David Pla atxilotu du Frantziako poliziak
Hendaiako polizia etxera izenpetzera joan denean atxilotu dute preso ohia. Egoera salatzeko elkarretaratzea eginen dute 19:00tan, Hendaiako herriko etxe aitzinean. EH Bai, Sortu, Aitzina, Bake Bidea zein Bakegileek salatu dute atxiloketa.
Goiz honetan Hendaian atxilotu du David Pla preso ohia Frantziako poliziak. Kontrol judizialaren neurriei segi, izenpetzeko komisaldegian zegoela atxilotu eta Baionako komisaldegira eraman du poliziak.
Pla Espainiaratzearen alde agertu zen Frantziako Kasazio Auzitegia iazko abenduan. Espainiako Auzitegi Nazionalak 2008ko ustezko bilera bategatik egin zuen euroagindu eskaera, ETArekin lotuta. Alta, Espainiak leporatutakoak Frantziako poliziaren txostenek gezurtatzen dituztela azaldu zuen auzitegian Xantiana Cachenaut defentsaren abokatuak.
Elkarretaratzea, Hendaian
Atxiloketa salatzeko elkarretaratzea eginen dute arratsaldeko 19:00tan, Hendaiako herriko etxe aitzinean. Pla berehala askatzea eskatu dute Bake Bidea eta Bakegileek eta gaurko elkarretaratzera bertaratzeko deia luzatu diete herritarrei. Sortu eta EH Bai alderdiek ere mezu bera plazaratu dute. Bakea eta elkarbizitza eraikitzeko jarrera eta ekintzak ukan beharrean, Frantziako zein Espainiako Estatuek "konfrontazioan oinarritutako eszenatokia mantendu eta eraiki" izana salatzen du EH Bai-k. Plaren atxiloketaren gisara, azken aldietako "mendekuan oinarrituriko erasoak" deitoratu ditu koalizioak, Jakes Esnal, Xistor Haranburu, Lorentxa Beyrie eta Ibon Fernandez Iradi presoen kasuak adibidetzat emanez.
Iazko apirilean atera zen kartzelatik Pla. 2015eko irailean atxilotu zuten Baigorrin, Iratxe Sorzabalekin batera. ETAko zuzendaritzako kidetzat jota, bost urteko kartzela zigorra ezarri zioten, eta zazpikoa Sorzabali. Euskal Herriak bizi duen gatazka politikoaren konponketaren alde lanean ari zirela nabarmendu zuten Plak eta Sorzabalek, zehaztuz atxilotuak izan arte Frantziarekin eta Espainiarekin elkarrizketak abiatzen saiatu zirela
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
1944an, Stauffenberg-en agindupean, Hitler bonba batekin hiltzen saiatu ziren, soldadu eta herritar alemaniar batzuen artean prestatutako ekintza baten. Hurrengo hilabeteetan naziek 90 pertsona exekutatu zituzten ekintza haren ondorioz.
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Plataformak adierazi du "sentsibilitate eta iritzi guztiak errespetatuz" Guardia Zibilaren ekintzak gaitzesteko asmoa dutela, bizikidetza demokratikoa eraikitzea helburu nagusia izanik.
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
2022ko uztailean egin zuten blokeo eguna, euskal presoen egoerari "aterabidea ematea" eskatzeko. Bederatzi pertsona auzipetu zituzten.
Historiak laguntzen digu ulertzen zer gertatu zen, baina baita gaur egun zer garen ulertzen ere. Nola ulertu gaur egungo mundua AEBetako sorrera eta Frantziako Iraultzaren sorrera ezagutu gabe? Nola ulertu gaur egungo Mendebaldeko hegemonia azken bost mendeetako kolonialismo... [+]
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.