Donibane Lohizuneko poliklinikako larrialdi zerbitzua, “egoera jasanezinean”
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra" defendatzeko.
Joan den ostiralean 50 lagun inguru elkarretaratu ziren Donibane Lohizuneko poliklinikaren aurrean Herri Berri oposizioko taldeak deituta, hango larrialdi zerbitzuak irekita mantentzea eskatzeko. Azken zortzi hilabeteetan "krisian" da zerbitzu hori eta ia aste guztian gauez ateak itxita izaten ditu. Hori horrela, urte hasieratik alarma piztu dute herritarrek eta inguruko herrietako hautetsi eta kargu politikoek.
Poliklinikak Lapurdiko Urdazuri eskualdeko hamabi herritako biztanleei ematen die zerbitzua eta zonaldean 65.000 pertsona inguru bizi dira. Baina nabarmendu dutenez, sasoi turistikoan bi edo hiru aldiz emendatzen da biztanle kopurua: "Behar dugu zerbitzu hau, baina ez hau bakarrik, gehiago ere behar dugu", azaldu die elkarretaratzean protestan ari den herritar batek ETBko kamerei.
Poliklinikak Lapurdiko hegoaldeko Urdazuri inguruko hamabi herritako biztanleei ematen die zerbitzua eta zonaldean 65.000 pertsona inguru bizi dira; baina nabarmendu dutenez sasoi turistikoan bi edo hiru aldiz emendatzen da kopurua: "Behar dugu zerbitzu hau, baina ez hau bakarrik, gehiago ere behar dugu"
Elkarretaratzean Peio Dufau seigarren barrutiko diputatuak azaldu duenez, Baionako larrialdi zerbitzuek "ez dute gaitasunik hemen eri diren pertsonak hartzeko" eta horrek egoera okertu baino ez du egiten. Urruñako auzapez Filipe Aramendiren esanetan, bestalde, auzia alderdiez gaindi dagoen zerbait da eta "gizarte zibil osoari" dagokio zerbitzua "elkarrekin" defendatzea.
Ekimenaren sustatzaileek diotenez, finantzaketa arazo baten aurrean gaude, eta osasungintzaren pribatizazioa ere badago atzean: poliklinikak larrialdi zerbitzua gauez ixtearen argudioetako bat da "ez duela aski irabazten", Dufauren arabera. Horren aurrean larrialdi zerbitzu "iraunkor eta eraginkorra" exijitu dute.
Herri Berrik eskaria zabaldu du sarean aldarrikapen horiekin eta jadanik 3.000 sinaduratik gora bildu dituzte.
Gasteizen, Santiago ospitaleko larrialdien "saturazioa"
Joan den astean Eusko Jaurlaritzako Osasun Sailak iragarri zuen Gasteizko Santiago Ospitaleko larrialdi zerbitzuak berriz irekiko dituela apiriletik aurrera, eta horretarako "Erabakimen Handiko Larrialdi Orokorreko" bi kontsulta zabalduko dituela osasun zentro horretan, orain Txagorritxura doan "paziente-fluxu" bat hara bideratzeko.
ESK sindikatuaren esanetan, baina, zerbitzu horiek ez dira hobetuko, "ez baita langile gehiago egongo Santiago Ospitaleko larrialdietan". Hala, plantilla handitu gabe, Txagorritxuko itxaronaldiak bi egoitzetara luzatzea baino ez du ekarriko erabaki horrek, sindikatuak ohartarazi duenez: "Zenbat ordu itxaron beharko dira lekualdaketa bat egiteko? Non itxarongo dute pertsonak eta haren senideek?"
ESKren esanetan, apiriletik aurrera, artatu beharreko paziente fluxuaren gorakadak zerbitzuaren "saturazioa" ekarriko du. Hala, bere aburuz, plantillaren lan-karga handitu eta Santiagoko ospitalean "asistentzia-kalitatea okertzea" baino ez du eragingo.
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.