COVID ziurtagiriaren erabilera epea luzatu eta eremu gehiagotara zabaldu nahi du Eusko Jaurlaritzak
Beste hainbat erkidego eta herrialdetan COVID ziurtagiria bertan behera utzi duten bitartean, EAEn gutxienez otsailaren 13ra arte indarrean egotea nahi du Eusko Jaurlaritzak eta hala eskatuko dio justizia auzitegiari. Gainera, ziurtagiriaren erabilera eremu gehiagotara zabaldu nahi du.
LABI batzordea bildu baina ordu batzuk lehenago iragarri du Eusko Jaurlaritzak, lehendakaritzako iturrien arabera, zein den COVID ziurtagiriaren inguruan hartuko duen jokabidea: EAEko Justizia Auzitegi Nagusiari eskatuko dio bere erabilera epea luzatzea otsailaren 13ra arte. Eta gainera, hoteletara, turismo-ostatuetara eta joko-aretoetara ere zabaltzea eskatuko du Iñigo Urkulluren exekutiboak.
COVID ziurtagiria ezartzeko bi neurri daude indarrean gaur egun: batak, 50 lagun baino gehiagoko aforoa duten jatetxeei eta gaueko-aisiari eragiten die; besteak, ostalaritzari orokorrean eta beste eremu batzuei eragiten die, hala nola: kiroldegiei, kultur-ikuskizunei, gimnasioei, ospitaleetako bisitei... Azkeneko neurri hori urtarrilaren 31n iraungitzen da, astelehenarekin, eta EAEko Auzitegi Nagusiaren baimena behar du. Kontuan edukita tartean asteburua dagoela, Urkulluren gobernuak epea amaitzeko ordu gutxi falta direla hartu du ziurtagiriaren erabilera luzatzeko eskaera egiteko erabakia.
Gainera, lehendakariak ostegun goizean Bilbon ekitaldi batean zela azaldu duenez, beste neurri murriztaileak mantentzearen alde agertu da LABIren batzorde zientifiko-teknikoa, "hori da nik ere aholkatzen dudana".
Nafarroan ere ziurtagiria indarrean dago eta Nafarroako Gobernuak hala jarraitzeko baimena eskatu dio justiziari. Ipar Euskal Herrian, berriz, txertatze ziurtagiria da beharrezkoa hainbat eremutara sartzeko.
Ziurtagiriaren eraginkortasuna zalantzan jarri dute eragile, aditu eta agintari ugarik, eta herritarren eskubideak urratzen dituela salatu dute sarritan. Eusko Jaurlaritzak berak ere ez du iritzi finkorik izan hura ezartzerakoan, eta orain, beste herrialde batzuetan bertan behera utzi dutenean, mantentzea eta zabaltzea erabaki du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.