Dagoeneko 70 herri baino gehiagok dute izena eman Kutxa Bira ekimenean parte hartzeko
Martxoaren 20an Argentinatik abiatu eta maiatzaren 30ean helduko da Segurara, bi hilabetez Euskal Herria zeharkatu eta diaspora batuz. Koronabirusak eragindako egoerarengatik euskalgintzak eta herrigintzak sentitu "galera sentimentalak" doi bat estaltzeko asmoz ari da ekimen hau antolatzen Iparra-Hegoa.
Dagoeneko 70 herri baino gehiagok dute izena eman Kutxa Bira ekimenean parte hartzeko. Antolatzaile den Iparra-Hegoa elkartearen asmoa xumea bezain ederra da: koronabirusak eragindako egoerarengatik euskalgintzak, herrigintzak zein kulturgintzak sentitu "galera sentimentalak" doi bat estaltzea.
Martxoaren 20an abiatuko da diasporatik, eta zehazkiago Argentinatik Euskal Herria zeharkatuko duen itzulia. Maiatzaren 30ean helduko da Segurara. "Segurako ekitaldian kutxa ireki eta biran zehar kutxan sartutako amets guztien agerraldia eginen litzateke. Amesten dugun Euskal Herriarena hain zuzen ere". Argentinako euskaldunek ekimenari juntatzeko deia zabaldu dute bideo bidez:
Ondoko egunetan zehaztuko dute ibilaldia antolatzaileek. Anartean, herriz-herri modu autonomoan antolatuko diren ekimenak prestatzeko bilerak abiatuak dituzte guneka. Adibidez, ostegun honetan 19:00etan eginen dute bilera Bilboko Bira kultur gunean.
Edozein ikastetxe, elkarte, udaletxe eta eragileek parte hartzen ahalko du ekimenean. "Beti ere Iparra-Hegoak mugitzen duen filosofia eta irizpideak partekatzen dituzten elkarteak: euskara, lurraldetasuna, eta herri bat gara. Printzipio hauekin bat egiten duen orori irekiko zaio ekimenean parte hartzeko aukera", Iparra-Hegoa elkartekoen hitzetan.
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Euskaltzaleen Topaguneak hasiera berri bat irudikatu du. Hemendik aurrera Taupa, euskaltzaleen mugimendua izena hartuko du. Euskara elkarteen topagunea izatetik, Euskal Herri osoko euskaltzaleak aktibatzea eta saretzea izango du helburu. Topaguneko kideek adierazi dutenez,... [+]
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Teilatura igo, eta hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” salatu du bikote aktibistak. Frantziako eta Espainiako Konstituzioak “supremazistatzat eta euskaldunentzat baztertzailetzat” jo dituzte, bi... [+]
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Lau egunez idekia izanen den merkatu bat antolatzen du Plazara kooperatibak euskararen aldeko beste hamar bat eragilerekin –horien artean ARGIA–.
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.