Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere bigarren diskoari, 2022an. Gerora azaldu izan du berak ez duela hain pasibo ulertzen; esperantza zera dela, bere ustez: “Zeozer egitea, jakinda zeozer egiten badugu buelta emango diogula egoerari”. Bada, halako zerbait sinetsita bertaratu gara Bilboko Sarean espazioan After Post kolektiboak antolatu kontzertura.
Potea eskatu eta harengana hurbildu garenerako hasi du kontzertua, kable eta sintetizadoreen oihanetik. Soinu industrialak perkusio, hitzak beti zorrotz. Olorrek ez dio inori erdibidean gelditzen uzten, alde edo kontra egoteko gonbita da ikuskizuna. Kantuak, kapitalismoaren eta faxismoaren kontrako manifestu. Hitzak eta musika ez dira, ordea, Olorrek adierazteko duen modu bakarra; ez da geldirik egon bigarren kanta bukatu denetik: orain lurrean etzan, orain publikoaren artean kontaktu bila aritu, orain zure begietatik hamar zentimetrora kanta oso bat kantatu. Performancearen mugimendu ez-serio, ez-estetiko, ez-maskulinoek gogorarazten digute erosotasunak bi alde dituela, eta deserosotasuna jasaten den gisan eragin daitekeela. Alegia, izan daitekeela zauri, arma edo alarma. Eta horretan, denok gara errudunak, errua ez bada inorena. Nork bere zama darama.
Aurreko paragrafoaren hasieran hala esan dudan arren, honezkero konturatuko zinen ez dela kontzertu bat izan. Ez adiera klasikoan, behintzat. Asko izan du performancetik eta probokaziotik. Eta dena, zu –eta ni, eta bertaratu diren guztiak– deriba arriskutsuenetatik salbatzeko.
Lagun batek beti esaten dit berak sortzaileak eta proiektuak sinetsi egin behar dituela, gustuko izango baditu. Baina hori nola egiten da? Argi dago ez dela guztiz arrazionala. Artista batzuk entretenigarri zaizkigu eta listo. Baina agertzen diren antzera, desagertu egin ohi dira. Esango nuke pertsonaren egunerokoaren eta proiektuaren artean dagoen distantziak markatzen duela zerbaiten sinesgarritasuna. Egoaren eta alter egoaren artekoa. Hala, Jokinekin ez daukat zalantza askorik. Olor eta Jokin bat dira. Hainbat proiektutan ezagutu dugu, eta haren ibilbidea apur bat jarraitu duenak badaki parte hartzen duen proiektu bakoitza dela borrokarako tresna berarentzat. Zerbait erre nahi dugunontzat, gasolina. Eta gasolina usaina ez da berehala desagertzen.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.