Desobedientzia ekintza baxoan: berrogei ikaslek euskaraz erantzun dute filosofiako azterketa
Baxoko filosofiako azterketa euskaraz erantzun du Baionako Bernat Etxepare lizeoko ikasle andanak, ikasketak hizkuntza horretan egiteko eskubidea aldarrikatu asmoz, aurrez jakinik ez direla zuzenduak izango.
"Ikastolak zuen baimenik gabe eraiki ziren, ehunka euskaltzaleren lan eta borrokari esker. Ez dugu zuen baimenik eskatuko eskubide berriak lortzeko". Determinazio horrekin Baionako Bernat Etxepare lizeoko 40 ikasle inguruk euskaraz erantzun du baxoko filosofiako azterketa. Hala, azaldu dutenez, azterketaren lehen zatian euskaraz ikasteko euren eskaria berretsi dute frantsesez, eta ondoren euskaraz erantzun dituzte idatzizko galderak.
Ekintza horren bidez, Frantziako Estatuak hizkuntza gutxituen irakaskuntzan duen jarrera ere salatu nahi izan dute, esaterako, Molac legearekin harturiko erabakiak. Testuinguru horretan kokatu dute baxoa euskaraz egiteko debekua, "Ipar Euskal Herriko jendartearen gehiengo batek" azterketa hizkuntza horretan egin ahal izatea sustengatzen duen arren euren esanetan, maiatzaren 29ko manifestazio erraldoia gogoan.
Lizeoaren aurrean eman dute ekintzaren berri eta Kazeta.eus-ek jaso ditu beraien hitzak: "Batzuek halakorik uste ez duten arren, filosofia euskaraz ere egin daiteke. Gogoetatzeaz gain, ekintzetara ere pasatzen gara ikasleok". Ikasleek badakite azterketa horiek ez direla zuzenduak izango, eta bi nota izango dituzte orain: bata azterketakoa eta bestea ikasturte osokoa, eta horietako bat hautatuko dute. "Guk pentsatzen dugu euskaraz pasatzeagatik 0 izanen dugula. Baina espero dugu 0 eliminatorio bat ez izatea".
Ekintzarekin elkartasun mezua helarazi nahi izan diete ikasketak euskaraz egiteko borrokan ari diren ikasle, irakasle eta gurasoei. Hain justu, aste honetan Seaskako irakasle talde batek iragarri du desobeditu egingo duela, eta Brebeta zuzentzeari uko egingo diola, ikasketak euskaraz egiteko eskubidea urratua izaten ari delako. Bestalde, guraso talde batek Idauze-Mendiko eskola okupatu du bertan euskarazko irakaskuntza proiektu bat abiaratzeko eta murgiltze ereduaren alde.
Idauze Mendiko eskola publikoa okupatzen ari dira. Parte hartzaileen artean Jean-Pierre Mirande Departamenduko kontseilaria, Johañe Queheille Alzürükükoa, Idauze-Mendiko Renée Carrique auzapeza eta Ozaze-Suharako Maite Echeverria auzapeza..
Murgiltze eredua Idauze-Mendin orain! pic.twitter.com/UrKQSE59R1
— Euskal Konfederazioa (@Konfederazioa) June 17, 2021
Uztailaren 1ean azterketak euskaraz pasatzearen aldeko manifestazioa egingo dute Donapaleun eta hara joateko deia luzatu dute ikasleek.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]