Donostiako olatu artifizialen proiektua bertan behera uzteko eskatu du hainbat surflarik
Donostian eraiki nahi duten olatu artifizialezko Surf Park egituraren aurka hamabost argudioko manifestua aurkeztu dute. Gipuzkoako hainbat surflarik manifestua sinatu dute dagoeneko eta proiektua gelditzeko sinadura bilketa zabaltzea da orain asmoa.
Mobilizazioak, informazio-kanpaina eta sinadura bilketa iragarri du Antondegi Berdea-Olatuak Itsasoan kolektiboak, Donostiako Antondegin olatu artifizialen instalazioa eraikitzeko asmoa bertan behera gera dadin. Eneko Goia alkateari eta Udaleko alderdi politikoei eskatu diete aurkeztu dituzten argudioak irakurri eta aintzat har ditzatela. Eta herritarrei berriz, argudio guztiekin bat etorri ez arren horietako batzuekin ados egonez gero, proiektuaren kontra sinatu dezatela.
“Garaiz gaude proiektu hau geldiarazteko”
Hamabost argudio zerrendatu dituzte. Laburrean, sinatzaileen iritziz “proiektu honek ez dio surflarien eskaera bati erantzuten; enpresak ezarritako irizpideak betetzen dituzten surflariek eta txapelketa jakin batzuetan aritzen direnek baino ezingo lukete erabili; antzeko azpiegitura du enpresak Aizarnazabalen; surfaren artifizializazioa sustatzen du; olatu artifizialek eliteko surflarien prestakuntzan lagun dezaketela pentsatzea gehiago da uste bat errealitate bat baino; olatu artifizialetan egiten diren txapelketak oso eskasak dira; azpiegiturak ingurumen ondorio oso negatiboak izango lituzke; sarrerak prezio altua izango luke; etorkizunean jende guztiarentzat irekiz gero, masifikazioa areagotuko litzateke; garapen jasangarriarekin bateraezina da masa-turismoa eragin dezake; itsasoaren aldamenean olatu artifizialen instalazio bat eraikitzea zentzugabea da erabat; atzerapauso handia litzateke trantsizio energetikoan; Europar Batasunaren jarraibideen aurka doa guztiz; min berezia ematen digu horrelako proiektu bat surfaren izenean proposatzeak; eta garaiz gaude proiektu hau geldiarazteko”.
Dagoeneko sinatu duten surflari gipuzkoarren artean daude, besteak beste, Gorka Alcantarilla, Laida Rodriguez, Arkaitz Bardaji, Urko Otxoa, June Torrealdai, Janire Virgala, Unai Aizpurua, Aurora Makazaga, Lo Eizagirre, Mikel Troitiño, Ganix Arakistain, Iñigo Herrero, Alex Uranga, Mikel Olabarria eta Ibon Pazos.
Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]
Frantziako Estatuan eraikitzekoak ziren hainbat surf parkeren proiektuak bota dituzte jada atzera. Castets Landes-ekoa izan da azkena, La Rèleve agerkarian irakurri dugunez. Egitasmoak aurreikusten zuen ur eta energia xahuketa salatu duten gizarte mugimenduak pozik agertu... [+]
Donostiako Antondegin surf parke arifiziala eraikitzeko proiektuaz txosten teknikoa egin du ingurumen aholkulari Javier Ferreresek, Antondegi Berdea taldeak eskatuta. Instalazioak eragingo lituzkeen kalteak aztertu ditu txostenean, zeina sinatu duten kontserbazioaren eta... [+]
Surfa egiteko olatu artifizialen 140 metro luzeko igerileku bat, bigarren igerileku bat, jatetxe bat, bi taberna, skatepark bat eta aparkalekua. Horixe da Sabadell Surfcity izenburupean udalak eta enpresa pribatu batek aurkeztu duten proiektua. Hamalau milioi euroko inbertsioa... [+]
Bizitzaren parte oso garrantzitsu bat da surfa Janire Virgala (1990, Andoain), Arkaitz Bardaji (1979, Añorga), June Torrealdai (1984, Antigua) eta Jabi Iraizoz (1978, Iruñea, Nafarroa) surflarientzat, eta Antondegin egin nahi duten olatu artifizialen parkearen... [+]
Loira Atlantikoan dagoen Saint-Père-en-Retz udalerrian olatu artifiziala ezartzeko egitasmoa atzera botatzea lortu dute. Itsasotik hamar kilometrora zortzi hektareako nekazaritza lurrak erabiltzeko asmoa zuten. Bestalde, Sevran udalerrian, Seine-Saint-Denis... [+]
Olatu artifizialak sortzeko azpiegitura Donostiako Antondegi mendian jartzearen aurkako sinadura bilketa abiatu dute sarean. Antondegi Berdea, olatuak itsasoan izeneko kanpaina abiatu dute orain zenbait aste hainbat eragilek.
Surfaren eta ekologismoaren inguruko zenbait eragilek Antondegi Berdea - Olatuak Itsasoan kolektiboa osatu dute. Martutene auzoko Antondegi mendian, itsasotik lau kilometro eskasera eta hirian urbanizatu gabe geratzen den leku gutxi horietako batean, Donostiako Udalak eraiki... [+]
2015ean, munduko surflaririk ezagunenetako bat den Kelly Slater-ek gizakiak sortutako lehen olatua aurkeztu zuenetik, olatu artifizialak eraikitzen hasi dira –ez polemikarik gabe– batean eta bestean. Donibane Lohizunen herritarrek halako proiektu bat atzera bota eta... [+]
Martutene aldean, Antondegin, olatu artifizialen gainean surf egiteko proiektu bat "berreskatatu" du orain dela gutxi Eneko Goia Donostiako alkateak. Olatuok aisialdiari zuzendutako gune zabalago baten bihotza izango lirateke.
Irabazi asmorik gabeko eta mundu osoan 50.000 bazkidetik gora dituen Surfrider fundazioaren Europako federazioak honela adierazi du 2020ko ekainaren 15eko data duen oharrean: “Surfrider Europe-k ez du inongo olatuen igerilekuen proiekturik babesten”. Bertan diote... [+]
Martutene auzoan dagoen Antondegi gainean surfa praktikatzeko eraiki nahi duten azpiegitura erraldoiak kezka sortu du hegaztiak eta haien habitatak ikertzen, babesten eta ezagutarazten aritzen den Itsas Enara ornitologia elkartean eta SEO/BirdLife-en. Kokagune honetan gutxienez... [+]
Martutenen bederatzi hektareako azpiegitura eraiki nahi du Eneko Goiaren udal gobernuak. Hala ekarri du Gipuzkoako El Diario Vasco egunkariak abenduaren 30ean. Itsasotik lau kilometrora legoke Surf Park hau, hiriaren inguruetan urbanizatu gabe geratzen den mendi gutxi horietako... [+]
Hainbat elkartek alarma piztu zuten Donibane Lohitzuneko Surf park proiektuaren kontra. Uhain artifizialak eta inguruan hotelak. Hara ze itxura ukango zuen guneak. Baina dirudienez ez da urrunago joanen.
«Rame pour ta planète», surf rider fondation… hainbat elkarteek alarma jo dute Donibane Lohizuneko Surf Park proiektuaren aintzinean.