Donostiako Erbetegi dorretxea asteartean husteko agindu diete bizilagunei
Hiriko eraikin zibil zaharrenetakoa dena eraitsi egingo du Adifek, AHT egiteko. Bizilagunek irtenbide eske jo dute Donostiako Udalera, baina “altzariekin kalean” gelditzeko arriskuaz ohartarazi dute.
Otsailak 2 eguna gorriz markaturik dauka Erbetegi etxean bizi den bizilagun batek baino gehiagok. Egun horretarako etxebizitza utzi eta euren bizileku izan den eraikina AHTren bazka bihurtuko da, ezer aldatzen ez bada. Abenduan sinaturiko okupazio aktaren arabera, astearte honetan geratu beharko du “libre” etxeak, Nahitaezko Desjabetze Legea erabiliko du administrazioak horretarako.
Erbetegin hainbat familia bizi izan da orain arte eta aspaldi ari dira euren egoera eta babes falta salatzen. Hasiera batean, Adif sozietateak esan zien AHT egiteko ez zuela eraikina bota beharrik izango, baina trenbidearen proiektuan aldaketa bat egin ondoren, etxerik gabe ikusi dira egun batetik bestera. Indemnizazio “irrigarrien” eta hirian etxebizitzek duten prezio izugarrien ondorioz kale gorrian geratzeko zorian zirela-eta, Donostiako Udalera jo zuten irtenbide bila, “gu ere donostiarrak garelako”. Baina Eneko Goia alkatearen jarrera kritikatu dute, alokairu soziala baino ez dietelako eskaini.
Hainbat bizilagunek etxebizitzaren jabetza galdu eta urte gutxitarako alokairu sozial hori onartzea beste aukerarik ez dute izan, baina bada irtenbide duinagoak eskatzeagatik alokairua onartu ez eta orain “altzariekin kalean” geratzeko arriskua duenik ere. Gainera, azaldu dutenez, etxeen ordainetan aurreratu beharreko dirua oraindik ez diete eman, horrek dakarren ziurgabetasunarekin.
Okendotegi baserria ere bai
Erbetegi 2019ko azaroan eraistekotan ziren hasieran, baina data atzeratuz joan da hainbat arrazoirengatik. Besteak beste, hedabide honek ezagutarazi zuen bezala, “balizko arkeologia gune bezala babesturik” zegoelako, eta horrek azterketa arkeologikoa eskatzen zuelako. Aitzitik, Adifek “ad hoc” egindako azterketa izan dela diote bizilagunek, eta bere balioa ez duela aitortzen.
Erbetegi dorretxea XVI. mendekoa da eta Ancora elkarteak azaldu duenez, historia luzeko ondare arkitektonikoa biltzen du bere baitan. Sinadura bilketa ere abiatu zuten eraikina kontserbatzea eskatzeko.
Nolanahi ere, ez da Donostiako Urumeako erriberan AHTren obren ondorioz arriskuan den eraikin historiko bakarra. Trenbidearen oinplanoa Okendotegi gainetik ere igaroko da, hainbat mende dituen etxea, Donostian geratzen diren baserri bakanetatik, beste bat desagertzeko zorian dena.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]