DBHko ikasleak literaturzaletzea helburu duen irakurketa-lehiaketa aurkeztu dute
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei lotutako erronkak gainditzen joango dira on-line joko batean. Sariak ere prest dituzte.
Malinc eta Sodobnost argitaletxeek abiatu zuten ekimena Eslovenian, duela zazpi urte. Harrera ona izan zuela-eta, Portugalera, Ipar Mazedoniara eta Euskal Herrira zabaldu dute, eta herrialde horietako hainbat argitaletxeren artean diseinatu dute jolasa. Euskal Herrian, Alberdania argitaletxeak hartu du gidaritza, eta Galtzagorri haur eta gazte literatur elkartearen bidez egindako pilotajearen ostean, parte hartu nahi duten guztiei zabaldu diete orain atea.
Paperean irakurritako liburua oinarri hartuta, on-line garatzen den jolasean datza proiektua. Hiruko taldeak egin, jolasteko avatar edo pertsonaia bat aukeratu, eta planteatzen zaizkien erronkei egin beharko diete aurre nerabeek. Irakasleek material ugari izango dute eskura, proiektua lantzeko, eta eurek bai jakingo dute liburuak zein diren (gazte literaturari lotuak denak, Alberdaniakoak), baina parte-hartzaileei ez dizkiete liburuen izenburuak jakinaraziko, ariketak egin ahala asmatu egin behar baitituzte. Horrez gain, liburuen inguruko asmakizunak, irakurri dutenari buruzko gogoeta eta elkar-trukeak, sormen-lanak… egin beharko dituzte parte-hartzaileek, lehiaketan aurrera egiteko.
Hezkuntzan ohikoa den Moodle plataforman garatu dute jolasa, eta puntu gehien dituen taldeak Irrisarri Landera txangoa irabaziko du. Lehen hiru taldeek, gainera, literatur sariak ere jasoko dituzte.
"Papera vs. pantaila dikotomia apurtu eta irakurzaletasuna sustatzeko pantailez ere baliatzea izan da asmoa"
“Papera vs. pantaila dikotomia apurtu eta irakurzaletasuna sustatzeko pantailez ere baliatzea izan da asmoa”, azaldu dio ARGIAri Oier Etxebestek, Alberdania argitaletxekoak. Ez ditu helburu makalak proiektuak: hala nola irakurtzeko gaitasuna areagotzea, literaturzaletasuna handitzea, alfabetatze digitala hobetzea, taldeko ikaskuntzan jokabide egoki eta desegokien gogoeta sustatzea, edota kalitatezko literatur lan europarrak, literatura gutxitu eta ez hain ezagunak gazteen artean sustatzea.
Ekimenaren inguruko informazio gehiago lortzeko, sartu esteka honetan.
Gaiari lotuta, mahai-ingurua egin genuen ARGIAn, Mariasun Landa idazlea eta Xabi Salaberria eta Nora Uribeetxeberria irakasleak hizlari: Nola irakurzaletu ikasleak.
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea... [+]
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.
"Erraldoiei buruzko ipuina nahi dugu, haur txiki nahiz koskortuagoentzat". ARGIAk enkargua egin zien etxekoak ditugun Gorka Bereziartua kazetariari eta Adur Larrea ilustratzaileari. Emaitza: Abentura erraldoia. Salba dezagun kalejira. "Gauza berriak probatzeko... [+]
Saran egingo da urriaren 11 eta 12an, eta aurtengoa laugarren edizioa izango da.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Igande goiza Tolstoiren ipuin bat irakurtzen pasa genuen, irakurtzen, euskaraz: “Zenbat lur behar du gizon batek?”. Eta Elena Odriozolaren marrazkiak ezagutu ditu Gulliverren abenturetan ikusi zituelako, Ipuinen harian gozatu. Diskotekero jartzen da gero, maiz, eta... [+]
Saria bost eguneko literatura-egonaldian parte hartzeko aukera izango da. Guztira hogei irabazle izango dira, eta ikastetxeak ere sarituko dituzte.
Gure semea irakurtzen hasi zelarik eskolan, bere adineko liburu bila aritu ginen. Horrela agertu zitzaigun etxean frantsesezko Sami et Julie font des crêpes (“Samik eta Juliek matahamiak egiten dituzte”), E. Massonaud eta T. Bontéren lana. Izenburua... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Haur eta gazteei zuzenduta euskaraz dagoen literatur azoka bakarra da Ikusi Mikusi, Saran egingo dute eta Euskal Herri osoko 33 eskolatako 1.396 ikaslek, familiek eta arloko profesionalek hartuko dute parte. "Hazi handiak ereiten ditugu haur eta gazte horiengan".