Didier Aguerre euskal presoa aske utzi dute 20 urte eta gero
2001ean atxilotu zuten eta hemezortzi urteko kartzela zigorra ezarri zioten ETArekiko lotura izatea egotzita.
Didier Aguerre pagolarra ekainaren 24an irten da Lannemezango (Okzitania) presondegitik, hogei urtez kartzelan egon ondoren. 2001eko irailaren 23an atxilotu zuten Saint-Étiennen, ETAko kide izatea egotzita. 2006an epaitu zuten, beste 14 lagunekin batera, eta hemezortzi urteko kartzela zigorra ezarri zion frantziako justiziak.
1997an atxilotu zuten Aguerre lehen aldiz, Senpereko eta Irisarriko komisarien kontrako erasoetan parte hartzeaz akusaturik. Orduan baldintzapean aske utzi zuten, baina ez zen bere kontrako auzira agertu. Hiru urteko kartzela zigorra ezarri zioten.
Ipar Euskal Herriko bi preso dira Frantziako kartzeletan
Kazeta.eus hedabidearen arabera, Lorentxa Beyrie eta Didier Aguerre aske utzi ondoren, Ipar Euskal Herrikoak diren bi euskal preso gelditzen dira Frantziako Estatuko kartzeletan: Jakes Esnal Lannemezanen eta Ion Kepa Parot Mureten. Uztailaren 10erako antolatu du martxa bat Bake Bidea-k, Ion eta Unai Paroten eta Jakes Esnalen askatasunak eskatzeko, baita euskal preso guztiek jasandako jazarpen juridikoen salatzeko ere.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.