Corrugados Azpeitiaren herriguneko lantegia desmuntatzen hasi dira
Lantegiko makinen jabe Metales Vela enpresak atzo aurkeztu zuen desmuntatze lanekin hasteko akta udaletxean, eta dagoeneko hasi dira zeregin horretan. Lan horiek hasita, Azpeitia "fase berri batean" sartzen dela esan du Nagore Alkorta alkateak. Hark esan duenez, Eusko Jaurlaritzak eta Aldundiak "aspalditik" zekiten Corrugados herrigunean ez zela irekiko. Gainera, bi erakunde horiek eta CL taldeak Trukutxon lantegia martxan jartzeko aukera aztertzeari "uko" egin diotela azaldu du.
Corrugados Azpeitiaren Amue eremuko lantegia desmuntatzen hasi dira dagoeneko. Hala jakinarazi du Nagore Alkorta alkateak, hainbat argibide emateko Josu Labaka Hirigintza batzordeburuarekin eta Aitor Bereziartua Ingurumen batzordeburuarekin batera eskainitako agerraldian.
CL taldeak astelehenetan jakinarazi zuen, hedabideen bidez, Amue eremuko lantegia ez zuela irekiko, eta Azpeitiko alkateak azaldu duenez, lantegiko makinen jabe den Metales Vela enpresak astelehenean bertan aurkeztu zuen desmuntatze lanekin hasteko hasierako akta udaletxean. Alkortak adierazi duenez, Corrugadosen bueltan martxan dagoen proiektu bakarra desegiteari buruzkoa da, eta haren arabera, Eusko Jaurlaritzak badaki hori: "Badaki, besteak beste, expediente horretan desmantelamentua gauzatzeko ingurumen baldintzak berak jarri zituelako 2020ko azaroan egindako txostenean".
Alkateak esan duenez, lantegiko makinak-eta eraisteko lanak hasita, "fase berri batean" sartzen da Azpeitia, eta etorkizunari begiratzeko unea dela uste du. "Ia hamar urtez ezerezera kondenatuta egon diren lur sailak berreskuratzeko prozesuari ekingo diogu. Herrigunean Azpeitiaren garapenerako oso garrantzitsuak izango diren lur batzuk berreskuratuko ditugu, Marcial Ucin eremuaren birgaitzea sustatuko da, ingurumen baldintzak betez Arauntza eremuko zabortegia behin betiko zigilatzeko prozesuari batuko gatzaizkio, eta bitartean, Trukutxon siderurgia aktibatzeko aukera lantzen jarraituko dugu".
Trukutxoko aukerari "uko"
Trukutxoko eremuari erreferentzia eginda, Azpeitiak industriari inoiz ez diola uko egin azaldu du alkateak: "Urola eskualdeak eta Gipuzkoak badu Azpeitian siderurgia martxan jartzeko leku bat, eta erakunde publikooi elkarlanean dagokizu proiektu eta prozesu hori sustatzea". Are gehiago, alkateak esan du Corrugadosen gaian ere saiatu direla Azpeitian siderurgia martxan jartzen, baina ez diotela "utzi" adierazi du. "Eusko Jaurlaritzak, Gipuzkoako Foru Aldundiak eta Cristian Lay enpresak uko egin diote Trukutxon –Hirigitza Antolamenduko Plan Orokorrak eta Lurraldeko Plan Partzialak espresuki siderurgiarako prestatutako eremuan– lantegia martxan jartzeko aukera aztertzeari".
Udal Gobernuak "alderdien interesen gainetik azpeitiarren interesak" jarri dutela esan du Azpeitiko alkateak, eta "zurrunbilo mediatikoan kokatu" zituztenetik, "beti egia esaten" aritu direla gaineratu du. Gainera, gaia hedabideetara eramatearen helburua ez dela inoiz lantegia martxan jartzea izan berretsi du. "Lehenik, inongo proiektu ekonomikorik gabe, ingurumen baldintzak eta baldintza juridikoak betetzen ez dituen eremu batean lantegia martxan jartzeko aukera paregabeaz aritu dira publikoki, eta orain, inolako proiektu ekonomikorik gabe sortutako ehunka fikziozko lanposturen galera ari gara".
Gainera, sortutako "espektatiba faltsuen ardura" Azpeitiko Udalaren gain jarri dutela salatu du, eta esan du Eusko Jaurlaritzak eta Gipuzkoako Aldundiak "aspalditik" zekitela Corrugados herrigunean ez zela irekiko. "Horrez gain, jakin bazekiten, martxoaren 31n egindako bileran adierazi ziguten bezala, ez zeukatela Corrugadosen inguruko idatzizko ezer; ez proiektu ekonomikorik, ez negozio planik, ez azterketa teknikorik, ez ingurumen inpaktuaren azterketarik. Eta kontrakoa dioenak aurkez dezala lanpostu horien guztien sorrera sostengatzen duen benetako proiektu ekonomiko bat, baita ingurumen baldintzen betekizuna ere".
Azken hilabeetako eztabaidaren harira, "beste behin", Azpeitiko herriarekiko begirunea eta Azpeitiko Udalarekiko errespetu instituzionala eskatu ditu Alkortak: "Azpeitiarrok ez dugu merezi gure herriari egiten ari zaion kaltea". Alkateak adierazi duenez, Azpeitia etorkizunari "baikortasunez eta erantzukizunez" begiratzen dion herria da, "aktiboa, ekintzailea eta langilea", eta "tokiko ekonomia sustatzeko eta bertako ekonomiari bultzada berri bat" emateko lanean ari direla esan du.
Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.
Hitzarmena berritzeko negoziazioetan zegoen blokeoagatik deitu zuten grebara, eta istiluak izan ziren Ertzaintzaren eta manifestarien artean. 22 grebalariren aurkako prozesu judizialak abiatu dituzte, desordena publikoak eta agintarien aurkako erasoak leporatuta.
CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik... [+]
Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta... [+]
Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]
Patronalak egindako azken proposamenari eskas iritzirik, Bizkaiko metalgintza sektorean aurtengo hirugarren greba deialdia egin dute sindikatuek; astelehenetik ostiralera iraungo dute lanuzteek. Lehen egunean grebak izandako babesa zabala izan dela adierazi dute.
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Meltagintza sektoreko langileak azaroaren 28tik abenduaren 2ra arte greba egitera deitu dituzte LAB, CCOO, UGT, ESK, CGT eta CNT sindikatuek. Diotenez, patronalak azken bileran entzungor egin die euren eskaerei.
Hirugarren greba egunean tentsioak gora egin du Bizkaiko metalgintzako langileek daramaten borrokan. Ertzaintza Zamudioko Parke Teknologikoan langileen kontra oldartu da, hainbat lagun identifikatu eta bat atxilo eraman du. Aurreko bi greba egunetan jarraipena %85ekoa izan dela... [+]
52.000 langileri deitutako greba zikloa hasi dute sindikatuek Bizkaiko metalgintzako sektorean. Azken negoziazio prozesuan patronalarekin akordiorik ez zen izan eta ondorioz moblizaziora jo dute langileen ordezkariek. Ostegun honetan dute lehen greba eguna.
Irailaren 21, 22 eta 23rako zegoen deituta greba, baina SEO patronalarekin aurreakordioa lortu dute LAB, UGT, CCOO sindikatuek. ELAk ez du onartu proposamena, ez dituelako “gutxiengo helburuak” betetzen.
Negoziazio mahaia desblokeatzeko asmoz antolatu dituzte greba egunak ELAk, CCOOek, LABek, USOk, ESK-k eta CGTk. Ekainaren 30ean eta irailaren 21ean, 22an eta 23an egingo dituzte lanuzteak.
Ekainaren 23an, 30ean eta uztailaren 1ean egingo dute greba. Patronalaren "blokeoa" gainditu eta hitzarmen duina lortzea dute xede.
Patronalak hitzarmenaren negoziazioa blokeatuta duela salatu dute. Otsailaren 14ko bileran egoera aldatuko ez balitz, lanuzteak eta grebak iragarri dituzte Arabako metalean.
Bizkaiko Metalaren sektoreko grebak utzitako hiru langile auziperatuek asteartean izan dute epaiketa eta Aiaraldeko beharginen babesa izan dute Bilbon. Artiacheko grebalariek eta Tubacexeko langileek bat egin dute deialdiarekin.