‘Deia’ egunkariko langileak greban dira, hamalau urtez soldatak izoztuta dituztela salatzeko
Maiatzaren 16tik 18ra greba egingo dute Deia egunkariko langileek, lantaldeak batzarrean gehiengoz hala erabakita. Salatu dute 2009tik soldatak izoztuta dituztela eta hogeitasei lagun kaleratu dituztela.
Noticias komunikazio taldeko Deia-ko langileek grebara jo dute beste behin, euren lan baldintzak direla eta. Maiatzaren 16an, asteartearekin, hasi zuten lanuztea eta ostegunera arte iraungo du. Hala erabaki du lantaldeak batzarrean.
Enpresa batzordeak helarazitako oharrak dioenez, 2009tik soldatak izoztuta dituzte eta ondorioz eros ahalmenaren %40 galdu dute. Gainera, lantaldea erdira murriztu da, eta EEE baten bidez hogeitasei langile kalean geratu dira.
Langileek azaldu dutenez urritik sei bilera egin dituzte Enpresa Batzordeak hala eskatuta, hitzarmen berria negoziatzeko, baina "enpresak jarraitzen du langileentzako proposamen ekonomikorik egin gabe".
Edukiak enpresa "fiktizio" baten esku
Laneko egoeraren berri ere eman dute grebalariek. Hala, diotenez, lantaldeko hamabi lankide NTM izeneko enpresan ari dira. Edukiak eskaintzen dituen enpresa "fiktzioa" dela salatu dute, soldata baxuagoa ordaintzen duena, eta Ekonomia, Politika, Gizartea eta beste hainbat sailetako albisteetako edukiak eskaintzen dituena.
?DEIA GREBAN? La plantilla en huelga hasta el jueves!!!? pic.twitter.com/ahvCwikjm3
— ComiteDeia (@ComiteDeia) May 16, 2023
Bestetik, Noticias Taldeak Deia argitaratzeko erabiltzen zuen Iparragirre argitaletxeko Boroako inprimategiaren salerosketan informazio falta eta "iluntasuna" ere salatu du Enpresa Batzordeak.
Duela urte bete, 2022ko martxoan, Iparragirre argitaletxeko eta Deia-ko langileek greba mugagabeari ekin zioten, baina negoziazio batzuen ostean bertan behera geratu zen. Besteak beste, kaleratze gehiago ez zela izango eta soldatetan igoera bat egongo zela adostu zuten, baina zehaztasun gehiagotara iritsi gabe.
Greba egunetan lagileek pikete informatiboak, pankarta jartzeak eta elkarretaratzeak egingo dituzte.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.