Milaka manifestari Katalunian, deskonexio adierazpena babestu zuten udal ordezkari auzipetuen alde
En Comú, Procés Constituent, ERC eta EUiA alderdi politikoen eta Òmnium Cultural, ANC eta Súmate mugimendu sozialen babesa izan du, besteak beste, CUPek deitutako manifestazioak, La Directa hedabideak jaso duenez.
Kataluniako 291 udalen aurka jo du Espainiako Auzitegi Nazionalak azaroaren 9ko deklarazioaren aldeko mozioak onartzeagatik. Joan Coma Capgirem Vic-eko ordezkaria –CUPen hiri horretako zerrendaren izena– inputatu egin dute sedizioa bultzatzea egotzita. Montse Venturós Bergako alkatea ere inputatu dute, hauteskunde kanpainan Estelada udaletxeko balkoitik ez kentzeagatik.
Ikertutako udalei eta hautetsiei babesa eskaini eta auzitegiak desobedientzia-deia egiteko manifestazioa deitu du igandean CUPek Bartzelonan, “Askatasunen alde, aurrera goaz” (Per les llibertats, avancem) lelopean. Milaka lagunek egin dute bat manifestazioarekin eta Kataluniako mugimendu sozial eta politiko askoren babesa lortu du.
Bartzelonako En Comú alderdiko hainbat ordezkari, Jordi Cuixar Òmnium Culturaleko presidentea eta ERCko Joan Tardà eta Alfred Bosch egon dira manifestazioaren hasieran, besteak beste. "Ez gaitzala auzitegi bakar batek ere isildu" (Que cap tribunal ens faci callar) manifestua sinatu duten 1.820 pertsona eta 37 elkarte soberanista eta ezkertiarren artean daude horiek ere.
CDCk ez du manifestazioa babestu eta alderdi horretako kide bakar batek ere ez du parte hartu, Victor Terradellas Nazioarteko Harremanetako idazkariak izan ezik. Hain zuzen, Francesc Homs CDCk Kongresuan duen diputatuak kritikatu egin du manifestazioko leloa.
“Independentzia” eta “Antikapitalistak” oihuen artean egin da martxa eta Sant Jaume plazan egin dute ekitaldi politikoa. Ferran Blasi ekintzaileari omenaldia egin diote ekitaldiaren hasieran. Benet Salellas CUPeko diputatuak nabarmendu du ezin dela onartu Parlamentuan oinarritutako legeak bertan behera uztea, azken egunetan Espainiako Konstituzio Auzitegiak egin duen bezala – bertan behera utzi ditu Etxebizitzaren Legea eta Berdintasun Legea–.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Oporlekuekin soilik lotuko dituzte askok Balear Uharteak, baina agroekologiaren eta kontsumoaren bueltan mugimendu bizia dute Mallorca irlan: Associació de Varietats Locals de Mallorca (tokiko hazi barietateen elkartea) da horren adibide. Abenduaren hasieran, elkarte... [+]
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
2011. urtean M-15eko mugimendu indartsua lehertu zen, Kataluniako Gobernua ataka estuan jarri zuena. Besteak beste, orduko hartan Polizia Bartzelonako Katalunia plazako kanpaldi suminduari oldartu zitzaion, eta parlamentua setiatu zuten ekintzaileek, Artur Mas presidentearen... [+]
Okzitaniako Tolosako Apelazio epaitegiak eman du epaia, eta horren arabera, udaletan ezingo da katalana lehen hizkuntza moduan erabili, eta izatekotan, frantsesez egin ondoren, hura katalanera itzuli ahal izango da.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Uholdeek hartu duten zonaldea "katastrofiko" izendatuko du Valentziako Generalitateak, eta 31.400 milioi euroko laguntza eskatu dio Espainiako Gobernuari, tanta hotzak eragindako kalteak konpontzeko. Pedro Sánchez presidenteak astearte eguerdiko agerraldian... [+]
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.