Desokupa enpresak Erkorekaren gezurrak agerian utzi ditu
Ertzaintzak ez zuen izan ultraeskuindarrez osatutako Desokupa enpresako kideekin “inongo kontakturik, ez desalojoaren aurretik, ez bitartean, ez ondoren”, esan zuen ostiralean Josu Erkoreka Barne sailburuak Gasteizko Legebiltzarrean, Abadiñoko etxe okupatuaren desalojoaren harira. Desokupak bideo bat argitaratu du, zeinean enpresako kideak agertzen diren Ertzaintzarekin desalojoaz hizketan.
Erkorekak EH Bilduko legebiltzarkide Julen Arzuagak eginiko galderari erantzunez egin zituen adierazpenak ostiralean. Ziurtatu zuen Ertzaintzak Desokupa enpresaren jardunaren berri ere ez zuela izan eta, hortaz, kontrakoa esanez zabaldu ziren mezuak “gezur hutsa” direla –apirilaren 15ean Desokupak Abadiñoko etxe okupatu bat desalojatu zuen. Enpresak eskerrak eman zizkion Ertzaintzari, "emandako laguntzagatik"–. Astelehenean Desokupa enpresak bideo bat argitaratu du, auto batean dauden ertzain batzuen eta enpresako kide baten arteko elkarrizketa jasotzen duena. Desokupako enpresak beharrezko baimenak dituztela eta “espazio komuna birrinduko” duela adierazten dio ertzainari, besteak beste. “Edo gezurretan ari da, edo ez du Ertzaintzaren gaineko inongo kontrolik”, idatzi du Arzuagak Twiterren. Legebiltzarrean Erkorekari zuzendutako galdera berriak sartu dituela ere iragarri du.
Bideoarekin batera mezu bat argitaratu du ultraeskuindarrez osatuta dagoen enpresak. Abadiñoko desalojoaren bideo berri bat iragartzen du, “Zeinean frogatuko den nork dioen gezurra eta nork egia”. Berriz ere Ertzaintza zorionduz amaitzen du mezua: “Ertzaintza berriz ere zoriontzen dugu kasu honetan erakutsi duen profesionaltasun handiagatik eta laguntzagatik. Handiak zarete!”.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.