COVID-19az gain, Ebola agerraldiak atzeman dituzte Afrikan
OME Osasunaren Mundu Erakundeak jakitera eman duenez, Kongoko Errepublika Demokratikoan eta Ginean atzemandako bi ebola agerraldiek aurrera egin dute. Nazio Batuen Erakundearen Osasun Agentzia birusa zergatik agertu den ikertzen ari da. OMEk gogorarazi du COVID-19a ez dela Afrikaren osasun mehatxu bakarra.
Ginean, 2014ko epidemia handia hasi zen herrialdean, Osasun Ministerioak zazpi kasu agertu zirela iragarri zuen otsailaren 13-14ko asteburuan. Erizain baten hiletaren ondorioz zabaldu da birusa eta hiru hildako behintzat badira. Margaret Harris OMEko bozeramaileak Genevan emandako prentsaurrekoan adierazi du kasuekin kontaktua izan zuten 115 pertsona identifikatu dituztela eta aurreko agerraldietan lortutako esperientziari esker, osasun-langileak azkar mobilizatu direla birusa arakatzeko eta infekzio gehiago saihesteko.
Ipar Kivun, Kongoko Errepublika Demokratikoaren ekialdean, Gineatik 4.000 km baino gehiagora, lau kasu baieztatu dituzte eta bi heriotzen berri eman dute. Lau gunetan 300 kontaktu inguru miatu dituzte. Txertaketa hasi da osasun langileentzat. OMEk adierazi duenez, Ebola birusaren berpizkundearen berri eman zuen herrialdeak otsailaren 7an, Gineako agerraldia baino astebete lehenago.
Harrisek adierazi duenez bi herrialdeetako agerraldien artean ez dago loturarik, ez dute behintzat ebidentziarik, baina aldi berean ari dira gertatzen.
OMEko adituek sei herrialderi abisua eman diete, Ginean eta Kongoko Errepublika Demokratikoan izandako agerraldien ostean izan daitezkeen Ebola kasuen aurrean adi egoteko.
OMEko bozeramaileak gogorarazi du COVID-19a ez dela Afrikako osasunean mehatxu bakarra: “Gure arretaren zati handi bat pandemian oinarritzen bada ere, OMEk beste larrialdi batzuei erantzuten jarraitzen du ".
Ebola Gomara (Kongoko Errepublika Demokratikoa) iritsi da, Ruandatik 20 kilometrora dagoen hirira. Mugatik hain gertu dagoen hiri batera iritsi denez, Munduko Osasun Erakundeak nazioarteko intereseko larrialdi gisa sailkatu du egoera.
Salome Karwah liberiarrak ebola gainditzea lortu zuen 2014an. Otsailaren 22an hil egin zen, erditu ostean. Bere senideek salatu dutenez, medikuek ez zuten artatu nahi izan. Ebolaren inguruko estigmaz eta emakumeek Afrikako zenbait herrialdetan izurriteaz geroztik jasaten duten... [+]
Robotak, terrorismoa, migrazioak edota desoreka sozialak izango dituzte hizpide Davoseko (Suitza) eski estazioan bildu diren agintari politikoek, enpresariek eta Leonardo DiCaprio bezalako hainbat pertsona famatuk. Urtarrilaren 23ra bitartean egingo den Munduko Ekonomia Foroak... [+]
Ebola gaitza gainditu dutela ospatzeko Sierra Leonan grabatu duten bideoa Beranduegiren blogean.
Gazte batek Afrikatik Europara bidean pasa dituen esperientzien kontakizuna jaso du Al Jazeera komunikabide arabiarraren erreportaje batek.
Babariako alpeetako Elmau gazteluan bilduko dira G7ko buruzagiak ekainaren 7 eta 8an.
Osasunaren Mundu Erakundeak urtarrilaren 21ean adierazitakoaren arabera, Afrikan astero ebolaz kutsatzen direnen kopurua erdira etorri da abuztuko eta iraileko datuekin alderatuta. Bidean ia 9.000 pertsona hil dira, eta milaka asko ebolak jota edo ahulduta geratu... [+]
Malin, Mugarik Gabeko Medikuen boluntario gisa ebola duten gaixoak artatzen ari zen mediku nafarra Madrilera eraman dute badaezpada berrogeialdian jartzeko, nahiz eta, momentuz ez duen gaitza izateko seinalerik.
Justu “Ebolaren mehatxua: sustraiak ekologian, adarrak geopolitikan” kronika Argiarekin harpidedunengana iristen zen egunetan zabaldu dira datu berriak indar handiagoz lotzen dutenak Ebola izurritearen sorrera eta hedatzea agro-industriaren nagusitzeak munduko... [+]
Urriaren 17ra arte 9.693 jende kutsatu eta horietatik 4.811 hil ostean, kutsatutako pertsonen kopurua hilabetero bikoizten duen Ebola izurritea bilakatu da munduko arazo nagusietakoa, etsai berri eta ezezagunak mehatxaturik sentitu direlako Europa eta Ipar Amerika. Barne... [+]
Ebolaren kontrako txertoa aurkitzea omen da, esaten digute osasun arduradun nagusiek, gaixotasunari atea ixteko gakoa. Aldiz, tratamendu “aringarriekin” lortu dute Hanburgoko Eppendorfen bizirik ateratzea Sierra Leonetik bertara abioiz arrapaladan eramandako 36... [+]
165 osasun langile kubatar iritsi dira joan den astean Sierra Leonara, 461 pertsonako taldearen lehen txanda. Bitartean, herrialde aberatsek segurtasuna eta birusa beraien mugetan ez hedatzea dute jomugan.