CUP alderdia ikerketapean jarri du Espainiako Ustelkeriaren Aurkako Fiskaltzak
Urriaren 1eko erreferendumari begira egindako kanpainan alderdiak dirua bidegabeki erabili ote zuen ikertzen ari da fiskaltza. Orduko CUPeko idazkaritza nazionaleko kideetako bat deklaratzera deitu dute astelehenean.
CUPen aurka diligentziak abiatu ditu Espainiako Ustelkeriaren Aurkako Fiskaltzak, 2017ko urriaren 1ean buruturiko erreferendumari begira egindako kanpainara bideratutako 168.666,64 euroko aurrekontuaren gorabeheran. Zehazki, Ara comença el Mambo (Manboa orain hasten da) bideoa egiteko eta Referèndum 2017: la clau que obre el pany (Erreferenduma 2017: sarraila irekitzen duen giltza) liburua argitaratu eta aurkezteko erabili zen aurrekontua jarri dute ikerketapean.
Ciudadanos alderdiaren ebazpen-proposamen bat du abiapuntu ikerketak. Alderdi eskuindarrak duela urtebete osatutako idatzian adierazi zuen legeriak ondokoa zehazten duela: talde parlamentariek ezin dutela Parlamentutik eratorritako aurrekontua “legez kontrako ekintzak ordaintzera” bideratu. Kataluniako independentzia erreferenduma legez kontrako ekintza litzateke Ciudadanosen aburuz.
Eskuindarren esku hartzea tarteko, Espainiako Ustelkeriaren Aurkako Fiskaltza ikertzen ari da CUP alderdiak diruaren bidegabeko erabiltzerik egin duen. Fiskaltzari dagokio erabakitzea kasuarekin zer egin: epaitegi batera bideratu ala artxibatu. Ikerketak epaitegietara bidea hartuz gero, CUP alderdiaren aurkako auziari hasiera emango litzaioke, eta hori horrela, Kataluniako alderdi ezkertiarrak ez du baztertzen CUPeko zenbait kide auzipetuak izateko aukera. Ara egunkariak jaso duenez, alderdiko iturri juridikoen hitzetan prozedura oso azkar doa kasua artxibatu ez dadin. “Fiskaltzak ofizioz ireki du ikerketa, eta, beraz, gertaera horiek delitutzat hartzeko jarrera hartu du, eta dagoeneko hamabost bat pertsonak deklaratu dute; horrek erakusten du ikerketa sakona dela, eta judizializatu egin nahi dela”, dio iturrietako batek.
Kasuarekin loturan, deklaratzera deitu dituzte kanpainaren hornitzaile izandakoak eta orduko CUPen idazkaritza nazionaleko kideak. Deklarazioak egiteko zitazioak otsailean abiatu ziren, baina koronabirusaren agerraldiaren ondorioz etenaldia gauzatu zen prozesuan, harik eta azken asteetan zitazioak berrartu dituzten arte. VilaWeb-en jakinarazi dutenez, hamabost pertsona inguruk jada deklaratu dute, eta abuztuaren 24ko astelehenez zegoen deklaratzera deitua 2016-2017 ikasturtean alderdiko idazkaritza nazionaleko kide izandako pertsona bat. Deklarazioez gain, fiskaltzak alderdiaren barne dokumentazioa ere eskatu du, idazkaritza nazionaleko kideen zerrenda edota erreferendumaren kanpainara zein talde parlamentariora bideratutako aurrekontua kasu.
“Fiskaltzak ihes egiten utzi dio Juan Carlos I. bezalako frankismoaren oinorde ustel bati. Baina demokrazia defendatzen zuen #PrenPartit kanpaina jazartzen du. Berriro egingo genuke”, irakur daiteke CUP alderdiak sare sozialen bidez publiko egin duen mezuan:
La fiscalia deixa fugar-se a un corrupte i un hereu del franquisme com Juan Carlos I
Però persegueix una campanya que defensava la democràcia #PrenPartit
I ho tornaríem a fer pic.twitter.com/Gv7oQIQKw6
— CUP Països Catalans (@cupnacional) August 24, 2020
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.
2012tik 2015era ANC Biltzar Nazional Katalaneko presidentea izan zen bitartean, Omnium Cultural elkartearekin batera, azken hamarkadetako Kataluniako gizarte mobilizazio garrantzitsuenen sustatzaile izan zen Carme Forcadell (Xerta, 1956). 2015eko urrian izendatu zuten... [+]
Buruzagi independentista katalanei indultuak eman izanagatik azalpenak eman ditu Sánchezek Espainiako Diputatuen Kongresuan. PSOEk ez duela erreferendumik onartuko adierazi du, Pere Aragonesekin bilkura egin ondoko egunean.
Auzitegi Gorenak argudiatu duenez, preso independentistek ez dute damurik erakutsi. Epaiaren gaineko azken erabakia Espainiako Gobernuarena izango da eta Espainiako Estatuko presidenteak adierazi du "adiskidetasuna" eta "mendeku eza" kontuan izango dituztela.
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Kazetaria eta analista politikoa da Sara González (Sant Celoni, Katalunia, 1985). Disidentziaren kriminalizazioa agerian jarri du argitaratu berri duen Per raó d’Estat (Estatu arrazoiagatik) liburuan, Espainiako Estatuko estolden egitura politiko, polizial,... [+]
Abokatua, aktibista soziala eta Espainiako Kongresuko diputatua da Jaume Asens (Bartzelona, 1972). Urtarrilaz geroztik, Pablo Iglesias ordezkatu du Unidas Podemos talde parlamentario konfederalaren presidentetzan. Abokatu gisa, giza eskubideen eta mugimendu sozialen defentsak... [+]
“Koperniko” operazioa delakoak milaka polizia mobilizatu zituen Kataluniara, 2017ko urriaren 1eko erreferenduma geldiarazteko. Parte hartu zuten indar polizialei ordainsari gehigarriak eman zizkien Gobernuak.
"Indultuak tramitatzen hastea, ez da indultuak ematea. Albiste ona litzateke, kartzelatik aterako lirateke-eta, non ez luketen egon behar", adierazi du Laura Borrás JxCAT alderdiko diputatuak.
Mugimenduari buruzko "ikuskera distortsionatua" erakutsi duela salatu du eta "erabakitzeko eskubidearen defentsan" berretsi da.
“Desordena publikoak” eta “kalteak” egozten zaizkie ikertutako ia 200 pertsonei, eta datozen hilabeteetan deklaratu dezaten agindu du magistratuak.