CUP ez doa Europara; EH Bildu eta BNG katalanen babesik gabe gelditu dira
Alderdi kataluniarrak uko egin dio hauteskundeetara aurkezteari, Europar Batasuna “sistema antidemokratikoa eta gardentasunik gabea” dela argudiatuta.
Barne eztabaidak izan dituzte CUPeko kideek azken asteetan, eta 50 bat asanblada ireki antolatu dituzte gaia lantzeko.
CUPeko kideek adierazi dutenez ez dute Europako Parlamentuan parte hartzeko eskaerarik sumatu beren jarraitzaileen, ezkerreko independentisten eta herri mugimenduen artean.
Talde independentista katalanaren esanetan Europar Batasunak zerbitzu publikoen pribatizazioa inposatu, zorraren diktadura ezarri eta Estatuaren kapitala babestearen aldeko jarrerak hartzen ditu, eta horregatik Europak “gero eta sona okerragoa” du.
EH Bilduk aliatu kataluniarrik ez
ERCk Europako bozetan bakarrik parte hartzea erabaki ostean, EH Bilduk CUPekin koalizioa osatu nahi zuen, denen bozak batuta Europako Parlamentuan eserleku bat eskuratu ahal izateko.
Bi erreferente kataluniar horien babesik gabe, ordea, eserleku bat lortzeko aukera zaildu zaie EH Bilduko kideei.
Aragoiko CHA eta Galiziako Nos-UP alderdietako kideekin ere harremanetan dago EH Bildu.
BNGren erantzuna
Hamar egunen buruan EH Bildurekin koalizio prozesua amaitu eta martxoaren amaieran hautagaitza bateratua aurkeztea espero du BNGk.
Ordurako zerrenda galiziarra osatuko duten 54 izenak publiko egingo dira. Ana Miranda izango dute buru.
Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.
Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]
Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.
Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.
EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]
Hauteskunde europarrek emaitza esanguratsuak utzi dituzte Frantzian. Iritzi-azterketek iragartzen zuten bezala, eskuin-muturreko Frente Nazionala (FN) lehen tokian iritsi da bozen %25arekin. Horri esker, 23-25 eserlekuko eskuratu ditu, europar legebiltzarrean indarrarekin... [+]
“Igandeko emaitzak ezin dira balizko foru hauteskundeetara ekarri”, gaztigatu zigun Yolanda Barcinak duela hiru egun, maiatzaren 23an. Gauza bera erran du Sergio Sayas UPNko komunikazio idazkariak: emaitzak ez dira ekartzekoak, “Nafarroako alderdi nagusia... [+]
“Oraingoan, ezberdina da” zioen, fede baino borondate gehiagorekin agian, Europako Parlamentuaren web orri ofizialak aurtengo hauteskundeen aurkezpenean. Lisboako Itunaren ebazpenak aintzakotzat hartuz egindako lehendabiziko bozketak zirela azpimarratzera zetorren... [+]
Ezkerrak egin du gora Erkideagoan eta ezkerrak egin du gora Nafarroan. Espainiako Estatuan ere ezkerrak gora egin du (IU). Eta Katalunian berriz, Esquerrak irabazi du. Kataluniak Esquerrari eskerrak Europako bidean Estatu izateko bidean beste urrats bat gehiago eman du.
Atzoko hauteskundeek utzitako titular nagusia Europa mailan alderdi euroeszeptikoek izandako igoera da ezbairik gabe. Ultraeskuinari dagokionean, arreta gehien bereganatu duen kasua frantziar estatuko Front Nationalen kasua izan da. Marine Le Penen alderdi ultraeskuindarrak... [+]
Horrela deitzen du Luis Moreno ikertzaileak lehengo urtean plazaratutako bere liburua. Eta horixe da niri hauteskunde gauaren ostean geratu zaidan sentsazioa.
Ordezkari bana bidaliko dute Bruselara EAJk eta EH Bilduk datozen bost urteetarako. Euskal Herrian EAJk atera du boto gehien, zazpi lurraldeetan aurkeztuta: 220.885. EH Bildu Hegoaldean bakarrik aurkeztu da, eta bertan lehen indarra izan da. EAEn EAJk irabazi du, Nafarroan PPk... [+]
Info Zazpik idatzitako txio batean zioen Antonio Alvarez Solis kazetariak: “Estaturik gabeko nazioentzat Europako munstroaren aurrean beharrezkoa da ahotsa izatea”. Ez dut ukatuko garrantzitsua ez denik, baina hortik zorionak esateraino…