Errausketaren Aurkako Mugimenduak salaketa ekintza egin du Donostiako udaletxearen aurrean, Ingurumenaren Nazioarteko Eguna baliatuz. Salatu dutenez, errefusean botatzen den hondakinen %80 birziklagarria da eta borondatezko hondakinen bilketa sistemak ahalbidetzen du hori gertatzea. Neurriak hartzeko eskatu dizkiote Gipuzkoako Aldundiari eta Donostiako Udalari, Markel Olano, Jose Ignacio Asensio eta Eneko Goiaz mozorroturiko ekitaldian.
Ondorengo datuak Gipuzkoako Foru Aldundiaren webgunetik atera dituzte. Errausketaren Aurkako Mugimenduak uste du herritarrek jakin behar dutela zein den egoera zehatza, datuetan oinarrituta, eta indarra jarri behar dela hondakinak bereizten, "mundu hobe bat eraikitzen". Horixe da koronabirusaren krisi honek beren ustez agerian utzi duen ondorioetako bat, ezin dela orain arteko bidetik jarraitu inguruak kutsatzen. "Gainera koronabirusa gisako birusak inguru kutsatuetan gehiago zabaltzen direla frogatu dute eta agintari arduragabeak klima aldaketa areagotzen ari dira", hasi dira.
Gipuzkoako datuak
Gipuzkoan iaz 138.000 tona hondakin jaso ziren errefusa bailiran, eta hauetatik 110.000 tona birziklagarriak ziren, %80, ia guztia. Beraz, benetako errefus kopurua 28.000 tn izan zen, bildutako guztiaren %20 bakarrik. "Etxean hondakinak ongi bereizten dituen edonork badaki zein errefus gutxi sortzen den, eta organikoa eta plastikoa dela gehien sortzen dena".
Donostian, errefusaren poltsan doan %80 birziklagarria da. "Benetan salagarria agintarien arduragabekeria. Indarrak jarri behar dira herritarrak kontzientziatzen, formatzen, bideratzen etxean jendeak bere hondakinak bereizita bota ditzan".
Gipuzkoan sortutako 63.000 tn organiko (guztiaren %53) errefusa bezala bildu zen nahasian, eta erdia baino gutxiago jaso zen bereizita, %47 zehatz esateko.
Bio-hondakina, paper-kartoia, ontzi arinak eta beira dira lau frakzio birziklagarri garrantzitsuenak, eta errefusean nahastuta bildu ziren lau multzo horietako 94.480 tona hondakin, errefusa balira. Biztanleko 127,50 kilo.
Donostia azkenputz
Protesta Donostiako udaletxearen aurrean egin dute, Eneko Goia alkateari presio egin asmoz, beren ustez lotsagarria delako hiriburua hondakinak nola kudeatzen ari den. "Non eta klima aldaketaren aurka dagoela esan eta erraustegi bat eraiki berri duen hirian. Ez da oso azkarra izan behar ulertzeko zergatik agintariek ez duten indarrik jartzen herritarrek hobeto bereiz ditzaten hondakinak", adierazi dute.
Jarraian doazen datuak ere Erraustegiaren Aurkako Mugimenduak emanak dira:
Donostian gaika bildu zen hondakin guztien %42. Aldi berean, errefusaren edukiontzietan bildu ziren 288 kilo pertsonako, Gipuzkoako bataz bestekoa gutxi gora behera horren erdia pasatxo denean, 186 kilo.
Guztira errefusaren edukiontzietan bildu ziren 54.000 tona hondakin, Gipuzkoa guztiko %40, ia erdia, non eta Gipuzkoako herritarren laurdena bizi den hirian. "Eta larriena da, horietatik gehiengoa hondakin organikoa izan dela, edukiontzi grisera nahasian botatzeko aukera librea dagoelako Donostia hiri eder galantean, konpostagarria den hondakin organikoa zabor bilakatuz".
Donostian bereizita bildu zen organikoa "huskeria" dela baloratzen dute: 31 kilo pertsonako. Herrialdean bataz beste bikoitza baino gehiago denean, 77 kilo, eta hala eta guztiz, sortutakoaren %47 bakarrik bildu zen.
Horrek esan nahi du, bataz beste 100 kilo hondakni organiko bota zituela donostiar bakoitzak errefusaren edukiontzira. Beste datu bat: azken bost urtetan (2015-2019), Gipuzkoan bildutako hondakin organiko kopurua %40 igo da, eta Donostian %6 besterik ez.
Mankomunitateei errepasoa
Errausketaren Aurkako Mugimenduak salatu du mankomunitateei dagokienez, "bi erritmoko Gipuzkoa" ikus daitekeela. Bereizita hondakinen %70 inguru jasotzen dutela Debagoiena, Sasieta, Tolosaldea, Urola Kosta eta Urola Erdia mankomunitateek; eta okerrago, %50en bueltan dabiltzala jende gehien bizi diren ondorengoak: San Marko, Txingudi eta Debabarrena.
Beren webgunean irakur daitezke eman dituzten datu guztiak.
Azpian bideo osoa ikusgai:
Arabako Mahats-bilketaren Jaiaren XXIX. edizioa ospatu dute Moredan igandean. Egun batzuk lehenago ABRA Arabako Errioxako Upategien Elkarteak agerraldia egin zuen, Arabako ardogintzak bizi duen “krisi larriaz” beste behin ohartarazi, eredu aldaketa exijitu, eta... [+]
Baionako zitadelan proiektu berriak ditu armadak. Eraikin berriak egin nahi ditu eta horretarako oihanaren zati bat deseginen dute eta ura atxikitzeko bi gune ere sortu nahi dituzte.
Metano isurketak murriztearen beharra berresten du klima aztertzen dabilen The Global Carbon Project proiektuko 69 ikerlarik plazaraturiko txostenak. Horrez gain, biharamunean atera du bere txostena Lurraren Aldeko Batzarrak, eta argiki dio: aldaketa sistemikoak bideratzeko... [+]
Green Capital izeneko enpresak Zizurkil eta Usurbil udalerrietako lurretan ezarri nahi duen Ezkeltzu izeneko zentral eolikoak badu neurriko oztopo bat: Aire Segurtasuneko Estatu Agentzia (AESA). Antza denez, hegazkinek "maniobra-aldaketa interferitua" egiten dute... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
"Nai dezu katillu bat borraja loriak?”, idatzi zuen 1906 eta 1908 artean Baserritarra aldizkarian argitaratzen zituen artikuluetako batean Biktoriano Iraola Aristigietak. Borraja (Borago officinalis) sendabelar sonatua izan da: eztula baretzeko, diuretiko,... [+]
Beste hainbat intsekturen kasuen modura, hau ere “tigre” hitzaren itzalpean izendatzen dute herrialde batzuetan. Jakina, halako izena jarriz gero espero zitekeen ehizarako trebetasuna ezin falta! Eta halaxe da, bai.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Orain dela 5,5 milioi urte inguru, mugimendu teknokikoek Mediterraneo itsasoa eta Ozeano Atlantikoa banatu zituzten. Horrekin batera, gatz-biltegi erraldoi bat sortu zen Mediterraneoaren azpian.
Dagoeneko ez dakit bero olatuek burmuina kolpatuta gauden, betiko hipokrisia den edo logika sistemiko hutsa den, baina dakigunaren, esaten dugunaren eta egiten dugunaren arteko arrakalak, kezkaz haratago, harridura ere sortzen dit, batez ere uda giroan. Albisteak, ikerketak,... [+]