Denboraren aterabidea
Otsailak 28 ostirala, beste egun batez ilunabarrak Gasteiz harrapatu du. Astebururo lez, Jimmy Jazz aretoak bere ateak ireki eta kaleko iluntasunari sartzen utzi dio, hormak belzten doaz. Denak berdin jarraitzen du, astebururo errepikatzen den protokoloa martxan dago.
Guk ere beti bezain inuzente jarraitzen dugu, oraindik gure denboraren jabe garela sinistuta gaude. Uste dugu gure astiaz gain, besteena ere kontrolatzen dugula; sarrera bat niretzat eta beste bat opari nire lagunarentzat. Baina lasai, denborak erakutsiko digu honek ez duela funtzionatzen pentsatzen dugun bezala. Denbora gelditu, izkutatu, laburtu egiten dela konturatuko gara, denbora oraina dela ikusiko dugu eta gero ihes egiten duela ohartuko gara.
Denboraren joan etorri honetan, oholtzara begiratzen dugu pazientzia gutxiko ikusleok. Gaueko lehenengo kontzertuaren zain. Pelax eta bere banda dira iluntzeko lehenengo protagonistak. Eszenatokia kez betetzen ari da eta lau lagunak agertzen hasi dira. Bakoitzak bere instrumentua hartu eta artistaren azkenengo diskoa jotzen hasi dira.
Donostiarrak alfabetoaren lehenengo lau letrekin izendatu ditu bere abestiak : A, B, D eta E. Lau kantu soilik, baina zein baino zein luzeagoa. Bataz beste hamazortzi minutu irauten du bakoitzak. Rock progresiboaren kutsua somatzen da giroan, eta kontzertuak aurrera egin ahala Telmo Trenorren elektronika gehitu zaie. Bateria, baxu, gitarra eta sintetizadore arteko koordinazioak borobildu du Pelax taldearen ikuskizuna. Ihes egin digu denborak berriro ere, hasi eta bukatu egin da gaueko lehenengoa.
Palindromo batek lapurtuko dizkigu hurrengoko minutuak; Inoren ero ni. Bi aldeetatik berdin irakurri, baina esanahi berdina duen esaldia. Gitarra, baxu eta bateriak osatzen dute Andoainen jatorria duen banda hau. Argitaratutako azken diskoak,“Il cercatore di perle” izena du eta euskarara itzuli daiteke perla-ehiztari bezala. Hori dela eta, taldekideek bilatzaile gisa definitzen dute haien burua.
Oholtza gainera igo eta ile urdindua duen abeslariak ikusleei bizkarra emanda hasi du emanaldia. Erritmo azkar eta bortitzekin batera, turuta batetik abesten du Okenek eta eszenatokiko alde batetik bestera mugitzen da. Bozgorailuen atzean jarri eta alkandoratik tira egiten du musikak hipnotizatu balu bezala. Musikarien arteko ulermena agerian geratzen da abesti batetik bestera. Kantaria ikusleengana jaitsi eta bertan ematen dio amaiera gaurko jardunari. Laukote bilatzaile honek haien perlak erakutsi dizkigu, baina bilatzaileek denbora luzea behar izaten dute perlaz jositako altxorra aurkitzeko. Ikusleoi aldiz, hegan egin digu denborak altxorraren barruan zeuden perlen bila.
Dospordos-en argazkiak:
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]