CSNk onespena eman dio Garoña berriz irekitzeari
Ez da ustekabekorik izan eta Espainiako Segurtasun Nuklearrerako Kontseiluak (CSN) oniritzia eman dio Garoñako zentralaren bizitza 2031ra arte luzatzeko eskariari, Kontseiluak berak eskatutako zenbait erreforma oraindik egin gabe badaude ere. Behin CSNk argi berdea emanda, Industria Ministerioari dagokio orain zentrala berriz martxan jartzeko baimena ematea edo ukatzea.
Itxura osoz, Garoñaren jabeak, Nuclenorrek –erdibana Endesak eta Iberdrolak osatua–, ez du asmorik 2012ko abendutik geldi dagoen zentrala berpizteko, ez litzaioke-eta errentagarri suertatuko, bereziki kontuan izanda hogei milioi euro inguru gastatu beharko lituzkeela segurtasun arloko hobekuntzetan. CSNk emandako aldeko txostenak hobekuntza horiek egitera behartzen du enpresa, a posteriori bada ere.
Alta, jokaldia primerakoa izan daiteke estatuko konpainia elektriko handientzat eta bereziki Garoñako ugazaba bientzat. Hasieran eskatu zitzaizkien egokitzapenetan eurorik gastatu gabe, etorkizunean irabaziak ekar diezazkiekeen aurrekaria lortu dute. Datorren hamarkadan Espainiako Estatuko gainerako zentral nuklearrei aurreikusitako bizitza agortuko zaie –ia denetan parte hartzen dute Endesak eta Iberdrolak– eta Garoñaren adibidea baliatu dezakete haien luzapena eskatzeko. 2020an izango lehen round-a, Almarazeko (Extremadura) zentralaren baimena orduan agortuko baita.
Ohiko 40en ordez, Garoñak 60 urtera arte funtzionatzeko oniritzia eman du CSNk funtsean. Osoko bilkurako lau kidek bozkatu dute horren alde eta bakarrak aurka; datua oraindik jakinarazi ez bada ere, segurtasun osoz esan daiteke aurkako botoa Cristina Narbona Ingurumen ministro ohiarena dela. Narbonak ezetz bozkatu du Garoñaren bizitza luzatzearen alde CSNk emandako urrats bakoitzean, segurtasunaren ikuspegitik halako luzapen batek lituzkeen ondorioak behar bezala aztertu ez direla argudiatuz.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]