Defentsen eskaerak baztertu ditu epaimahaiak, eta epaiketa egingo da
Defentsek prozeduraren hainbat irregulartasun salatu dituzte, epaiketa bertan behera uztea eskatuz, baina Ángela Murillo buru duen epaimahaiak errefusatu egin ditu. Epaiketa ekiditeko akordiorik ere ez da egon defentsen eta akusazioen artean. Orotara 77 espetxe urte eskatzen ditu fiskaltzak auzipetuentzat.
Astelehen goizean hasi da 13/13 sumarioko auzipetuen arteko epaiketa Madrilgo Auzitegi Nazionalean. Epaitegira sartu aurretik Julen Zelarainek adierazpenak egin ditu akusatuen izenean. Epaiketa “lekuz eta garaiz” kanpo dagoela salatu du, eta delitu berbera egotzita bigarren aldiz epaitu nahi dituztela: “Jada auzipetuak eta epaituak izan ginen akusazio berdinagatik [ETAko kide izatea]”. Hain zuzen hori izan da auzipetuen abokatuek epaiketa bertan behera uzteko egin duten eskariaren argudioetako bat.
Abokatuen eskariak
Epaitegi barruan, hitz egiten lehenak auzipetuen abokatuak izan dira, epaiketa bertan behera uzteko hainbat argudio emanez. Jon Enparantza eta Arantza Zuluetaren abokatu Alfonso Zenonek bere defendatuen aurkako akusazioak Guardia Zibilaren “gezur batetan” oinarritzen direla salatu du, eta errugabetasun presuntzioa ez dela errespetatu. Eskatu du ere epaiketa zuzenean ez emititzea –Youtube bidez ari dira ematen– eta guardia zibilek ez deklaratzea babes neurriekin. Epaimahaiak ez ditu bere eskariak onartu. Naia Zuriarrainen abokatu Jone Goirizelaiak epaitegia non bis in idem printzipioa urratzen ari dela salatu du, Zuriarrain 2019an ustezko delitu berdinagatik zigortu zutelako jada. Julen Zelarain eta Iker Sarriegiren abokatu Aiert Larrartek, besteak beste, salatu du CNIren entzuketak legez kanpokoak izan zirela.
Abokatuen ostean Jose Perals fiskalak eta herri akusazioek hartu dute hitza, eta defentsen eskaera eta salaketa guztien aurka egin dute. Epaimahaiak epaiketarekin aurrera egitea erabaki du.
Auzipetuen deklarazioak bihar edo etzi
Printzipioz astearte goizean auzipetuek egingo dituzte deklarazioak. Dena den, Murillo epaileak jakinarazi du epaimahaikidetako batek COVID-19aren aurkako txertoaren bigarren dosia jaso berri duela eta ondoezik sentitu dela, eta bere osasun egoeraren arabera epaiketa biharko mantendu edo etzira atzeratuko dela. Deklaratzen lehena Arantza Zulueta izango da.
Akordiorik ez
Azkenaldiko makroepaiketa gehienetan ez bezala, honetan ez da defentsen eta akusazioen arteko akordiorik egon. Naiz-ek argitaratu duenez, Fiskaltzako iturriek epaiketan akusazio partikular diren biktimen elkarteen borondate ezari leporatu diote akordio eza. Defentsek aldiz, Fiskaltzari leporatu diote akordioa bilatzeko borondate eza. Aukera aztertu eta negoziatzeko biltzeari ere uko egin diola adierazi dute.
77 urteko eskaria
Arantza Zulueta, Jon Enparantza, Naia Zuriarrain, Julen Zelarain, Iker Sarriegi, Saioa Agirre, Nerea Redondo eta Juan Mari Jauregi dira Espainiako Auzitegi Nazionalak gaurtik aitzina epaitzen ari dituen euskal herritarrak, guztiak euskal presoen eskubideen alde lanean aritutakoak. Orotara 77 espetxe urte eskatzen ditu fiskaltzak auzipetuentzat, 7 eta 19 urte arteko eskaera pertsonalekin. Epaiketa hasi dute astelehenean, zortzi saio aurreikusten dira uztailean eta beste zortzi irailean.
Bilbon eta Donostian eginiko manifestazio jendetsuetan Arantza Zuluetari, Jon Enparantzari, Naia Zuriarraini eta Iker Sarriegiri ezarritako espetxe zigorrak salatu dituzte.
13/13 sumarioan auzipetutako lagunen hurbilekoek eta zenbait eragile sozial, sindikal eta politikok, larunbatean Bilbon eta Donostian deitutako manifestazioetan parte hartzera dei egin dute. "Guk argi dugu nolako Euskal Herria nahi dugun, baina Auzitegi Nazionalak kontrako... [+]
Espainiako Auzitegi Nazionalak Arantza Zulueta, Jon Enparantza, Naia Zuriarrain eta Iker Sarriegiri 13/13 auzian jarritako zigorren aurkako manifestazioak egingo dituzte larunbatean. Lehenago, ostegunean, prentsaurreko masiboa egingo dute Bilbon.
Zazpi auzipetuetatik lauri espetxe zigorra ezarri die Espainiako Auzitegi Nazionalak eta beste hiru absolbitu egin ditu. Defentsarako abokatuek azaldu dute epaia oraindik ez dela irmoa eta helegitea jartzeko aukera dutela.
13/13 auzian izandako irregulartasunak salatzeko manifestua argitaratu dute ehun legelarik. Bost puntutan laburbildu dituzte irregulartasun horiek eta gogorarazi dute auzipetuetako batzuek torturak salatu zituztela.
Ahozko epaiketako azken eskaerak egiterakoan, Fiskaltzak erretiratu egin du Julen Zelarainen aurkako akusazioa. Gainerako sei auzipetuei ETAko "buru", "kide" edo"laguntzaile" izatea egozten die: guztira, 66 urteko espetxe zigorra eskatu du... [+]
Epaiketaren saio berria egin da astelehenean Espainiako Auzitegi Nazionalean. Saioa Agirre eta Naia Zuriarrain akusatuei Istanbulgo Protokoloa aplikatu zieten Olatz Barrenetxea eta Haizea de la Llosa psikologoek.
13/13 auzian, Defentsaren lekukoak hasi dira deklaratzen astearte honetan. ETAko kide izatea leporatzen diete zazpi auzipetuei eta deklaratu ostean, Donostian igandean egingo den manifestaziora joateko deia egin dute auzipetuek, “gure herriaren aitortzan urratsak egiten... [+]
13/13 epaiketan joan den astean Auzitegi Nazionalean epaituek azaldutako torturen aurrean "dagoen isiltasuna apurtzeko" ekintza egin dute Moyua plazan emakume batzuek igande honetan.
Auzipetuak kargugabetzeko ere eskatu du Demokraziaren eta Giza Eskubideen Aldeko Abokatuen Europako Elkarteak. Auzipetuei bidezko epaiketa baterako eskubidea urratzen ari zaiela salatu du.
Astelehenean abiatutako epaiketak asteartean izan zuen bigarren saioa, eta auzipetuak hitza hartzen hasi ziren. Denek ukatu dute ETAren egituretan egon izana, eta bi auzipetuk deklarazioak torturapean egin izana azpimarratu dute. Asteazkeneko saioan kasuaren hiru lekukok... [+]
Epaiketa hau salatzeko manifestazioak burutu zituzten larunbatean Donostian eta Bilbon. Euskal presoen eskubideen alde lanean aritutako zortzi euskal herritar dira epaiturik. Epaiketa hasi aitzin, "auzi honen irregulartasunak" salatu ditu defentsak.
Uztailaren 10erako manifestazioak antolatu dituzte Bilbon eta Donostian, 13/13 epaiketari ez. Irtenbidera lelopean. Auzipetuek Euskal Herriko eragile politiko eta sindikal nagusiekin bilerak egin dituzte azken asteetan.
Auzipetuetako batzuk atxiloaldian torturatuak izan zirela, CNIk legez kanpoko entzuketak egin zituela edo zenbait inputatu ustezko delitu berberagatik bigarren aldiz zigortu nahi dituztela salatu dute, besteak beste. Akordioa bilatzen ari dira defentsak, eta epaiketa egitekotan... [+]