‘De Miguel’ auziko bost kondenatu ez dira kartzelan sartuko
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Euskal Herrian inoiz epaitu den ustelkeria kasurik handieneko, De Miguel auziko bost kondenatu ez dira kartzelan sartuko, Arabako Lurralde Auzitegiaren erabakiz. Ainhoa Bilbao, Iratxe Gaztelu-Urrutia, Jon iñaki Etxaburu, Josu Arruti eta Sergio Fernandez dira espetxea zapalduko ez duten bost lagunak.
Auzitegiak haien zigorraren exekuzioa gerarazi du, kontuan eduki baitu zigorrak bi urtetik beherakoak direla kasu guztietan eta delitua egin zutenean ez zutela aurrekaririk. Epaimahaiaren arabera beste hainbat baldintza ere bete behar dituzte horretarako, "sorturiko erantzukizun zibilak ordaindu izana" edo zigorra geldirik dagoen bitartean berriro deliturik ez egitea.
Fiskaltza aurka
Ainhoa Bilbao eta Iratxe Gaztelu-Urrutiaren kasuan, fiskaltzak kontrako iritzia dauka. Bilbao eta Gaztelu-Urrutia De Miguel sarearen buru egiten zuten Alfredo De Miguel eta Koldo Otxandiano EAJko Araba Buru Batzarreko kide ohien emazteak dira, eta fiskaltzak gainerako kondenatuak bezala espetxeratzeko eskatu du.
Fiskaltzak, Bilbao eta Gaztelu-Urrutiaren kasuan arrazoi nahikoak ikusi ditu espetxean sartu behar izateko
Kataia Consulting enpresa –haren bidez desbideratu zuten diru publikoaren zati handi bat kondenatuek– haien izenean zegoen jarrita, eta epaiketan zehar mailegatzaile hutsak zirela ziurtatu zuten arren, epaimahaiak kartzela-zigorrera kondenatu zituen. Besteak beste, frogatu zen lapurturiko dirua eskuz esku ibili zutela eta euren kontuetarako erabili zutela, Iker Riojak Eldiario.es-en gogorarazi zuenez.
Bi urtetik beherako kartzela-zigorra duten kondenatuak normalean ez dira espetxera sartzen, baina neurri hori ez da automatikoa eta kasu bakoitza banan-banan aztertu behar da. Fiskaltzak, Bilbao eta Gaztelu-Urrutiaren kasuan arrazoi nahikoak ikusi ditu espetxean sartu behar izateko.
Bilbaoren abokatuak isun ekonomikoa ez ordaintzeko eta kartzelara ez sartzeko eskaerak eginak zituen lehenagotik, legalki zituen hainbat aukera erabilita. Auzitegiak onartu egin die espetxean ez sartzeko eskaera hori, bai berari eta bai Gaztelu-Urrutiari. Gainera, bien kasuan kontuan izan du adin txikikoen kargu daudela.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]