Datu kezkagarriak jaso ditu LGTBIfobiaren aurkako Gasteizko txostenak
Soilik azken urtean hamahiru kasu jasotzen ditu Lumagorri HAT-k landutako txostenak; Gasteizko Udaltzaingoak, berriz, ez du salaketarik jaso.
Sexu-eta genero-dibertsitatearen aurka Gasteizen izandako erasoen eta gorrotodelituei buruzko II. txostena. Horrela deitzen da Lumagorri HAT taldeak bigarren urtez jarraian aurkeztu duen lana.
78 orrialde dituen txostena aurreko urtean aurkeztutakoaren jarraipena da, 2018ko maiatza-2019 apirila tartean jasotako kasuak biltzen dituena. Titular nagusietako bat hurrengoa da: guztira hamahiru kasu jasotzen ditu bigarren txosten honek, iazkoan hamabost bildu ziren bitartean. Hala ere, Lumagorriko kideek argi dute: 2018an, aurreko urtean leku eta baldintza berberetan gertatu ziren hainbat eraso ezin izan dira egiaztatu eta, horrenbestez, ezin izan dira zenbatu.
Eraso gehienak homosexualen eta transexualen aurkako zuzeneko diskriminaziokoak izan dira. Bestalde, 2017ko txostenean ez bezala, txosten honetan jasotako erasoak sakabanatuagoak egon dira: oso leku ezberdinetan izan dira (Gasteiz hiribidean, Zabalgunean edo Alde Zaharrean).
Horretaz gain, homosexualen aurkako pintadak, abesti homofoboak espazio publikoan edo aldizkari batean agertutako azal anofobikoak eta pasibofobiokoak ere biltzen ditu txostenak. Eliza katolikoa ere hizpide izan dute, bertako ordezkariek homosexualitatea sendatzeko terapien inguruan egindako adierazpenak salatuz.
Genero berekoen arteko biolentziari dagokionez, 2017ko txostenean bezala, aurten ere bi kasu ageri dira. “Errealitate berri hori dela-eta, ezinbestekoa da eztabaida sakona egitea eta lege bidez antolatzea gaia, gaur egun legedian jasota ez dagoen diskriminazio-mota hori errotik kentzeko”.
Kasuei dagokionez, emakume transexual baten kontrako bortxaketa gogor gaitzetsi dute: “Biolentzia matxista da hori […]: matxismo misoginoa eta transfobia”.
Baliabide eskasak
Lumagorrik erasoak antzematerako orduan kristalezko sabai bat dagoela uste du, elkarteak dituen baliabide eskasen ondorioz: borondatezko lana eta logistika mugatua. Hau da, kontziente dira informean agertu diren baino eraso gehiago daudela, eta datu bat nabarmendu dute: kasuen % 90a ez da salatzen eta kasu guztiak antzemateko mugak daude.
Gasteizko Udaltzaingoaren iturrien arabera, ordea, ez da salaketa bat ere tramitatu sexu-orientazioagatik edo identitateagatik. Ertzaintza, berriz, salaketa bat jaso dute. Datu horiek, Lumagorriren arabera, errealitate sozialaren eta errealitatearen judizialaren artean alde handia dagoela egiaztatzen dute.
Lumagorrik jasotako kasu asko ez daude tipifikatuta Zigor Kodean gorroto-delitu gisa, eta, horrenbestez, legeak ez du jaso diskriminazioa bere osotasunean. Bigarrenez, biktima askok ez dute salaketarik jartzen.
Behatokia, beharrezkoa
Ikusgaitasunari eta gorroto-diskurtsoari dagokionez, ondorio argia atera dute informean: eremu publikoan ikusgaitasuna handitu ahala, gero eta eraso gehiago egongo dira. “Askatasunerako espazio gehiago konkistatu ahala, LGTBIfobia soziala nozitzeko arriskua ere handitu egiten da, Madrilen eta Bartzelonan, esaterako, egiaztatu izan denez”.
Zentzu honetan, txostenaren amaieran LGTBIfobiarekin amaitzeko hainbat gomendio jarri dituzte mahaiaren gainean. Sexu- eta genero dibertsitatearen aurkako gorroto-delituen Gasteizko Behatokia martxan jartzea beharrezkoa ikusten dute, eta hari behar dituen baliabideak hornitzea. “Baliabide horren sorrera berri atsegina da, Lumagorrik eremu honetan duen esperientzia aintzat hartuta”.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Berdinen arteko ezkontza legeztatzen duen lehenengo herrialde kristau ortodoxoa da.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]