Covid-19 Pandemian ere Osasun Arreta Euskaraz
Nola munduan hala gure herrian pandemia batek kolpatzen gaituen honetan, argi dago giza eta osasun zerbitzuak inoiz baino presio handiagoa jasaten ari direla, eta langile oro ahal duen guztia ematen ari dela, bizi dugun ekaitzaren kalteak ahal den heinean arintzeko.
Horrelako egoera batean, gogoan ditugu ere ataka gaiztoan dauden horiek, horietako asko larriki gaixorik ospitaleetan, euren biziagatik borrokan, beste asko etxean bakarrik, edo zaurgarriak diren senideak zaintzen, izan adinduak edo adingabeak.
Batzuek esango lukete hizkuntza ez dela inolaz ere lehentasuna larrialdiko egoera batean, baina errealitatea guztiz bestelakoa da.
Inoiz baino gehiago, guztiz beharrezkoa da pazienteek euren hizkuntzan arreta jasotzea. Estutasun egoera handiagoa izanda, paziente askok euren ama hizkuntzara jotzen dute, eta euskarazko zerbitzuen eskaintza aktiboak kalitatezko osasun arreta erraz dezake: pazienteen ebaluaketa, diagnostiko zehatza garaiz egitea, hala nola pazienteak jasotzen ari diren tratamenduak eta zaintzak hobeto ulertzea.
"Batzuek esango lukete hizkuntza ez dela inolaz ere lehentasuna larrialdiko egoera batean, baina errealitatea guztiz bestelakoa da"
Ez da euskaldunei dagokien afera soilik. Nazioartean sorturiko ebidentzia medikoak zera egiaztatu du: jendea komunikazio-arazoengatik hil daitekeela. Gogorarazi behar dugu ahultasun egoeran daudenek, etxean bakarrik daudenek, laguntza haien ama hizkuntzan jaso behar dutela.
Aintzat taldearen ustez, euskararen alde egitea, jendearen ekitatea eta justiziaren alde egitea da, giza eskubideen alde.
Osasun erakunde publikoek, Osakidetzak eta Osasunbideak, zein osasungintzako langile eta zerbitzu orok, euskarazko osasun zerbitzuak bermatu behar dituzte. Izan ere, osasun arloa da berdintasuna, ekitatea eta justizia ahalbidetzeko gunerik garrantzitsuena, batik bat gaixoak inoiz baino babesgabe eta laguntza behar handienean dauden ataka honetan.
Horregatik guztiagatik Osasunbidea eta Osakidetzari zera eskatzen diegu: osasun zerbitzuak euskaraz ematearen premia publikoki onar dezatela eta, aldi berean, osasun langileoi gogoraraztea maila goreneko arreta pazientearen hizkuntzan ematen dena dela. Oinarrizko giza-eskubidea da.
Adrian Zelaia.
Aitor Montes.
Joseba Fernandez de Retana
Aintzat taldearen izenean
Aintzat Osasungintza Euskalduntzeko Mugimendua
Hogei urte bete ditu Gaindegiak, Euskal Herriaren garapen sozial eta ekonomiko iraunkorrerako Behategiak. Horren harira, denbora horretan Euskal Herriak esparru horietan izan duen garapenaren berri ematen duen azterketa aurkeztu dute, eta datuok Europar Batasunekoekin konparatu... [+]
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Azaroaren 21ean Errenteriako Torrekuan eta Badalaben egon nintzen "Komunikazio libreago baterantz trantsizioan" izeneko jardunaldian.
Lau egunez idekia izanen den merkatu bat antolatzen du Plazara kooperatibak euskararen aldeko beste hamar bat eragilerekin –horien artean ARGIA–.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life Kanturibai proiektuaren baitakoa.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Adinekoen egoitzako egoiliarra da asteazken gauean hildako emakumea. Larriki kolpaturikoa ospitalera eraman zuten, baina bertan hil zen emakumea. Bertako egoiliarra den 68 urteko gizon bat atxilotu dute, indarkeria matxista leporaturik.
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Asteazkenean banatu dituzte Rikardo Arregi sariak, Andoainen. Kazetaritza Saria Berria-n argitaratutako Feminizketak elkarrizketa sortak jaso du, eta Komunikazio Saria Euskal Wikilarien Kultura Elkartearen Ikusgela proiektuak. Ohorezko mugarria Ana Galarraga Aiestarani eman dio... [+]
Threes! edo 2048 klasikoen bertsioa prestatu dute Julen Irazokik eta Ibai Aizpuruak, Mikel Dale musikagilearekin batera. Android-en doan deskarga dezakegu euskarazko bideojokoa.
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]