Hegoafrikaren eta Asiaren eskaerari ezetza ihardetsi dio Europar Batasunak: ez, txertoen patenteak ez dituzte kenduko. Aldi berean, People’s Vaccine Alliance egiturak jakitera eman duenez, EBk 55 milioi txerto dosi baino gehiago botako ditu zaborretara otsaila bukaeran, iraungitze data gainditu dutelako.
Europar Batasunak 55 milioi txerto dosi baino gehiago botako ditu zaborretara otsailaren bukaeran, iraungitze data gainditurik. Ehundik gora elkartek osatzen duten People's Vaccine Alliance egiturak plazaraturiko datua dugu hau. Urte hastapenetik Afrikara bidalitako txerto dosien ia bikoitza: 2022ko urtarrilaren 1az geroztik 30 milioi dosi igorri dizkio Europak Afrikari.
COVID-19ari aurre egiteko txertoei dagokienez, deigarriak dira herri pobreen eta aberatsen arteko aldea eta harremanak. Europar Batasuna da txertoen esportatzaile nagusia eta soilik txertoen %8 du Afrikara bideratu. Gaur egun, helduen %11 dago osoki txertaturik kontinente horretan. Deigarria dugu ondoko datua ere: Alemaniak 3.200 milioi euro jaso zituen iaz BioNTech enpresak ordaindutako zergen bidez. Kopuru hori handiagoa da EBk herrialde pobreenak txertatzen laguntzeko Covax funtsera bideratutakoa baino.
Testuinguru horretan die Europar Batasunak Hegoafrikari eta Asiari –Afrikako Batasunaren eta ehun herrialderen sostenguarekin– erantzun: COVID-19aren kontrako txertoen patentea kentzeko bidea blokeatu dute. Txertoaren gaineko jabetza intelektuala indargabetzeko gisan, egoeraren larritasuna kontuan hartu eta salbuespen bat egitea nahi zuten munduaren hegoaldeko herrialdeek.
Europar Batasunaren "hipokrisia" salatu du Oxfam Gobernuz Kanpoko Erakundeak: "Afrikan txertoen eskuragarritasun baxuari buruzko diskurtso handiekin segitu, eta aldi berean generikoen ekoizpena handitzeko eta txertoen prezioak apaltzeko erabakiak blokeatu? Hori ezin da. Hein handi batean Europaren erruz dira txertoak pribatizatuta, nazioarteko negoziazioak blokeatzen dituelako, farmazia-talde sorta baten onura handien zerbitzura”.
The Economist komunikabidearen ikerketa batek plazaratu duenez, COVID-19aren eraginez hildako guztiak ez dira kontabilizatuak Afrikan. 7.000 lirateke egunero. Oxfam-ek berretsi egin du izurriteari aurre egiteko bide bakarra "planeta osoa txertatzean" dagoela.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.