David vs Goliat: noren alde egin du ETBk?
Aste honetan ikusitakoaren arabera, David vs. Goliat borrokan garbi geratu da beste behin ere noren alde jartzen den gure telebista publikoa. Astearte honetan Ocho apellidos vascos pelikula eman zuen gaztelerazko katean, ETB-2n.
Zine aretoetan errekor guztiak hautsi dituen pelikula, aurrez Telecincok, pelikula honen atzean dagoen ekoizpen etxe erraldoiak, bitan behintzat eman duena, beti ere audientzia itzelekin. Beraz, hau sinatzen duenaz aparte, ez dakit inor geratzen zen Karra Elejalderen ‘aibalaostiak’ ikusteko.
Hala ere, sekulako promozio lana egin du Euskal Telebistak. Dezente aste lehenagotik hasi zen pelikularen emisioa iragartzen eta egunean bertan programa berezia ere eskaini zuen, Teleberriren aurretik. Han ikusi genituen, berriro ere, Sanjuaniturriko irudiak, pelikularako lan egin zutenen iritziak eta kontakizunak, etab. Hasiera batean banuen pelikula hau behingoz ikusteko asmoa, baina “¿para ir a la ermita?” eta “¿dónde está la fuente?” galderak erantzuteaz nazkatuta dagoenetakoa izanda, azkenean, nagikeriak jota edo beste plan hobeagoa aurkitu nuelako, paso egin nuen. Abstentzio honek ez zuen eragin handirik izan: 331.000 ikusle izan zituen pelikulak eta gau horretako % 19,9ko sharea.
Aste honetan bertan, ostegunean, ETB-2n hau ere, Jai Alai Blues dokumentala eman zen, hau, baina, inongo promoziorik egin gabe. Euskal Herritik Ameriketara joandako pilotarien bizipenak eta historia jasotzen dituen ikus-entzunezkoa da, bertako ekoizpen etxe txiki batek egindakoa (Berde produkzioak), Donostiako Zinemaldian aurkeztu zena eta, estreinaldiaren aurretik, Zumaian bertan ikusi ahal izan genuena. Zinetan egon zen garaian ere kritika oso onak jaso zituen. Hala ere, gure telebista publikoak prime timetik kanpo eman zuen: 23:42etan hasi zen pelikula. Urtzi Urkizuren txio baten bidez jakin nuen hau hurrengo egunean, emanaldia hasi zenerako lo seko geratzeko bidean nengoelako. Iragarki eta guzti goizeko ordu biak arte luzatu omen zen saioa.% 3,8ko audientzia izan zuen.
Eta pentsatzen jartzen zara: zein da telebista publiko baten zeregina? Erraldoiaren produktuari oraindik ere bultzada handiagoa ematea? Edo bertako etxe txikiaren lanari, are gehiago gure historiaren pasarte bat kontatzen duenean, ate guztiak zabaltzea? Agian inozo samarra naiz.
(Iritzi hau Baleiken argitaratu da eta CC by-sa lizentzia baliatu dugu ARGIAra ekartzeko)
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.
EITBren egoitzaren aurrean elkarretaratzea egin dute (H)itzartu ETBk deituta. EAJri eta ETBri politikak errotik aldatzeko eta "premiaz euskarazko eskaintza erakargarria" osatzeko eskatu diote.
(H)itzartu EITB ekimenak maiatzaren 20rako elkarretaratzea deitu du, Stop betoari! Nazioarteko filmak euskaraz! lelopean. Ekimenaren ustez ikus-entzunezkoen eskaintzak garrantzi handia du hizkuntza biziberritzeko, eta salatu dute gaur egungo ikus-entzunezkoen politikak... [+]
Espainiako Gobernuaren 2022ko aurrekontuak babestu zituen EH Bilduk, besteak beste, ETB3 Nafarroa guztira zabaltzeko akordioa sinatuta. Administrazioan Euskaraz Taldeak salatu du PSOEk ez duela hitza bete eta EH Bilduk ez duela presiorik egin.
Inor ez al doa bolantean? Hego Euskal Herrian, behintzat, badirudi euskal soufflearen hustuketak ez duela ez etenik, ez azkenik.
Gaur egungo ume eta nerabeek euskal gizartean ikusten dutena da asimilazio handi bat eta kontrakotasun gutxi. Ez dute ezer hutsetik asmatzen,... [+]
Ados Pilota klubak salatu du ETBk ez duela larunbatean abiatuko den Binakako Txapelketaren partidarik emango eta, ondorioz, Eusko Labelek ez duela txapelketa babestuko.