Dieselgate auzia hazten ari da: Volkswagenen beste motor bat jomugan
AEBtako Ingurumena Babesteko Agentziak (EPA) salaketa jarri dio marka alemanari bere hiru litroko diesel motorragatik. Aurreko auzian salatutako modeloak bezala, motor honek autoak isurtzen dituen gasen kopurua murrizten du emisio frogetan.
Volkswagenen bi litroko diesel motorren emisioen auzia gertatu eta hilabete eskasera egin du salaketa EPAk. AEBtako ingurumen agentziaren arabera hiru litroko motorrak frogetan emisioen emaitzak moldatzeko “aparailu elektroniko” berbera du, eta ondorioz adierazi du auto hauek “baldintza normaletan” bederatzi aldiz nitrogeno oxido gehiago isurtzen dutela. Motor mota hau duten modeloak ondorengoak dira: 2014ko Volkswagen Touareg-a, 2015eko Porsche Cayenne-a eta 2016ko Audi A6 Quattro, A7 Quattro, A8, A8L eta Q5a. AEBtan soilik 10.000 ibilgailuri eragingo dio salaketak – 2016an salduko dituztenak gehitu behar dira–, baina Europan ziurrenik gehiago izango dira.
Marka alemanak AEBtako Aire Garbiaren Legea urratzen duen bigarren aldia da hau. EPAk azaldu duenez, urraketa atzemateko gai izan dira aurreko Volkswagen auziaren harira emisio froga zorrotzagoak egiten direlako. Agentziak gaineratu du emisio azterketa berriei esker, tranpa bera egiten saiatu diren beste markak atzemateko gai izango direla.
Urtarrilean konponduko dituzte trukatutako motorrak
Volkswagenek trukatutako motorrak konpontzeko “soluzio tekniko eraginkor” batean lanean ari direla, eta “soluzioak” urtarrilean ezarriko dituztela adierazi du Matthias Mullerr kontseilari delegatu berriak. Auditoria batek Dieselgate auziaren arduradunak nortzuk izan diren argituko duela ere gaineratu du.
Zenbait adituk 100 mila milioitan ezarri dute auziak marka alemanari ekar liezaiokeen isun eta gastuen kostua. Horrek Volkswagenen produkzioa murriztea edo taldeko auto marka batzuk saltzea ekar lezake, General Motorsek 2009an egin zuen bezala. 2016ko uda parterako aurkeztuko du Volkswagenek Strategy 2025, estrategia korporatibo berria.
2015ean Volkswagen auto ekoizle alemaniarra epaitegietara eraman zuten, diesel motorrak trukatzeagatik, motorren isurketa kontrolak pasa ahal izateko. Bost urte geroago, epaitegiek erabiltzaile bati arrazoia eman diote, eta enpresak kalte ordainak ordaindu beharko dizkio,... [+]
Dieselgate eskandualen ostean, diesel teknologiazko kotxe berrietan kutsadura arazoak konponduta zeudela uste zuena oker zegoen. Transport & Environment agentziak –Europako hainbat ekologista eta ingurumenaren aldeko elkarte biltzen dituen federazioak– egunotan... [+]
Garraio publikoa doan eskainiz gutxitu nahi du aireko kutsadura Alemaniak. Asmo hori jakinarazi diote herrialdeko hiru ministrok, tartean Ingurumenekoak, Europar Batasunari.
Diesel motorrek igortzen dituzten gasak ez direla osasunarentzat “uste bezain kaltegarriak” frogatu nahi zuten autogintzako hainbat enpresak. Horretarako hainbat herritar gela batean sartu zituzten diesel motorraren gasak arnasten zituzten bitartean telebista... [+]
Diesel autoen erdiak eta autobus eta kamioien heren batek gasen isurketen muga legalak gainditzen dituzte. Gehiegizko emisioek 28.000 heriotza goiztiar eragin zituen 2015ean, ingurugiro agentzia estatubatuarrek egindako ikerketa baten arabera.
Volkswageneko presidente ohi Martin Winterkornek urtean 1,2 milioi euroko pentsioa jasoko du. Winterkornek duela urtebete dimititu behar izan zuen konpainiako diesel autoen isurketen eskandaluagatik, “dieselgate” gisa ezaguna.
Atmosferara jaurtitzen diren kutsatzaile nagusien mugak zorrozteko lege-proiektua onartu du Eurolegebiltzarraren osoko bilkurak, azaroaren 23an Estrasburgon egindako saioan. Hala ere, onartutako proposamena hasiera batean Europako Batzordeak egindakoa baino ahulagoa da. Aireko... [+]
Espainiako Auzitegi Gorenak itxiera eman dio Nafarroako Volkswageneko BEZaren auziari eta, ondorioz, Nafarroako Gobernuak gainetik kendu du Espainiako gobernuari 1.513 milioi euro itzultzeko arriskua.
Europako Legebiltzarrak ez dio betorik ezarri 2015eko urrian Europako Batzordeak (EB) egindako proposamenari: autoen nitrogeno oxido emisioen gehienezko mugak handitzea datozen urteetan. Legebiltzarreko Ingurumen Batzordea proposamenaren aurka agertu eta neurria geldiarazteko... [+]
Alemaniako WirtschaftsWoche aldizkariak argitaratu duenez, Europako Batzordeak 2011tik zekien automobilgintza sektoreko hainbat enpresa iruzur egiten ari zirela zenbait autoren emisioen neurketetan.
Arazoak pilatzen ari zaizkio Volkswageni. Duela astebete marka alemaniarraren 800.000 autok uste baino karbono dioxido gehiago isurtzen dutela argitaratu zen –horiei nitrogeno oxidoaren isurien eskandaluak zipriztindutako 11 milioi auto batu behar zaizkie–. Horren... [+]
Volkswagen eskandaluak Europako Batzordea kutsatu du. Janez Potocnik Ingurumen komisarioak Batzordeko kideak ohartarazi zituen VWek bere autoen kutsadurarekin egiten zuen manipulazioaz, 2013an jakinarazi zion Antonio Tajaniri Industria komisarioari, baina ez honek erantzun zion... [+]
Volkswagenen diesel motorren aferaren ostean, azken hilabeteetan Europar Batzordea autoen isurketen inguruko araudi berri bat prestatzen aritu da. El Diario egunkariak eskuratutako dokumentuaren arabera araudia hasiera batean izan behar zuena baino arinagoa da.
VW automobilen enpresa alemaniar erraldoiak 11 milioi kotxeren gas kutsagarrien isuriekin egindako iruzurrak mundu osoa harri eta zur utzi du. 50.000 milioi euroko kostua izan dezake, baina komeni da iruzur horren funtsera joatea, errotik azaleratu ahal izateko. Azken batean,... [+]
Matthias Müller Volkswageneko presidenteak iragarri duenez, “funtsezkoak ez diren” inbertsioak eten edo atzeratu eginen dituzte. Nafarroako Landabenen 900 milioi eurotako inbertsioa dute aurreikusia.