Donald Trump: “Koronabirusak hildakoak 200.000 balira, oso lan ona egin dugulako litzateke”
Gaixotasun infekziosoetan aditu eta Trumpen aholkulari Anthony Faucik adierazi du, hainbat hipotesiren artean, aukeretako bat dela AEBetan Covid-19ak hildako pertsonen kopurua 100.000 eta 200.000 artekoa izatea. Hori gertatuz gero, emaitza ona izango litzatekeela berretsi du Trumpek.
Trumpen aholkulari Anthony Faucik koronabirusak egingo dituen hildakoen kopuruaren langa 200.000n ezarri du. Ordu batzuk geroago, Donald Trump presidenteak Fauciren baieztapenak jaso, eta gaineratu du AEBetan koronabirusak hildako jende kopurua 100.000 eta 200.000 artekoa balitz, bere gobernuak "oso lan ona" egin izanaren ondorioa litzatekeela. "Neurri murriztailerik hartu ezean, bi milioi hildako baino gehiago" izango liratekeela esan dute Etxe Zuritik. Ekainaren 1ean egoera erabat kontrolpean egon daitekeela jakinarazi du Trumpek.
Duela astebete AEBetako presidenteak esandakoarekin alderatuta, alde handia dago. “Ezin dugu herrialdea urtez urte itxi. Hau desagertze bidean da. Borroka hau irabaziko dugu. Lanpostuak ditugu gogoan, eta antsietate eta depresio handiko jendea. Arrazoi horiengatik suizidioak gertatzen ari dira eta, zalantzarik gabe, heriotza gehiago izango dira suizidioengatik birusagatik baino”, adierazi zuen martxoaren 23an agintari ultraeskuindarrak, koronabirusari garrantzia kentzeko hasieratik erakutsi duen joerari eutsiz.
Urruntze soziala, apirilaren 30era arte
Donald Trump presidenteak igande honetan iragarri duenez, “urruntze sozialaren” neurriak, etxean geratzea eta bilkurak saihestea, apirilaren 30era arte luzatuko dira. Hala, pasa den astean normaltasunera itzultzeko berak iragarritako data –apirilaren 12a– ezerezean utzi du agintari ultraeskuindarrak.
AEBetan koronabirusak kutsatutakoak 165.000 baino gehiago dira gaur egun eta hildakoak 2.000 baino gehiago; Txinan, Italian edo Iranen gertatutakoak baino askoz gehiago. Dena den, aurreikuspenek diote kasu kopurua handiagoa izango dela, diagnostiko proba gehiago egitean kopurua asko handituko dela diote.
Goikoen eta behekoen arteko arrakala ageriago
Amerikako Estatu Batuetan, koronabirusak agerian utzi du ez dela bidezkoa osasuna merkatu librearen esku uztea eta estatuak bere gain hartu behar duela arlo horretan duen funtsezko erantzukizuna.
Krisi global honetan, herrialde guztiek dituzten arazo berberak dituzte AEBek: maskarak, eskularruak eta mantalak bezalako oinarrizko material medikoen eskasia adibidez. Arazoa ez da diru falta, baizik eta produktu horiek epe laburrean ekoizteko ezintasuna. Hala, erakunde publiko eta pribatu, federal, estatal eta lokal ugariren artean lehia sortu da material horiek kopuru handitan lortzeko. Horrek espekulazioa eta prezioen igoera neurrigabea eragin du, agerian utziz osasun-egitura zentralizatu eza.
Bitartean, aurreikusi dute New York, New Orleans eta beste hiri handi batzuk egun batzuen buruan arnasgailu artifizialik eta bestelako mediku hornidurarik gabe geratuko direla. New York hiriak ehunka arnasgailu gehiago beharko ditu, eta maskara, txabusina eta bestelako material gehiago apirilaren 5erako, Bill de Blasio alkateak esan duenez.
New Yorken birusak gogorren jo du hiriko auzo pobreenetan. Datuek erakusten dute infekzio-tasa handiak daudela jende asko bizi den eremuetan, non, adibidez, biztanle askok ez duten ingelesa lehen hizkuntza.
Aurretik agerikoak ziren klase arrakalaren ondorioak gordin azaleratzen ari dira egunotan. Horren lagin grafikoa, A. Mancinok Twitterren zabaldutako irudi hau. Eta halaxe dio: “Nevadan, munduan dagoen herrialderik aberatsenetako batean, parking batean karratuak marraztu dituzte etxerik gabekoek lo egin dezaten elkarren arteko distantzia egokiarekin”.
Nevada, a state in one of the richest countries in the world, has painted social-distancing boxes on a concrete parking lot for the homeless to sleep in. pic.twitter.com/svNJ0N9r3f
— A Mancino-Williams (@Manda_like_wine) March 30, 2020
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.