Donostiako metroko lanen irregulartasunak eta horiek salatzeagatik pairatutako mehatxuak salatu ditu langile batek
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Berriari bere testigantza eman dio Donostiako metroaren lanetan kamioilari gisa lanean diharduen Imanolek (abizenik ez du eman segurtasun arrazoiengatik), laneko irregulartasunak salatzeko. Azaldu duenez, metroaren lanetan azpikontratatutako enpresa batentzako egiten du lan, eta nagusiak behartu egin du kamioian gainkarga eramatera, kostuak murrizteko. Nahiz eta horrek, Imanolek azpimarratu duenez, arriskuan jartzen dituen bera zein errepideko gainerako gidariak.
Lanean hasi zenetik izan da irregulartasunen testigu. Morlansko tuneletik ateratzen zuten materiala kamioian jaso eta zabortegira eramatea izanik bere eginkizuna, hasieratik baimendutakoa baino pisu gehiago garraiatu behar izan du. “Gure nagusiak presio batzuk dauzka, obrak bezala. Eta zer egin daiteke lana merkeago atera dadin? Bidaia bakarrean bi bidaietako karga eraman. Hiru ardatzeko kamioi batean, legez, hamabi tona garraia ditzakezu, eta gu 24rekin ibiltzen ginen. Gaitasuna bikoizten genuen”, azaldu du.
Egoera salatzeagatik mehatxatua
2019ko udan auzitara jotzea erabaki zuen Imanolek. Ordurako Ertzaintzak bost aldiz gelditua zuen, baskulara eraman eta karga pisatzeko; bost aldietan gainkarga zeraman. Kontrol horietako batean hurrena “ausarkeriaz gidatzea” leporatuko ziola jakinarazi zion Ertzaintzak. Noizbait istripuren bat izan eta pertsonaren bat hilko balitz, epaileak bere aurka eginen zuela ere esan zion Poliziak. “Eta nik hori ezin dut onartu”, aitortu dio Berriari. Laneko egoera okerra eta Ertzaintzaren abisuak kontutan hartuta, auzitara jo zuen. Ordutik sufrimendu handia pairatu duela adierazi dio egunkariari, presioa eta mehatxuak egin baitizkiote: “Nagusiak bazekienez salaketa nik jarri nuela, mehatxatu egin ninduen. Esan zidan salaketa kentzen ez banuen istripu bat izango nuela eta oso gaizki pasako nuela. Sindikatuarekin erabaki nuen hori Ertzaintzan salatzea. Handik hamar egunera, beste dei bat jaso nuen, sikario batena-edo. Esan zidan hilabete amaierara arte nuela salaketa kendu eta enpresatik alde egiteko, eta bestela ondorioak jasango nituela”. Pairatzen ari zen presio psikologikoa eragiten ari zitzaion kaltegatik, iazko otsailean baja hartu zuen, eta ia urtebetez egon da lanik egin gabe.
Dagoeneko, lau epaiketa izan ditu auziarekin loturan, eta aurretik ditu beste bi. Epaiketa horietako bat ostegunean du Donostiako Zigor Auzitegian, mehatxuak eta enpresaren irregulartasunak tarteko.
Imanoli egindako elkarrizketa osoa Berrian irakurgai.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.
Larunbaterako elkarretaratzera deitu du EH Bilduk Zentzugabekeriak goia jo du; metroaren gastua lehentasun sozialetarako lelopean. 12:00etan izango da Euskal Trenbide Sareak Amarako topo geltokian duen bulegoaren aurrean. “Donostian jende gehienak ondo daki ez dela... [+]