Diesel berrienek ere kutsadura arriskutsua isurtzen dutela erakutsi dute
Dieselgate eskandualen ostean, diesel teknologiazko kotxe berrietan kutsadura arazoak konponduta zeudela uste zuena oker zegoen. Transport & Environment agentziak –Europako hainbat ekologista eta ingurumenaren aldeko elkarte biltzen dituen federazioak– egunotan plazaratutako txosten batean erakutsi du nola isurtzen dituzten partikula oso kaltegarriak azken belaunaldiko diesel motorra daramaten autoek.
Diesel auto berrienen motorrek eragindako kutsagarriak osasunaren kaltegarri dira, askok uste dutenaren eta industriak dioenaren kontra. Transport & Environment federazioak zorrozki aztertu ditu Europar Batasunaren kontrol test berrienak gainditzen dituzten bi auto, dieselaren konbustioak isuritako partikulak harrapatu behar dituzten filtroz hornituak. Eta horiek ere ez dute aitortutako helburua betetzen: onargarria litzatekeen kutsadura bider 1.000 isurtzen dute airera.
New diesels, new problems txostenean (Diesel berriak, arazo berriak, gaztelaniazko eta frantsezko bertsioak badira) erakusten da nola den posible teorian askoz garbiagoak diren autoek, Euro 6d-temp estandarra betetzen dutenek, hain emaitza txarrak ematea. Filtroetan bertan dago gakoa. Autook isuritako keak garbitzeko filtro bana daramate eta hauek beren lana egiten dute ia beti... salbu eta filtroak butxatu ez daitezen tarteka beren buruak garbitu behar dituztenean.
Transport & Environmentek EBren arautegia betetzen duten bi auto salduenekin –NissanQashqaieta Opel/VauxhallAstra– frogatu du estandar berria nola dabilen ez laborategian baizik eta bizi errealeko baldintzetan eta ohartu dira filtroak garbitzeko operazio hau, kotxeak martxan dagoela automatikoki egiten duela 450-500 kilometro burutu ahala, tokatzen den lekuan tokatzen dela, izan landa eremu, autopista edo hiri erdian. Eufemismoz regenerate deitu arren, 15 kilometrotan zehar filtroek beren buruak garbitzeko operazio horretan aieratzen ditu ustezko ibilaldi txukun osoan baino askoz partikula eta pozoi gehiago atmosferara.
Gaur egun 45 milioi autok daramatzate filtro hauek Europa osoan eta kalkulatzen da urtean 1.300 milioi regenerate garbiketa egiten dituztela. Irakurlea ohartuko denez, Londresen eta azken aldian Bartzelonan bezala agintariek hiri handietan ezarri dituzten emisio gutxiko eremuetan sar daitezkeen kotxeez ari gara.
Ikusi beharko da zer nolako oihartzuna lortzen duen Transport & Environment txostenak aireratu duen eskandaloak, oraingoz hedabide nagusiek ez dute askorik haizatu, ez bada La Vanguardia bezalako egunkariren bat. Baina funtsean erakusten du industriaren lobby lanak lortzen duela agintariek kutsadura erregulazioak antolatzea iruzurra legalki burutzeko moduan. Dieselgate auzi famatua lehertu zen Volkswatenek (eta geroago jakin zen beste autogile batzuek ere bai) kutsadura datuak faltsutzeko sofwarea zeukala instalatuta beren kotxeetan, baina eskandalua hortik urrunago zihoan: EBko agintariek baimendua zeukaten autook kontrolatzea eguneroko martxa erreala ez den baldintzetan.
Orain Transport & Environmentek erakutsi du EBren arautegiak auto berriei kutsatzen jarraitzeko zulo bat utzi diela industrialei, lehengo trikimailu berarekin: ez ditu kontrolatzen eta ezin ditu kontutan hartu autoek martxan beren filtroak garbitzeko ingurua 450-500 kilometrotan behin egiten dituzten deskargak. Ondo begiratuz gero, hondakinak kiskaltzen dituzten erraustegiei agintariek lagatzen dieten trikimailu bera da: industriak bere burua kontrolatzeaz gain, tarteka baimentzen zaio kutsagaiak filtrorik gabe aireratzea, filtroei bypass eginez. Beti filtroak arazo guztientzako ustezko soluzio eta beti filtroetan iruzurra.
Dieselgate 2.0 bertsio berrituaren atarian gaudeke.
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Pertsonen eta txakurren testikuluetan mikroplastikoak topatu dituzte maila esanguratsuetan. Eta ikertzaileek ohartarazi dute litekeena dela horrek eragina izatea ugalkortasunaren jaitsieran. Toxicological Sciences aldizkarian argitaratu dute ikerketa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Astelehenean egindako inspekzioaren ostean hartu da erabakia, azken asteetan izan diren istripuen harira.
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
