CUPen kartak mahai gainean: asanblada konstituziogilea eta neurri sozialak
Independentziarako prozesua “atzeraezina” dela azpimarratu du CUPek, eta prozesuan “eskuzabaltasunez” jokatzeko prest agertu da. Baldintzak jarri dizkio Junts Pel Siri. Argi utzi du alderdiez haratago doala prozesua, eta nork baino, zer, noiz eta nola dela lehenik eztabaidatu beharrekoa.
Pompeu Fabra unibertsitatean eginiko agerraldian, CUPeko parlamentarigaiek Junts Pel Sirekin negoziatzeko hiru ardatz nagusi plazaratu dituzte: Espainiarekin apurtzea, Errepublika Katalana lortzeko prozesu eratzailea eta aldaketa soziala.
Ez dute ezer berririk aipatu Artur Masen hautagaitzaren inguruan. “Ez dugu aldatu gure jarrera”, adierazi du Anna Gabriel Bartzelonako zerrendako bigarrenak. Hautagaitzaz hitz egin aurretik hiru gai horiek adostu nahi ditu CUPek. Negoziatzeko denbora dagoela iritzi dute bi aldeek (urtarrilaren 9ra arte dute presidentea aukeratzeko).
Trantsiziorako gobernua
Hurrengo gobernua "trantsiziorako gobernua" izan beharko dela aipatu du Benet Salellas Gironako zerrendaburuak. “Kontzentrazio gobernu” horren ardura izango da CUPek plazaratutako hiru oinarriak martxan jartzea. Bai CUPek bai Junts Pel Sik argi dute hurrengo hilabeteetan abiatu beharko dela prozesu eratzailea. Horretarako, CUPek Kataluniako gizarte guztia parte izatea nahi du. Antonio Baños zerrendaburuaren hitzetan, “asanblada konstituziogile” bat eratu behar da “politika horizontalaren” eredu gisa.
Prozesua abiatzearekin batera, ezinbestekotzat jo dute Espainiarekiko desobedientzia. Espainiako legalitatearen barruan ezin dutela jarraitu, eta Espainiarekin apurtu beharra dagoela adierazi du Salellasek. Adibidetzat jarri ditu Auzitegi Konstituzionalaren ebazpenak, Lomce legea edo Mozal legea.
Aldaketa soziala ere ezinbestekotzat paratu du CUPek. 39 neurri aurkeztu dituzte premiazko neurri gisa. Eulàlia Reguantek esanetan: “39 neurriak urgentziazkoak eta ezinbestekoak dira prekarietate egoerari aurre egiteko.” Besteak beste, pribatizazioen, murrizketen eta etxe kaleratzeen amaiera aipatu ditu. Neurriek borondate politikoa baino ez dutela eskatzen gaineratu du.
Junts Pel Siko kideak ere bertan izan ziren
CUPen agerraldian Junts Pel Siko kide Raül Romeva eta Lluís Llach izan ziren; baita, Jordi Turull (CDC) eta Oriol Amorós (ERC) ere. Romevak RAC1 irratian egindako elkarrizketan adierazi du CUPek proposatutako “ia denean” ados dagoela.
Bi aldeek egoeraren irakurketa berdina dutela uste du, eta Errepublika Katalanera abiatzea, beste aukerarik ez dagoela. Masen hautagaitzaren inguruan, prozesua garrantzitsuena den ideiarekin bat egin zuen Junts Pel Si-ko zerrendaburuak: “Presidentearen gaia konponduko da, ez daukat dudarik”.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio... [+]
Ostegun honetan sartu da indarrean Espainiako Zigor Kodearen erreforma sedizioa, desordena publikoa eta diruaren erabilera bidegabearen delituei dagokienez. Erreforma PSOEk, Unidas Podemosek eta ERCk adostu dute Espainiako 2023ko aurrekontu orokorren onarpenaren testuinguruan.
Ia bost urte igaro dira Anna Gabriel Sabaté Suitzara erbesteratu zenetik, Jordi-ak eta Kataluniako Gobernuaren zati bat espetxean zirela. Ordutik asko aldatu da egoera: indargabetutako Carles Puigdemonten inbestidura saioa, Quim Torraren izendapena eta inhabilitazioa,... [+]