“Donostiako gazte horiek euren aitona-amonak arriskuan jarri dituzte porru batzuen truke”
Azken egunetan Donostian gertatutako istiluen harira irakurketa plazaratu du ESANek, Ertzaintzan ordezkaritzarik handiena duen bigarren sindikatuak. Asteazkenean Donostiako Alde Zaharrean zeuden gazteen, EH Bilduko Maddalen Iriarteren, Jarkiren eta EITBko Xabier Lapitz kazetariaren aurka gogor egin du sindikatuak, eta Josu Erkoreka Eusko Jaurlaritzako lehendakariorde eta Segurtasun Saileko buruak polizien alde izandako jarrera txalotu dute.
Hauteskunde sindikaletan ertzainen laurdena ordezkatzen duen ESANek, ohikoa duten hizkeran, azken egunetan eta bereziki San Sebastian egunean Donostiako Alde Zaharreko kaleetan zeuden gazteen aurka egin du eta polizien "lan bikaina" txalotu du ohar batean.
Gazte horiek "miserable antisozialak" direla esan eta haien aurka egiteko ertzainen "agindu argi eta gogorrak" azpimarratu ditu. Biktimak ertzainak eta udaltzainak izan zirela adierazi dute oharrean, irainak eta harrikadak jaso zituztelako.
Komunikatuan, EH Bilduko eledun Maddalen Iriartek Jarki mugimenduaren bozeramaile lanak egin dituela diote. Iriarte eta ETB2ko En Jake saioko aurkezle Xabier Lapitz kazetaria –"EiTBko Jorge Javier", ESANen hitzetan– polizien aurka jaurtitako "estolda, botila eta harrien" aurrean isilik gertatu direla salatu dute, "pastazko betaurreko batzuen edo bozgorailu politikoen atzean" ezkutatuta.
Kalean zeuden gazteek gizarte osoa arriskuan jarri dutela diote ertzain eta udaltzainen sindikatuko kideek. Alde Zaharrean zeuden "gazte asozial eta arduragabeek euren gurasoak eta aitona-amonak" arriskuan jarri zituzten "porru" edo "kalimotxo" batzuen truke. "Egiazko euskal gazteria San Sebastian egunean etxean geratu zena" eta "ertzainez, udaltzainez, osasun langilez, kale garbitzailez, peoiz jantzita" zegoena dela diote.
Amaitzeko, Eusko Jaurlaritzako lehendakariorde eta Segurtasun Saileko burua den Josu Erkoreka eta Josu Zubiaga sailburuordearen jarrera publikoa txalotu dute ESANeko kideek. "Jotzera tiro egiteko" agindua zuten ertzainen operazioari babes osoa eman dio Jaurlaritzak.
👉NAHI DUTENA EGITEN UTZI BEHAR ZAIE?
👉ARAUAK EZ DIRA HAIENTZAT?
👉¿HAY QUE DEJARLES HACER LO QUE QUIERAN?.
👉¿LAS NORMAS NO SON PARA ELLOS?@Xlapitz @jerkoreka @josuzubiaga @ertzaintzaEJGV @udaltzaingoak @MaddalenIriarte pic.twitter.com/b5spXPlfYB
— ESAN ERTZAINTZA UDALTZAINGOA MIÑOIAK FORUZAINGOA (@ESANInfo) January 21, 2021
Ertzainek herritarrak jotzera tiro egiteko agindua: "lagunarteko hizkera" Ernerentzat
Radio Euskadin egindako elkarrizketa batean Ertzaintzan ordezkaritza handiena duen sindikatuko idazkari nagusi Roberto Seijok herritarrak jotzera tiro egiteko agindua ertzainen arteko "lagunarteko esamoldea" dela adierazi du, baina ertzainen "borondatea" ez dela hori, "inolaz ere" gaineratu du.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.