Desokupako ultraeskuindarrek eskerrak eman dizkiote Ertzaintzari Abadiñoko desalojoan “emandako laguntzagatik”
Ehunka lagunek protesta egin dute ostegunean Abadiñoko Zelaieta auzoan, okupatutako etxebizitza bat Desokupa talde ultraeskuindarrak hustu izana salatzeko. Errepidea moztu ostean, desalojatutako etxe parean manifestarien aurka oldartu da Ertzaintza lagun bat atxilotu du eta beste bi inputatu ditu.
Abadiñoko Zelaieta auzoan okupatuta zegoen etxebizitza bat indarrez hustu du ostegunean ultraeskuindarrez osatutako Desokupa enpresa polemikoak. Etxe okupatuaren barruan grabatutako bideo baten bitartez, enpresako buru Daniel Estevek eskerrak eman dizkio Ertzaintzari "hurbiletik laguntza eman izanagatik" eta gaineratu du "gutako zortzi nahikoa izan dira zuek botatzeko, eta gainera, gu joan garenean Poliziak gozo jarri zaituzte!".
Abadiñoko Gaztetxeak mobilizatzera dei egin du arratsalderako, eta ehunka lagun batu dira. Errepidea mozten saiatu dira, baina istiluen aurkako poliziek oztopatu dute. Ertzaintzaren zazpi furgoneta baino gehiago agertu dira mobilizaziora. Ondoren, manifestazioa egin dute Zelaietako kaleetan, eta azkenik, errepide nagusia moztea lortu dute. Protesta amaituta, manifestarien aurka oldartu dira ertzainak, eta lagun bat atxilo eraman du. Istiluak zabaldu dira inguruko kaleetan.
Desokupa, bost urteko ibilbidea
2016an ibilbidea hasi zuenetik 5.600 etxegabetze baino gehiago egin dituztela diote Desokupako kideek. "Indarrez okupatutako etxebizitzak husten" espezializatutako enpresa bat direla diote, "72 ordu baino gutxiagoan eta penintsula osoan". Hala ere, Justiziak behin baino gehiagotan ikertu ditu, etxegabetzeko erabiltzen dituzten bitarteko bortitzengatik. Salaketa horietako bat Portugaleten gertatu zen, 2019an, emakume batek Daniel Esteveri salaketa jarri zion bera etxetik botatzean Desokupako kideen "intimidazio eta bortxagatik". Donostiako Kortxoenea gaztetxearen desalojoaren atzean ere Desokupako kideak izan zirela salatu zuten 2015ean.
2015ko uztailean La Directako lagunen eskutik, eman genuen Desokupa enpresaren atzean dauden elementu paramilitar eta ultraeskuindarren berri.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.