COVID-19: Nafarroako datu txarrek kezka zabaldu dute herrialdean
Pandemiaren datuek okertzen jarraitzen dute Nafarroan eta kezka zabaltzen ari da herrialdean. Dagoeneko Espainiako Estatu osoko datu txarrenak ditu, Madrileko Erkidegoaren ondoren. Maria Chivite Nafarroako Gobernuko lehendakaria herritarrei zuzendu zaie esanez, gizarte osoak egin behar diola aurre birusari, “Nafarroako Gobernuak bakarrik ezin du”.
Egoeraren ondorioz, ostegun honetatik aurrera Azkoien astebetez isolatuta geratuko da, azken egunetako datuetan Nafarroako batez bestekoa baino bost aldiz kutsatu gehiago eman ondoren. Igande eta astelehenean, 362 eta 348 positibo atera ziren Nafarroa osoan, eta asteartean 421, maiatzaz geroztik izandako daturik altuenak. Eremu geografikoei dagokienez, positiboen %52 Iruñerrikoak dira, %20 Tuterako eskualdekoak eta %6 Estellerrikoak. Datuak Nafarroako Gobernuarenak dira.
Asteleheneko 362 positiboak, egun horretan egindako 3.345 PCR testetatik atera ziren –orain arte egun batean Nafarroan egindako kopuru handiena–, hau da, %10,4. Ostegun honetan, halaber, Tuteran PCR probak egingo zaizkie geolokalizazio irizpideak erabilita, ausaz hartutako 600 herritarrei.
Ospitaleratzeak dagoeneko 206 dira astearteko datuetan, eta astelehenean bost hildako izan ziren. Iraileko lehen hiru asteetan 21 hildako izan dira, ekaina, uztaila eta abuztuaren artean 10 kontatu zirenean. Hezkuntzari dagokionez, duela bi aste eskolak hasi ondoren, Haur eta Lehen Hezkuntzako 75 zentrotako 147 talde daude isolatuak, guztira 2.883 haur, bi etapa horietako haurren %4,6.
Nafarroako Gobernuak laguntza eskatu zion Espainiako Armadari egun dituzten 175 aztarnariei laguntzeko. Nafarroako Erizainen Eskolak egunotan zabaldu duen oharrean, ordea, dei egiten du erizainen multzoa indartzera, hiru norabidetan: erizain jubilatu boluntarioen bidez, laugarren mailako ikasleei formazio berezia eskainiz eta beste alor batzuetako erizainei ere aztarnari gisa aritzeko aukera emanez. Eskola honen bidez, erizainak dira pertsonarik egokienak PCRak eta aztarnari lanak egiteko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.