Donostiako Hontza liburu-denda itxi egingo dute, erreleborik aurkitu ezean
Donostiako Okendo kaleko liburu-denda mitikoaren lokala salgai jarri dute eta erreleboa hartuko duen talde bat prest agertu ezean, ateak itxiko ditu. Liburu-dendako arduradunek ARGIAri azaldu diotenez ez da erraza izan erabakia hartzea, baina jabeetako batzuek erretiroa hartzeak eta Donostiako erdialdean zein sektorean gertatu diren aldaketek eragina izan dute.
Donostian dagoen liburu-denda ezagunenetako bat, Okendo kaleko Hontza, errelebo bila dabil. Liburu-denda irekita mantentzen da oraingoz, baina jabeek lokala salgai jarri dute, eta negozioarekin jarraituko duen eroslerik aurkitu ezean, ateak itxiko ditu.
ARGIAri azaldu diotenez, hiru bazkideetatik bi erretiroa hartuta edo hartzeko zorian dira eta "oso konplikatua da negozioaren arriskuak eta zorrak pertsona bakar batek asumitzea". Horregatik, ezinbesteko ikusten dute liburu-dendak martxan jarrai dezan, "tirako duen talde bat" aurkitzea. Denbora daramate bila, baina interesa erakutsi dutenak izan diren arren, oraingoz ez dute topatu halako denda bat eramateko jakintza eta gaitasuna izango duen erreleborik, hori baita erronka nagusiena.
Ezinbesteko ikusten dute liburu-dendak martxan jarrai dezan "tirako duen talde bat" aurkitzea
Egun liburu-dendaren arduradun den Jon Tatiegiren esanetan kontsumo eredua "urtez urte aldatzen joan da" eta jende gutxiago sumatzen dute dendan. Bere aburuz, Parte Zaharreko komertzioen itxierek eta Donostia erdialdean izandako hirigintza aldaketek ere zerikusia izan dezakete horrekin: "Gure bezero asko beste herrietakoak dira eta Donostiara etortzea gero eta zailagoa da", dio.
Hontza 1982an ireki zuten Okendo kalean, lehendik beste liburu denda txiki bat zegoen tokian. Ia hasieratik bazkide berberek eraman dute aurrera, eta Ramon Tatiegi eta Esther Moyua izan dira hango aurpegi ezagunenak, langile talde finko bat ondoan dutela. Orotariko gaiei buruzko liburuak aurkitu daitezke bere bi solairuetan eta euskarazko ekoizpenak presentzia handia izan du betidanik. Orain, lokala salgai jarrita, bere etorkizuna beste batzuen eskuetan geratuko da.
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Ekintza sorta ugariko bi eguneko egitaraua eduki dute bertaratu diren irakurleek: besteak beste, liburu azoka, ikuskizunak, tailerrak eta mahai-inguruak izan dituzte. Maider Elcano koordinatzailearen ustez, Biltzarraren indarra idazleei eta sortzaileei lekua ematen dien... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Guardasol gorria
Lutxo Egia
Susa, 2024
Apirilaren 30etik aurrera Azokaroa-ren lehen printzak sumatuko dira Ipar Euskal Herriko zenbait txokotan. Uxue Alberdi egongo da Hetero liburua aurkezten, Maialen Lujanbiok errezetaldia eskainiko du eta Maddi Sarasuak bere liburuaren aurkezpen musikatua egingo du senide eta... [+]
Iruñea ez da oso handia, baina Beñat Iturbek elkarrizketarako lekua hautatu duen arte ez dut jakin institutu berean ikasi genuela. Madril eta Iruñea artean bizi da, han hemen baino gehiago, oraingoz. Etxera egin duen bisita bat probestu dut harekin... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]