Zatiketa Coviten: 200 kidek elkartea utzi dute
Covite, EAEko Terrorismoaren Biktimen Elkartea, zatitu egin da 200 bazkidek erakundea utziko dutela iragarri ondoren. Elkarteko zuzendaritzarekin dituzten desadostasunak medio hasiko dira gaurtik aurrera duela 16 urte sortutako elkartetik baja ematen. Zuzendaritzako kide batzuek UPyD edo Vox bezalako alderdiei emandako sostengua dago apurketaren arrazoi nagusien artean.
Larunbatean Donostian eginiko bileran kargurako aurkeztu zen hautagai bakarra izanik, Consuelo Ordoñez presidente hautatu zuten berriz. Ondoren lehertu zen eztabaida: zenbait kide batzarraren erdian altxa egin ziren, erakundea utziko dutela iragarri eta joan egin ziren.
Covitetik bereizteko erabakia hartu dute "biktimei inolako mesederik egiten ez dien liskar giroa ez hauspotzeko eta egungo koordinatzaile taldearen erantzukizuna ez oztopatzeko".
Elkartea utzi dutenek datozen egunetan erabakiko dute elkarte berri bat sortu edo beste biktima elkarteren bateko kide egin.
UPyDri eta Vox-i sostengua liskar iturri
Barne liskarrez gain, zenbait alderdi politikoren agindupean egotea egotzi diote zuzendaritzari. Jorge Motak taldea utziko dutenen izenean jakinarazi duenez, ez dute ongi ikusten elkarteak "ETAren biktimak ez diren" hainbati ateak ireki izana.
Bestalde, “alderdi politikoei sostengua ematea” debekatzen duen estatutua hautsi izana egotzi diete elkarteko goi karguei.
“Consuelo Ordoñez presidenteak UPyD-ren aldeko botoa eskatu du, Maite Pagazaurtunduak ere alderdi horren ekitaldietan parte hartu du eta Ruben Mugica ere alderdikoa da. Ana Velasco berriz Vox-eko kidea da”, baieztatu du Motak.
Coviteren bertsioa
Bileraren ostean Covitek komunikatua zabaldu du elkarteko 670 bazkidetatik batzarrean 172k parte hartu zutela berri emanez. Horrez gain, guztien adostasunarekin Ordoñez presidente izateko berrautatua izan dela eta bazkideek zuzendaritza taldekoei beste behin konfiantza erakutsi dietela gaineratu dute.
Elkarteak jakinarazi du Espainiako estatu osora hedatu nahi duela. Horretarako estatutuetan “kode etiko” berri bat sartzea adostu zuten batzarrean: “Covitek Espainiako lurralde osoan funtzionatuko du, EAEri dedikazio berezia eskainita”, biltzen du estatutu berriak.
Aspalditik datorren haserrea
Iazko batzarra ere polemikoa izan zen, inork bilera utzi ez bazuen ere zuzendaritzaren aldekoek eta talde kritikokoek irainka amaitu baitzuten.
Zatiketa giroa ETAren zenbait biktimaren omenaldietan ere antzeman da. Azkenekoa, joan den astean Gregorio Ordoñez PPko legebiltzarkidearen hilketaren urteurrenean. PPk eta Donostiako politikariaren familiak (Coviteko presidente Consuelo Ordoñez haren arreba da) banatuta omendu zuten Ordoñez zena.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Lur Olaizola zuzendari donostiarraren azken filmak Cinéma du réel jaialdiko lehiaketan parte hartuko du. Parisen egoitza duen festibalak martxoaren 11tik 20ra bitartean egingo du aurtengo edizioa.
Adierazpena egin du euskal ezker independentistak, Aieteko Adierazpenaren eta ETAren indarkeriaren amaieraren 10. urteurrena dela-eta. Arkaitz Rodriguezek eta Arnaldo Otegik irakurri dituzte hausnarketak. ETAren indarkeriak eragindako biktimei aipamen berezia egin diete, eta... [+]
Maiatzean aurkeztu zuten zirriborroari hainbat puntu gehitu dizkiote, eta ongietorriak “de facto indarkeriaren kultura politikoaren gorespena” direla adierazi dute. ETAren biolentzia erabili eta justifikatu dutenei “gogoeta kritikoa” eskatu diete.
Herritarrak mobilizatzera deitu dituzte bihar Gasteizen, zentroaren inaugurazioarekin bat eginez. Bizikidetzaren aurkako "erasoa" dela salatu dute.
Polizia gehiegikerien eta eskuin muturreko taldeen biktimak aitortzeko eskatu dute ETAren 41 biktimak, Vocento Taldearen komunikabideetan zabaldutako iritzi artikulu baten bidez.
Eusko Jaurlaritzak, Urkullu buru, “bidegabea izan zen” aitortzea eskatu ohi dio ezker abertzaleari. ETAren jardunaz ari da. Esaldia mantra da politikagintzan. Errepikatzearen poderioz, batzuen “bidegabekeriak” beste batzuenak kukutzeko... [+]
Katalunian ETAk egin zituen atentatuen artean bi izan ziren bereziki mingarriak: 1987ko Hipercorrekoa eta, hamahiru urte beranduago, Bartzelonan hil zuten Ernest Lluch Espainiako Osasun ministro ohi sozialistarena. ETAren amaierako erronkak hizpide, Bakea eraikitzen jardunaldiak... [+]
Arnagako adierazpenak ETAren desagerpenari eszenifikazioa emateaz gain, konpondu gabeko auziak ekarri ditu gogora nazioarteko figura esanguratsuen eskutik. Izango ote du eraginik Espainiako eta Frantziako Gobernuen espetxe politiketan?
Datozen asteetan hasiko dira Frantzia euskal presoak gerturatzen. Horren inguruko xehetasunak emateko, urtarrilaren 24an bilera egingo du Frantziako Justizia ministerioak Marimar Blanco AVTko lehendakariarekin.
ETAren azken biktima izan zen Jean-Serge Nerin jendarmearen heriotza “zinez sentitzen” duela adierazi dute Parisen epaitzen ari diren erakunde armatuko lau kidek agiri baten bidez.
Gaur 30 urte beteko dira ETAk Hipercorren atentatua egin zuela. 21 hildako eta 45 zaurituak oroitzeko ekitaldian egingo dute eta Iñigo Urkullu bertan izango da, Carles Puigdemontekin batera.
Auzitegi Gorenak Cesar Strawberry zigortu du, Twitterren "gorrotoaren diskurtsoa elikatu eta terrorismoa legitimatzeagatik". Fiskalak Audientzia Nazionalaren absoluzio epaiari helegitea jarri ondoren etorri da epaia.