Astearte goizean hainbat pertsona Donostiako Añorga auzoan dagoen lantegi okupatuan sartu dira atzeko ate bat behartuta. Barnean hainbat pertsona zeuden eta tentsio uneak izan dituzte. ARGIAri kontatu diotenez, prozesu judiziala hasi berri zegoen konfinamendu agindua heldu zenean eta beraz, legez kanpoko desalojo saiakera izan dela salatu dute. Ertzaintzak adierazi du prozesu judiziala hasita zegoenez, ez dutela desalojatuko.
Pertsona batzuk babesa adieraztera bertaratu dira eta identifikatu egin dituzte ertzainek.
Fabrikaren jabea ere bertaratu egin da. Langileek esan dute berak bidali dituela eraikinean sartu diren pertsonak fabrika hustera eta beraiek ez zekitela prozesu judiziala abian zenik. Barruan zeuden pertsona guztiak eta kanpoko bi identifikatu dituzte.
Ertzaintza eraikinera sartu da eta barrua arakatzen ari dela jakinarazi dute barrutik.
Duela bi urte Fireseko kideek azaldu zuten Gailur Alde S.L. enpresako bi langile bertarau zirela eta barnean zeuden 30 lagunek ez zietela eraikina barrutik ikusten utzi. Añorgako eremu horretan etxebizitza gehiago egin nahi dituztela salatu zuten orduan Fireseko kideek. "Donostiako Añorgan, Fires dagoen lekuan, 250 etxebizitza eraiki nahi dituzte EAJren babesean", albiste horretan informatu genuen prentsaurrean adierazi zutenaz.
2015eko maiatzaren lehenean okupatu zuten 200 bat herritarrek Firestone gurpil markaren lantegi izandako eremu abandonatua. "Lantegi berreskuratu" izaera eman eta hainbat proiektu autogestionatu jarri dituzte martxan bertan: liburutegia, tailer mekanikoa, aroztegia, forja, laborategi hackerra, jostun tailerra eta okindegia, besteak beste.
Espazio honen biziraupena arriskuan dagoela adierazi zuten, inguruko beste eraikin batzuekin batera. "Eremu honetan, 250 etxebizitza eraiki nahi ditu Gailur-Alde S.L. enpresak, EAJren babesean eta urtebeteko epean".
Ikusi fabrika okupatu zenean Topatuk egin zuen bideoa.
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.