Macronek hauteskunde kanpainan soldadutza berriz ere derrigorrezko egin nahi zuela adierazi zuen eta 2019an abian jarri zuen "Zerbitzu Nazional Unibertsala" (SNU frantsesezko sigletan) izenarekin. Handik gutxira bere egin zuten proposamena ondorengoek: Salvinik Italian, Mayk Erresuma Batuan, Alemaniako prentsaren zati handi batek eta Marokoko erregeak. Halere, Ukrainako guda hasi denetik, guda masibo baterako prestatzen ari balira bezala ari dira jokatzen herrialde ugari. Zenbait hipotesiren arabera, 2012 inguruan jaiotako Europako gazte guztiak soldadutzara bidali nahiko dituzte, edo gudara.
Militarismoaren igoerari jarraipena egiten diote Communia blogean eta azken hilabeteetako mugimenduen jarraipena eginez, mahai gainean jarri dute derrigorrezko soldadutzaren inposizioa.
Ikusteke dago Europar Batasuneko hurrengo belaunaldiei derrigorrezko soldadutza inposatuko dieten, baina Ukrainako gudak sorturiko testuinguruan militarismoaren igoera nabarmena da eta merezi du gaiari erreparatzeak.
16 urtetik gorako gizon eta emakume guztientzat, eta entrenamendu militarrean oinarritu beharrean, "hezkuntza-patriotikoa" egitea litzateke helburua, ikasketa militarra beharrean. Horixe da Macronen proposamenetik indar hartu duten ideiak "soldadutza berri" hau planteatzeko orduan.
Urteak igarota, "soldadutza berri" hori –Frantziako Estatuan "Zerbitzu Nazional Unibertsala" deitu dutena eta probazko fasean dagoena– soilik Hexagonoan jarri dute indarrean. 2019an 2.000 gaztek hartu zuten parte, 2021ean 15.000ek eta aurten 50.000 izatea espero dute. Hilabetez egoten dira gazteak zerbitzu militarra egiten. Macronek ez du amore ematen eta 2024tik aurrera derrigorrezkoa izatea nahi du.
Azken urtean soldadutza berpizteko proiektuak indar hartzen ari dira Alemanian, Letonian eta Lituanian. Herbehereek, bolondres faltagatik, azterketa-fasean daukate. Blog horretan jaso dutenez, Norvegia eta Suedia dituzte eredu derrigorrezko zerbitzu militarra berrezartzea aztertzen ari diren herrialdeek. Eskandinaviako herrialde horietan “adin militarra” duen gazte oro lehia-proba batzuk egitera deitzen dituzte eta horietako batzuek egiten dute soldadutza.
Artikulu horren egileek mahai gainean jartzen dute herrialde zenbaiten goi arduradun militarrak Europa eta Asiako armaden arteko “intentsitate handiko gerra” bat aurreikusten ari direla 2027 eta 2030 urteen artean. Ukrainia eta Errusiaren arteko gerra hasi baino lehen, Parisek 3.000 miloi eurorekin handitu zuen urteko aurrekontu militarra. Gerora, NATOko herrialdeak ere konprometitu dira bestelako behar sozialetarako soberan ez leudeken milaka milioi euro armak erostera bideratzea.
Europar Batasuneko herrialdeak, Alemania buru, aurrekontu militarrean egiten ari diren hazkundeari gehitzen bazaio geopolitikan estatuen arteko harremanak hartzen ari diren norabide gatazkatsua, artikulu horretan herrialdeak hartzen ari diren erabakiak zerrendatzen dituzte.
EB bere garraio-sistema erreformatzen ari da –batez ere trenak eta autobideak– Errusiaren aurkako balizko gerrak lor litzakeen beharretara egokitzeko. Txekiar Errepublikako lehendakaritza berriaren helburu nagusia izan da "elikadura-segurtasunaren" ikuspegi estrategikotik berriro diseinatzea nekazaritza-politika. Erreklutamendu-sistemak ere zabaltzen ari dira.
Polonian aurrekontu militarra urte batetik bestera aurrekontu guztiaren %5 izatea onartu dute berriki eta herritarrak erreklutatzeko sistema aldatu dute armada bikoiztu ahal izateko.
Honela borobiltzen dute artikulua:
"Militar europarrak 2030 urteko perspektibarekin guda horretarako baldintza materialak sortzen ari dira pixkanaka, herrialdez herrialde, baina oso azkar. "Bigarren mundu gudaz geroztik ikusi ez dugun baja kopurua" espero dute [diote, Frantziako armadako buruak herrialdeko legebiltzarrean ateak itxita eginiko azalpenean oinarrituta]. Europako estatuek esku artean dauzkaten agertoki estrategiko horien arabera, 2012 urte inguruan jaio diren pertsona guztiak, gaur egun 10 urte dituztenak dira bigarren mundu guda batez geroztik masa guda batera joateko aukera gehien dituztenak".
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
Bigarren Intifadaz geroztik ikusi gabeko eraso "antiterroristari" ekin dio Israelek Zisjordanian. Jenin, Tulkarm eta Tubas hiriak izan ditu jomuga drone, helikoptero eta batailoi militarren bidez, eta gutxienez bederatzi lagun hil ditu jadanik. Hainbat iturriren... [+]
Haurra nintzenean, etxean ohitura zen arratsaldeko zortzietan egiten ari ginen hori albo batera utzi, telebista piztu eta ETB1eko albistegia ikustea. Hasieran sekulako amorrazioa sentitzen nuen gaueroko kate aldaketa bidegabe horien aurrean, eta gurasoei galdetzen nien ea nola... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Luis Arce Boliviako presidenteak armadaren "mugimendu irregularrak" salatu ditu. Komandante ohi bat La Paz hiriburuan dagoen Quemado jauregia hartzen saiatu da hainbat ibilgailurekin, baina inork ez dio babesik eman eta azkenean atxilotu egin dute.
1415eko udazkenean Agrincourteko gudua lehertu zen Ingalaterra eta Frantziaren artean, Ehun Urteko Gerraren gudu erabakiorrenetakoa. Horretarako, Henrike V.a Ingalaterrako errege eta Irlandako jaunak uda horretan bere ejertzitoa Frantziara bidaltzea erabaki zuenean, soldaduak... [+]
“Si vis pacem, para bellum” kantatzen genuen laurogeiko hamarkadan orduko gazte euskaldunok. Bakea nahi baduzu, prestatu gerrarako, oihukatzen genuen latinez, ulertu barik oso ondo esaldiaren esanahia.
Sasoi hartan, euskal gatazka gori-gori zegoen, eta munduak... [+]
Genozidioa zoritxarrez modan dagoen hitza da. Rafael Lemkinek 1946an egin zuen definizioaren arabera, “talde nazional, etniko, arrazazko edo erlijioso bat erabat edo partzialki suntsitzeko asmoz egindako ekintzak” dira genozidioa. Ekintza horiek “taldeko kideak... [+]
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]