Danbadan 7.000 lagun bildu dira eta Ernaik balorazio “oso positiboa” egin du
Danbada jaialdiaren oso balorazio positiboa egin du Ernai ezker abertzaleko gazte erakundeak. Antolakuntzatik emandako datuen arabera, guztira 7.000 lagun elkartu dira Urduñan, eta horietatik 5.000 pertsonek lau eguneko bonoa erosi dute. Tailer eta hitzaldietan izandako parte-hartze handia ere nabarmendu dute, eta ostiralean jada, 800 lagunek baino gehiagok hartu zuten parte antolatutako ekintzetan.
Ekitaldi nagusian, Gotzon Elizburuk hartu zuen hitza Ernairen izenean. "Ez dago gure borrokarako konpromisoa, gogoa eta grina gelditu dezakeen adinako indarrik", adierazi zuen. Gatazka politikoari errepasoa egin zion Elizburuk eta konponbidea Espainiako zein Frantziako estatuentzat "porrota" dela adierazi zuen. Beren aldarrikapenak ere zerrendatu zituen: aisialdi eredu sortzaile eta askea, etxebizitzaren sozializazioa, osasun eredu publiko duina, hezkuntza sistema nazionala, lanaren banaketa, amalurraren errespetuan oinarritutako bizimodua, parekidetasunean oinarritutako jendartea, gazte aske eta burujabez osatutako herria, eta Euskal Herria sozialista eta feminista.
Ekitaldiaren aurretik, Xabier Lopez Peñaren heriotza salatzeko manifestaldia egin zuten jaialdian bildutako milaka lagunek. Foruen Plazatik ekitaldi nagusia ospatu zuten guneraino joan ziren.
Nazioarteko delegaritzak ere izan dira Urduñan, 22 guztira. Batzuk aipatzearren, Kurdistan, Herrialde Katalanak, Galizia, Palestina, Sahara, Flandria, Irlanda, Danimarka eta Norvegiatik etorriak. Horiek ere pozik joan direla adierazi dute Ernaikoek. "Elkarrekin eta elkarrengandik asko ikasi dugu eta eskainitako hitzaldi eta tailerretan izandako arrakastarekin oso-oso pozik geratu dira hamaika herritatik etorritako gazte delegaritzak".
Urduñako herritarrei eta Udalari eskerrak eman dizkiete gazteek, jaialdia antolatzeko emandako babes eta erraztasunengatik. Egunero Topatu.info gunearen bitartez jarraipen berezia egin dute, eta ondoren dauzkazue ekitaldi nagusiaren bideo laburpena, eta egunero egin dituzten web telebistako saioak.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.