Ateak Ireki atariaren itxiera agindua salatzeko Nafarroako eragile eta norbanako ugari agertu da prentsa aurrean. Auzitegi Nazionalaren ebazpena adierazpen askatasunaren aurkako erasotzat jo dute eta komunikazio proiektu berri bat martxan jartzeko asmoa agertu dute.
Zabaldi elkargunean batzar irekia egin zen atzo eta gaur aurrera begira egin litekeenaz hitz egin dute Alde Zaharreko AEKren egoitzan.
Ateak Irekiko kide Miguel Angel Llamas "Pituk" salatu du ezin dela onartu “Auzitegi Nazionalak hiru orriko auto batekin komunikabide bat ixteko aukera izatea”. Gogorarazi du autoa ez dela irmoa eta “helegitea aurkezteko aukera dugu, baina ondorioak pairatzen ari gara dagoeneko. Autoan ez da gure aurkako akusazio zehatzik egiten, soilik esaten da Herriraren parte garela”.
Hori horrela, Ateak Irekiko kideen ustez argi geratu da “Euskal Herrian ireki den aro politiko berriaren aurrean errepresioarekin erantzuten dutela”. Eta hedabideak itxiz “edozein ahots disidente ezabatzeko borondatea” dagoela, azpimarratu dute.
Erasoaren aurrean nabarmendu dute “Nafarroako herri mugimenduak sarean ahotsa izatea” ezinbestekoa dela, eta komunikazio proiektu berriak martxan jartzeko borondatea azaldu dute.
Kontzentrazioan parte hartzeko deia
Hilaren 23an, larunbata, elkarretaratzea eginen da Iruñeko Udal plazan arratseko 19:00etan. Ateak Irekiren itxiera salatu eta adierazpen askatasunaren aldeko ahalik eta erantzun zabalena eman asmoz egin da deialdia.
Nafarroako eraldaketa sozialera bidean “herriari ahotsa” emango dion tresna izan nahi du proiektu komunikatibo berri honek. Espainiako Auzitegi Nazionalak Ateak Ireki webgunea itxi ondoren abiatu zuten “Ahotsa behar dugu” dinamika, eta horren ondorioz... [+]
Ahotsa.info herri komunikabide berria aurkeztuko dute bihar Iruñean. Nafarroan sortu nahi duten eraldaketa sozialera bidean “herriari ahotsa” emango dion tresna izan nahi du proiektu komunikatibo berri honek.
Ahotsa.info izanen da Nafarroako herri mugimenduei ahotsa emanen dien informazio-bozgorailu berria. Twitter kontuaren bidez eman dute ezagutzera Ateak Ireki eta Apurtu.org atarien oinordeko izanen dena.
Espainiako Auzitegi Nazionalak Ateak Ireki webgunea ixtea agindu zuenetik, Nafarroako herri mugimenduek komunikatzeko tresna propioak behar dituztela aldarrikatzen ari dira sarean ‘Ahotsa behar dugu’ dinamikaren bidez.
Nafarroan "ahotsa" behar dutela aldarrikatzen ari dira egunotan Ahotsa Behar Dugu Twitter kontutik. Ateak Irekiren itxieraren ostean, herri hedabide baten aldeko aldarrikapena da.
Ateak Ireki webgunearekin elkartasunez ostiralerako deitutako elkarretaratzea debekatu du Espainiako Gobernuak Nafarroan duen Delegaritzak. Hala ere, kontzentrazioa egingo dutela iragarri dute hedabideko kideek.
Ateak Ireki komunikabidea ixtea erabaki du Espainiako Auzitegi Nazionalak Herrira mugimenduaren parte dela argudiatuta. Nahiz eta epaia irmoa ez izan, hiru orriko txostena nahikoa izan du Eloy Velasco epaileak hedabide bati hitza kentzeko. Adierazpen askatasunaren aurkako... [+]
Hekimen Euskal Hedabideen elkarteak Ateak Ireki webgunearen itxiera salatu du prentsara igorritako ohar baten bidez. ARGIAk ere bat egiten du salaketarekin.
Espainiako Auzitegi Nazionalak agindu du Ateak Ireki hedabide herrikoia eta beste hiru webgune ixteko, Herrira mugimenduarekin lotura dutelakoan: Donostiako eta Zarauzko Herriraren guneak, eta etengabe.wordpress.com. Ateak Ireki bera izan da albistearen berri eman duena, eta... [+]