COVID-19 kutsadura Europan oraintxe: koloreak ugarituta ere, Hegoaldeak marroi ilunenean jarraitzen du
Azkenean Gaixotasunen Prebentzio eta Kontrolerako Europako Zentroak (ECDC) koloreak ugaritu behar izan ditu COVID-19 pandemiak eskualde bakoitzean une honetan daraman abiadura hobeto islatzearren. Zehaztapen horiek sartuta, are nabarmenago geratzen da Hego Euskal Herriko biztanleok bizi dugula gaixotasunaren hedapen handienetakoa Europan.
COVID-19 pandemiaren 40 asteotako jarraipena egin din ECDCk oso grafikoki erakusten zuten arren kutsaduraren zabaltzea non ari zen gogorrena jotzen, hutsune bat zeukan askok nabarmendua: eskualde bakoitzean 100.000 biztanleko azken 14 egunetan aurkitutako kutsatu positiboak kolore arinetik ilunagora sailkatuz (20 baino gutxiago, 20 eta 60 artean, 60 eta 120 artean, 120tik gora) multzo berean sartzen ziren bai bi astetan 150 kasu pilatu zaizkienak eta, Espaniako zenbait erkidego bezala, 600dik gora pilatutakoak.
Orain azken multzo hau bitan zatitu du, kolore guztiak pittin bat aldatuta eta begiz erraz bereiz daitezke 120 eta 240 kasu berri pilatu dituztenak eta 240tik gorakoak. Honek nekazagoa egiten du aste honetakoa aurrekoarekin erkatzea (duela zortzi egun ARGIAk egin zuen moduan) baina garbiago adierazten du Europako gune ilunenak non dauden. Horietan gaude Hego Euskal Herrikoak.
Espainian Galizia salbu gainerako erkidego autonomo guztiak dabiltza 120 kasuen gainetik, baina 240 kasuen gainetik dabiltza bi Gaztelak, Madril, Murtzia, Rioja, Aragoi... eta EAE+Nafarroa. Ostiralean bertan Osakidetzak jakinarazi duenez, EAE 249 tasan dago eta egoerak epe laburrera asko hobetzeko itxurarik ez du, R0 edo Rt faktorea 1-etik jaisteko modurik ez da ikusten eta aspalditik. Hori bai, Espainiak daukan 307ko tasa baino hobea daukagu.
Frantziako estatuan eskualderik okerrenak dira Mediterraneo ertzekoak eta Belgikarekiko mugakoak. Txekiak ia osorik segitzen du kolorerik ilunenean. Marroi ilunean jarraitzen dute Belgika, Holanda eta Erresuma Batuko eskualde oso jendetsu batzuek (eta tartean Ipar Irlandak).
Hilkortasun tasa ere oso adierazkorra da eta begiratu behar zaio: pentsa, pandemiaren hasieratik herritarrei test masiboak egin dizkien Islandiak orain erakusten du eritasunaren hedapen handia baina heriotza tasa azken 14 egunetan 0-an dauka. Hilkortasun tasetan okerrena Errumaniak jarraitzen du (3,4 heriotza 100.000 pertsonako azken bi asteotan) eta ondoren datoz Espainia (3,3), Malta (2,8), Txekia (2,8), Hungaria (2,0), Frantzia (1,5), Belgika (1,4), Bulgaria (1,4), Herbehereak (1,3), Polonia (1,3), Portugal (1,2), Erresuma Batua (1,0)...
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.