Debagoieneko hondakinek egunotan erakutsi digutena
Hondakinen kudeaketan Gipuzkoa egiten ari den paradigma aldaketa luze eta gatazkatsuan Debagoienak dauka asteotan protagonismoa. Bailara honetatik zabaldutako albisteetatik atera ote daiteke ondorioren bat? Gai honetan neutrala ez dela aitortzen duen kazetari honi bururatzen zaizkio batzuk.
- Atez Ateko bilketaren kontrako erreakzioetan Debagoienako plataformek jausi handia lortu dute, herritarren inplikazioan bezala ikusgarritasunean: firma bilketa gainditu eta zabor boltsak balkoietan eskegitzeko kanpaina Bergaran hasita bailaratik haratago ere heldu da, Donostiako Astigarragaraino esaterako. Marketin aldetik, kolpe ona.
- Debagoienan aste honetan eztabaidaren epizentroa Bergaratik Oñatira pasatu da, hemengo plataformak desegiteko erabakia plazaratu duenean. Oñatin sortutako 24 orduko lurrikaratxoan zer egon da egiatik eta zer manipulaziotik? Neurria hartu nahi dion irakurleak on luke argitaratu diren albisteei gainbegiradatxo bat ematea. Aurkitu ditugun guztiak ARGIAN hemen eta hemen bildu ditugu. Irakurketa on baterako pista: ondo begiratu Goienak publikatuei. Agiri guztiak bildu dituzte osorik.
- Oñatin Atez Atekoaren alde 300 herritarretik gora egindako agerpen publikoa ere nabarmentzekoa da. “Eman aukera bat Atez Atekoari” manifestuaren bultzatzaileek eztabaida politikaren lerroetatik atera eta hondakinetan zentratzeko dei bat izan da, ondorengo lubiziak hein batean estali duena, geroak esanen zenbateraino.
- Atez Atekoaren kontra egoteko motibo ugari egon daitezkeen moduan, erreakzio horiek biltzeko plataformetan ere tonu ezberdinak egon dira eta daude. Debagoienetik kanpo, Legazpian esaterako sistema berria ezartzeko prozesua boikotatzea sustatu zuten. Aldiz, Oñatikoak desegiten dela iragarri duen oharrean bezala ondoren udal ordezkariekin egindako bileran eta adostutako idatzian bestelako tonua erakutsi du. Bailara berean, Arrasaten oso bestela joango dira gauzak bertako plataformak egun berean azaldutako jarreraren arabera.
- Alderdi politikoen artean Atez Atekoaren kontrako protagonismoa azken bi urteotan bere gain hartu badu Eusko Alderdi Jeltzaleak, Gipuzkoan ugaritu diren plataformak sustatuz beti, sortuz askotan eta ordezkatuz zenbaitetan, eta bide batez horrekin botoak bilduz, ondoko asteetan (EH)Bildurekiko talka ez dela gozatuko aurreratu du Maria Eugenia Arrizabalagak Berrian publikatutako artikuluan: “Atez Ate… irabazi arte“. Ordainetan, PSEk gai honetan oina azeleragailutik zerbait altxatzea erabaki duela dirudi. Aste honek eman du honetaz beste zantzu bat, ez ibarraren goienean baina Debabarrenean: mankomunitateko lehendakari sozialistak adierazi du ontzat emango dutela hala nahi duten udalek Atez Atekoa ezartzea.
- EAE mailako (eta Espainiako) jokaldi politikoek zenbat eragingo ote dute Gipuzkoako hondakinetan?
- Bilduko udalak eta aldundia lortzen ari dira gai hau nahikoa kontrolpean eramatea jasaten duten erasoaren erdian. Urrats berria honetan ere asteotan: EHBildu bezala funtzionatzen dute gero eta gehiago. Bergarako agerraldian erakutsi zuten, Maite Aristegi diputatua buru, eta are nabarmenago Oñatiko trumoialdian, EHBilduko lau alderdiak Donostian prentsaren aurrean aurkezturik. Argudioaren ardatz nagusietan nabarmendu zaizkie hauek: gaia liskar politikotik atera eta neurgai teknikoetan aztertzea, errauste plantarik ez egitea eta gaikako bilketaren emaitzak %80raino eramateko gai den edozein sistema edo aldagai kontutan hartzea.
- Oñatiko sikulusaltsaren egun berean eman dio Nafarroako Gobernuak Portland Valderrivasi Olatzagutian hondakinak erretzeko baimena. Donostialdean askok pentsa dezaketen baino eragin handiagoa edukiko du eztabaidak Gipuzkoan: Hitzak publikatu duenez “Birziklatu ezin diren hondakinak Goierritik 15 kilometrora erraustea onartu du Nafarroako Gobernuak”. Oñatitik askoz hurbilago dago Olatzagutia Zubieta baino.
- Asteotan aldatu ez eta ondokoetan ere kanbiatuko ez dena da nork erabakitzen duen Gipuzkoan bai gainerako hedabideen eta bai politikari guztien agendaren egun bakoitzari zein kanta dagokion: Diario Vascok. Honen doinuan egiten dugu dantza gainerako guztiok.
Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.
Ahaztuen Oroimena 1936 elkarteak eman du argitara Munitibar 1937/04/26: Aire-eraso baten kronika liburua eta igandean aurkeztuko dute jendaurrean. 1937ko apirilaren 26an Kondor Legioak Munitibarren aterpetuta zeuden herritarrei eraso egin zien. Egun bereko arratsaldean, Gernikan... [+]
Ikasturte amaierako ekitaldian, Beterri Saretuz ekonomia eraldatzailearen sareak orain arte egindako ibilbidearen berri eman du eta aurrera begira dituen asmoak azaldu:"Elkarrekin hurrunago joan gaitezke".
Beterri-Buruntza eskualdeko ekonomia eraldatzailearen sareak Esperientzia Trukeak egin ditu hainbat astez enpresa eta eragileen artean. Zikloa ixteko, emakumeen eskualdeko foroa antolatu dute asteazkenean Andoainen. Ekainaren 16an, bestetik, ekitaldi irekia izango da... [+]
Oarsoaldeko AHT Gelditu plataformak antolatuta, mendi martxa informatiboa egin dute berrogeita hamar bat lagunek larunbatean, AHTk Astigarraga eta Lezo artean aurreikusia duen trazatuaren bidea eginda.
Beterri-Buruntza eskualdeko enpresa eta eragileak biltzen dituen Beterri Saretuz programaren azken saioa egingo dute ostegunean Astigarragan. Erronka berriak zein diren eta aurrera begira nola antolatuko diren aztertuko dute.
Itsas Enara eta Haritzalde elkarteek salatu dutenez, Gipuzkoako Foru Aldundiaren ardurapekoak diren obra batzuetan inguru horretako harizti bakarrenetakoa suntsitu dute.
Iñaki Arriola Eusko Jaurlaritzako Garraio sailburuak aitortu du Espainiako Sustapen ministerioak 2027 urteko “ortzi-muga” duela buruan AHT amaitzeko, baina ñabardura garrantzitsu batekin: Bilbo eta Gasteizko sarbideak ez dira ordurako prest egongo.
Beterri Saretuz programaren barruan, enpresen beharrak asetzeko saioa egingo dute ostegun honetan Astigarragan Beterri-Buruntza eskualdeko eragileek eta parte-hartzean oinarrituriko enpresek.
Abiadura Handiko Trenaren lanak hasi zirenetik bi hamarkada baino gehiago igaro diren arren, lanekin jarraitzen dute. Azken egunotan Lezo eta Astigarraga arteko zatia esleitu du Espainiako Gobernuak. Horren aurrean, lanek ingurugiroan eragingo dituzten "inpaktu... [+]
Auzo eta baserri guneetan ikusten ditugun arren, duela ez asko ohikoagoa zen sagardotegiak kalean egotea, herri kaskoetako alde zaharren eraikinen behealdeetan. Zenbait tokitan XX. mendearen erdialdera arte iraun zuten gainera, Hernanin kasu, baina legedi zurrunak, ohitura... [+]
Astearte goizean gertatu da istripua, errepide bazterrean lanean ziharduen langile bat auto batek harrapatu duenean.