Dantza garaikideko konpainien agertoki Gipuzkoako Larraul, Mutiloa eta Altzo herriak
Dantza garaikidea landa-inguruneetara zabaltzeko asmoz iraileko hiru asteburutan lantegi eta emanaldiak izango dira Gipuzkoako Larraul, Mutiloa eta Altzo herrietan. LABO GEO (Gorputza eta Ondarea) ekimenaren baitan antolatu dira saioak, Gipuzkoako Foru Aldundiarekin lankidetzan. Helburua da dantza eta praktika garaikideak Gipuzkoako udalerri txikietara eramatea.
Iraileko azken hiru asteburutan, astero eta udalerri bakoitzean bi ekintza egingo dira. Batetik, larunbatetan, bitartekaritza-jarduerak, mugimenduko, ahotseko eta plastikako partaidetza-tailerren bidez. Eta bestetik, igandeetan konpainien emanaldiak arte eszenikoez eta udal-ondareaz gozatzeko.
Guztira, bederatzi dantza emanaldi izango dira. Irailaren 15ean Larraulen NODEk Batu lana aurkeztuko du, Jone Amezagak eta Manu Gaignek Remedios Vals eta Mari Zaunkak Leiho zikin, zeru garbi. Irailaren 22an Borja Bordonaberen Solo ikuskizuna, Neri(h)ari-ren Nere azalean arrotz eta Proyecto Larruaren Idi begi ikuskizunak izango dira Mutiloan. Azken saioa Altzon izango da eta bertan izango dira DAB, Cielo Raso eta Osa+Mujika konpainiak Nun zira?, Reset eta Bueltaxka emankizunekin.
LABO GEO ekimena LABO programaren barruan kokatzen da. LABO programa 2017an sortu zen Donostian, NODE dantza eta performance konpainiaren eskutik arte eszeniko garaikideen sorkuntzarako eta aurkezpenetarako espazioak sortzeko helburuarekin.
Egitaraua
Larraul
Irailak 14 larunbata: lantegia.
Irailak 15 igandea, dantza emanaldia 12:00etan, Larraulko plazan.
Mutiloa
Irailak 21 larunbata: lantegia.
Irailak 22 igandea, dantza emanaldiak, 12:00etan, herriko plazan.
Altzo
Irailak 28 larunbata: lantegia.
Irailak 29 igandea, dantza emanaldiak, 12:00etan, Batzarremuñon.
Yauzkari dantza taldearen koreografia, bideo eta programa batzuen argazkiak jaso ditu Eresbil Musikaren Euskal Artxiboak. Yauzkari Jose Lainez eta Concha Martinez donostiarrek 1980an sortutako dantza garaikideko konpainia izan zen, egoitza Iruñean zuena. Dantza... [+]
Oztibarreko Bunuztar Xoriak dantza taldeak Laminosine ikuskizuna sortu du. Dantza tradizionala eta garaikidea uztartuz, hamahiru nerabek kontakizun eta pertsonaia mitologikoak taularatzen dituzte, antzerkiari eta ipuinari ere tokia eginez. Lehen hiru saioak Ipar Euskal Herrian... [+]
Ertza dantza konpainiak Aitor Zabaleta dantzari eta koreografoaren Moor Krad lana taularatuko du lehen aldiz ostiralean, Bilboko Arriaga Antzokian. Gure baitan "guztiok gordetzen dugun itzal hori" da obraren ardatza.
Nazioartean diren sari behinenak jasoa da dantzaria. Haatik, profeta ere izan da bere herrian, eta Euskal Herriak ere ohoratu du, Zumaia jaioterriak bezainbat. Munichetik etxera etorrarazi zuen pandemiak, eta bi ikuskizun ditu etxeratzearen ondorio.
Gure kulturaren... [+]
Bilboko Udalak antolatzen duen BAD jaialdia urriaren 17tik 28ra hiriko sei agertokitan ospatuko da dantza eta indarkeria lotuz. Bilboko Antzerki eta Dantza Garaikide Jaialdiak, lau estreinaldi eskainiko ditu Campos Antzokian, Sandra Gómez, Blanca Arrieta, Isaak Erdoiza... [+]
Lantegiak, koreografia erakustaldiak eta euskal koreografo gazteen topaketa egingo dira, ekainera bitartean.
Maitzaren 14an Barbecho dantzalan garaikidearen aurrestreinaldia eskaini zigun Natxo Montero bilbotarrak, Arriaga Antzokian. Harekin Laia Cabrera antzezle eta dantzari kataluniarra aritu da sormen prozesua bera ardatz duen obra honetan. Gelatxoak programak lagundu du... [+]
Gernikako bonbardaketaren urteurrenarekin bat estreinatuko da Gernika Lemoizen. Mikel Laboaren Lekeitioetako bat Lemoizko testuinguruan lekututa interpretatzen duen dantza flamenko garaikidea du ardatz bideo honek, eta zuzeneko emanaldi berezi batez eman nahi zaio hauspoa. 40... [+]
Dantzari eta koreografo da Gasteizen. Horrekin batera, hizkuntza politika eredugarria du euskaldunberri zahar honek. Natural-natural nahi du dena.
Muelle 3 dantza eskolaren baitan, Horman Poster, Olatz de Andres eta Ruemania konpainiek komunikazio egitura bat osatu dute. Dantza garaikideak publiko zabalera iristeko dituen oztopoak gainditu nahi dituzte elkarrekin. Matxalen de Pedro (Horman Poster), Olatz de Andres eta... [+]
Miarritzeko Maitaldia dantza jaialdiaren 23. edizioa irailaren 6tik 15era bitartean egingo da. Parte hartuko duten 30 konpainien artean Olivier Dubois, Fêtes Galantes eta egitaraua irekiko duen Malandain Balleta daude.
Ekainaren 13an hasiko da Oreretako Eztena antzerki eta dantza jaialdia. Hiru egunez, hamahiru taldek hartuko dute parte Mikelazulo elkarteak antolatu duen ekimenean. Laugarren edizioa da aurtengoa eta hainbat disziplina bilduko ditu: antzerkia, txontxongiloak, bakarrizketak,... [+]