaitu du.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
