Derrigorrezko atez ateko hondakin-organikoaren bilketa ezarriko du Kripango Udalak
Arabako Errioxan dagoen Kripan herrian bio-hondakinak etxez etxe biltzeko sistema abiaraziko dute. Azaldu dutenez organikoaren bilketa modu horretan eskaintzen duen "Arabako lehen udalerria" izango da.
Kripango Udalak eta Guardia-Arabako Errioxako Kuadrillak hondakin organikoak etxez etxe biltzeko eta errefusa edukiontzi itxietan jasotzeko proiektu "pilotua" abiarazi dute. Hala, organikoa biltzeko kuboak banatu dizkiete bizilagunei, denera 130 "birziklatze kit", baita errefusaren edukiontzia irekitzeko txartelak eta konpostaje puntura sartzeko giltzak ere.
Azaldu dutenez, neurri "aitzindari eta berritzaileak" dira eskualdean. Erabiltzaileek egun eta ordu zehatzetan utzi beharko dute kubo marroia etxeko atarian, eta hala egin ezin duenak, auzokonposta izango du beste aukera. Kuadrillak hondakinak kudeatzeko ordenantza aldatu behar izan du egitasmoa aurrera ateratzeko: herritarrak derrigortzen ditu bio-hondakinak bereiztera.
Sistema horrekin lortu nahi da sorturiko hondakinen %85 gaika biltzea, Europar Batasunak ezarritako birziklatze helburuak betetzeko.
Atez ateko derrigorrezko hondakinen bilketa Usurbilek ezarri zuen lehen aldiz, duela hamarkada bat baino gehiago, eta Bilduk beste hainbat hamaika udalerritan ere ezarri zuten sistema hori edo bere aldaerak, gaikako bilketa izugarri igoz. Orain Kripan izango da "etxez etxeko organiko-bilketa bat eskaintzen duen Arabako lehen udalerria"; EAJren esku dago horko udal gobernua.
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.