Donostiako ostalaritzak hondakinik ez duela bereizten erakutsi dute erraustegiaren aurkako militanteek
Donostiako alde zaharrean ostalariek beren zaborrak lagatzen dituzten edukiontzietako bat aztertu dute ekintza publikoan Donostia Bizirik eta Errausketaren Aurkako Mugimenduko militanteek. Edukiontzian utzitakoen %97 birziklagarria zela demostratu dute beste behin ere eta egoki sailkatuta bilduz gero berrerabili edo birziklatzeko modukoak zirela.
Larunbatean, uztailak 10, Donostia Bizirik eta Errausketaren Aurkako Mugimenduak ekintza pedagogikoa burutu zuen Gipuzkoako hiriburuko alde zaharreko Sarriegi plazan: inguruko ostatu eta hotelek beren hondakinak uzten dituzten edukiontzietako bat zabaldu eta herritarren aurrean aztertu barnean zeramatzan gaiak. Errefusentzako edukiontzi grisa zabaldurik, teorian bederen han ez zuen egon behar ezer berrerabili edo birziklagarririk. Alabaina, edukiontziak sabelean zeramatzan ustezko zabor gehienak hondakin aprobetxagarriak suertatu ziren, inguruko ostalariek batere bereizi barik bertan boteak.
Ekintzaileek 64,8 kilo zabor nahasi atera kontainerretik eta zein bere izaeraren arabera bereizi zituzten eta pilatutako frakzio bakoitza pisatu. Azkenean, errefusa baizik egon behar ez zuen edukiontziko 64,8 kilo 'zaborrak' benetan honela zeuden osatuta: %57 papera eta kartoia (37 kilo), %25 organikoa (16,3 kilo), %14 ontzi arinak (9,2 kilo), soilik %2,77 benetako errefusa (1,8 kilo) eta %0.8 "bestelakoak" atalekoak (0,5 kilo). Hots: zabor nahasientzako den edukiontziak zeramatzan hondakinen %97 berrerabilgarri edo birziklagarria zela eta 64,8 kilotatik benetan bertan egon behar zuten errefusak zirela 1,8 kilo.
“Donostiako udalak badu honen berri eta lehendik ez bazuen orain badu", aurpegiratu zieten udal agintariei ekologistek. "Zeren zain egon behar da egoera tamalgarri honi konponbidea emateko? Gipuzkoako herri gehienetan pausoak eman dira, ereduak oso hurbil dauzkagu. Zer interes dago urtea joan eta urtea etorri egoera honetan jarraitzeko?”.
Gipuzkoan hondakinen berrerabiltze, konpostatze eta birziklatze tasa txarrenak dauzkan Donostia, aldi berean, bi erraustegiren jabe da bere udal eremuan: Zubietako erraustegia eta Añorgako Cementos Rezola porlan-fabrika.
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.