Donostiako San Bartolome muinoko merkatalgunearen eraikuntza salatu dute hainbat elkartek
Donostiako Udalak San Bartolome muinoan Hiri Antolamenduko Plan Berezia onartu zuen urtarrilean; 200 plazako aparkaleku bat eta 8.040 metro koadroko merkataritza gunea eraikiko dira. Ustiapen pribatuko azpiegitura hori egiteak Donostiako bizilagunentzat, merkatarientzat eta bizigarritasunarentzat "oso eragin kaltegarriak" ekarriko dituela salatu dute, eta epaitegietara eramango dute.
Dendartean Merkataritza Elkartea, Donostiako Merkatarien Elkartea, Erdian Bizi eta Amara Bai auzo elkarteak eta Donostia Defendatuz koordinadorak oharra argitaratu dute asteazkenean. Donostiako jasangarritasunaren aldeko irizpide batzuk oinarri hartuta, San Bartolome muinoan merkataritza gune bat eraikitzeko planaren eta dagokion aparkalekuaren aurka agertu dira.
Merkataritza gunea gauzatzeak hainbat eragin negatibo ekarriko dituela salatu dute. Batetik, lurra mugitzeko faserako soilik urtebeteko iraupena aurreikusten dela, eta milaka material tona xehatzeak kalteak eragingo dituela: "Zaratak, hautsak, kamioiak igarotzeak, kutsadura atmosferikoak, zikinkeriak eta gainerako eragozpenak eragiten dituzten kalteak oso handiak izango lirateke". Bestetik, salatu dute ez dagoela justifikatuta merkataritza gune gehiago sortzeko beharra: "Saltoki txikiak gutxitzen ari dira etengabe Donostian, eta hutsik dauden merkataritza etxabeak ugaritzen ari dira hiri osoan, salmenta edo alokairua iragartzen duten kartelekin".
Era berean, salatu dute zentro berriko aparkalekuak hiriko mugikortasunean eta kutsaduran eragin negatiboa izango lukeela, aparkalekuak gaur egun "nahiko prekarioa" den zentroaren mugikortasunari kalte egingo diola argudiatuta. Muinoaren hegala desnaturalizatuko dela ere esan dute, eraikin batzuen estalkiek ez dutelako utziko zuhaitzak landatzen.
Bestalde, Dendarteanek saltoki txikien hirigintza interesak defendatu ditu, eta elkarteak gaineratu du ez dagoela pozik Garberako multinazionalen interesen alde egitearekin. Orain, helegitea aurkeztu du EAEko Justizia Auzitegi Gorenean uste duelako onartutako Plan Berezia "erabat legez kanpokoa" dela.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Abuztu hasierarekin batera, bero, idorte eta su arriskuak altuak dira mendiguneetan. Arriskuen murrizteko nahian, 2021tik, Lapurdi eta Nafarroako mendigunea osatzen duten hiriek zonbait protokolo eta konbentziotan elkartu dira, mugaz gaindi. Horien artean, “Gure... [+]
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]
Bitxia egiten zait oso askok su artifizialei dieten miresmena. Ikuskizunak sortzen duen itsutasun eta gorreria aukeran nonahi. Ni uxatu egiten nau giro piroteknikoak. Baina onartzea besterik ez daukat gehiengo batek horretan murgilduta bizi nahi duela; besteak beste, sistema oso... [+]
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
Bizkaiko e28 koordinadorak salatu du kide trans lodi batek eraso lodifoboa pairatu duela Gurutzetako ospitaleko Genero Identitatearen Unitatean.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
