Donostiako kanpaldi iraunkorretik herrietako dinamikara zabalduko da Gipuzkoa Zutik
Asteartean eta asteazkenean asanblada egingo dute 19:00etan Gipuzkoa Plazan. Asteartean, orain artekoaren balorazio edo oinarria biltzeko eta asteazkenean aurrera begirako estrategia zehazteko.
Ekainak 19 igandea, 16:00, Gipuzkoa Plazan. Edo Gipuzkoa Zutik deitu zenetik (maiatzak 29) hiru astera, hitzordu eta leku berean.
Asteburua Zubietan lasai eta giro ederrean eman ostean, Gipuzkoa Plazako lehen asanbladaren irudia errepikatu zen: biribilean eseritako dozenaka herritar, asanbladan gaiak lantzeko prest. Dinamizatzailea asanbladako arauak adierazten bukatzen ari zela, ertzainek honen aurka egin zuten, baita indarkeria une hori bideoz hartzeari ekin zion kazetariaren aurka eta horiek babesteko beren burua jarri zuten asanbladako herritarren aurka ere.
Behin asanbladari berriz ekin zitzaionean, erasotua izan zen dinamizatzaileak adierazi zuen "hemen egoteak min egiten die, horixe da euren ekintzen adierazten dutena. Beraz, gu gurera, jarri dezagun gure arreta osoa asanblada ahalik ongien irten dadin eta hartu beharreko erabakiak hartu ditzagun". Tentsio egoeratik lanerako jarrerara pasa zen giroa eta erabaki garrantzitsuak hartu ziren: hurrengo fasera pasatzea, Gipuzkoa Zutiken bigarren zikloa martxan jartzea adostu zuen asanbladak hatz lodiak altxatuta.
Herrietako asanbladak eratzen hasiak dira eta mugimendua plaza bakarretik herrietako plazetara zabaltzera doala azaldu zuen hitza hartu zuen pertsonetako batek, Gipuzkoa Plazan hasitako dinamika indartzen eta zabaltzen ari den seinale. Herrietako dinamika hauentzat eta mugimenduarentzat oro har, abagune aproposak izango direla herrietako jaiak adierazi zuen beste batek. Fase aldaketa honetan, amaitutzat eman zen Donostiako akanpada formatua.
Orain arteko zikloa ongi ixteko pausoak adostu zituen Gipuzkoa Zutikek, asanbladan: bi asanblada egitea aste honetan, orain artekoa baloratzeko bata eta hurrengo faseak lantzeko bestea. Hauek dira hitzorduak: ekainak 21, asteartea, 19:00etan Gipuzkoa Plazan, orain arteko bidearen balorazioa egiteko. Ekainaren 22an berriz, 19:00etan Gipuzkoa Plazan elkartuko dira hurrengo fasea zehazteko.
Ekintzak izan dira Gipuzkoa Zutiken bereizgarri bat, eta asteazkenean asanbladaren ostean egingo da fase aldaketa irudikatuko duen ekintza kolektiboa. Orain arte bezala jendetsua izatea nahi du mugimenduak eta horregatik, deia egin dute ekintza prestatzen ari diren lantaldetik, ileordeak eta maskarillak eramateko eskatuz.
Bestalde, aste honetako egitarauko bi ekintzak mantendu egingo dira: "Kaleak, gorputzak gureak dira" mugimendu tailerra ahal dela asteartean egingo da, 17:00etan Bulebarrean. Asteazkenean, 17:00etan Bulebarrean, "herri desobedientzia tailerra" egingo da.
Fase aldaketa hau gozatzeko eta bertako ekintzetan parte hartzeko deia luzatu zaio herritar orori.
Joan den asteazkenean ezohiko epaiketa bat izan da Donostian, Gipuzkoako Lurralde Auzitegian. Akusatuen aulkian bi ertzain, legez kanpoko bi atxiloketa egin izana egotzita. Akusatzaileak berriz, orain hiru udaberri Donostiako Gipuzkoa plazan erraustegiaren aurka abiatutako... [+]
Bost urteko espetxe zigorra eta sei urteko inhabilitazioa. Zigor eskaera horiekin iritsiko dira bi ertzain asteazkenean Gipuzkoako Lurralde Auzitegira, 2016ko Gipuzkoa Zutik kanpaldian bi lagun legez kanpo atxilotzea egotzita. ARGIAk bi gazteen abokatuarekin hitz egin du eta... [+]
Erraustegien aurka mundu osoko 92 herrialdetako 900 elkarte biltzen dituen GAIA aliantzak igandean Ertzaintzak Zubietan erabilitako bortizkeria salatu du.
Iraultza Txikien Akanpada izan da Zubietan, “bestelako Euskal Herria amesten duen herri mugimendu eta herritarren topaleku. Asteburuari amaiera emateko Zubietako erraustegira martxa egin dute. Ertzaintzak bidea itxi die eta martxako kideen aurka egin du hainbat lagun... [+]
Markel Olano Arrese diputatu nagusia hurbildu zenean Hernanin Oronak daukan Ideo eraikin futuristara Gipuzkoako euskalgintzarekin hizkuntza estrategia berria konpartitzera, dozena bat zahar aurkitu zituen atarian “Erraustegirik ez” pankarta eskuetan, Zubietako... [+]
Erraustegiaren Aurkako Eguna egin dute Zubietan larunbatean. Egun osoko egitarauaren ostean, Gipuzkoa Zutik mugimenduak deituta martxa egin dute mila bat lagunek. Gipuzkoako Aldundiak erraustegia eraiki nahi duen eremura sartu dira, baita ondoan zeuden makinak margotu ere.
Arratsaldeko 18:30ak inguruan Gipuzkoa Zutik deituta hiru zutabetan antolatutako ehunka jendeek lortu dute erraustegiaren 0 eremuraino iritsi eta protesta mezuak oihukatzea. Beste ekintzen artean, sinbolikoki 'nendo dango' hazi bolak erein dituzte planta eraikitzeko... [+]
60 bat autok osatutako auto-karabanak ilara luzeak eragin ditu Zubieta inguruko errepideetan. N1 errepidean ilara luzeak eragin dituzte, auto batzuk une batean gelditzera iritsi arte. Andoain eta Lasarte-Oria herriak gurutzatzean, larunbaterako Erraustegiaren Aurkako Eguna eta... [+]
“Zakilkeria gelditu! Proiektu usteletan xahutzeko murrizketa sozialik ez!” izenburupean, maiatzaren 27 larunbaterako martxa nazionala deitu du Gipuzkoa Zutik-ek, erraustegiaren eta alboan egin asmo duten makro-kartzelaren aurka. “Ingurumen zentrora bisita... [+]
Gipuzkoak Zutikek agiri batean jakinarazi du Zubietako errauste planta eraiki eta kudeatzeko kontratua lortu duten enpresek lehen mugimenduak egin dituztela obrak haste aldera, eta bere aldetik “erresistentzi fasea” inauguratutzat eman dutela.
Gipuzkoa Zutik mugimenduak kanpaina berri bati ekin dio, agintariei argibideak eskatzeko Zubietako erraustegiaren finantziazioaren inguruan: sinadura bilketa hasi dute Change.org gunean “Egia jakin nahi dugu: erakutsi erraustegiaren kontratua” izenburupean.
Gipuzkoa Zutik mugimenduak jakinarazi duenez, dagoenekoz probintziako 24 alkatek jaso dute Zubietako erraustegiak udal bakoitzari ekarri behar dizkion kalteei buruzko galdera-agiria.
Euskal Herrian jaio, Madrilen hazi, eta 23 urterekin itzuli zen Donostiara Haizea Núñez. Zuzenbidea ikasten hasi zenerako, bazekien boterearen arma estrategikoa zela hura, eta ez guztiok berdin epaitzen gaituen justizia itsuaren eremua. Hala ere, abokatu-lanetan... [+]