Confebaskeko buruak dio emakumeek gutxiago kobratzea haien heziketa mailarekin lotuta dagoela
Eduardo Zubiaurre Confebask patronaleko burua elkarrizketatu du Euskadi Irratiak osteguneko greba orokorraren aurretik. Euskal Herriko Eskubide Sozialen Kartak egindako deialdia gaitzesteaz gain, gizonen eta emakumeen arteko soldata-arrakala emakumeen heziketarekin lotu du.
EAEko Confebask patronaleko buruak ez du arrazoirik ikusten ostegun honetan greba egiteko. Hala adierazi du asteazken goizean Euskadi Irratiko mikrofonoen aurrean egin dioten ordu laurdeneko elkarrizketan. Zubiaurreren ustez, grebarako deialdian aipatzen diren gaiak "estatu mailakoak" dira eta horrelako deialdi batek "gauzak gaiztotu eta trabak ekarriko" ditu bere ustez.
"Ea guztion lan egiteko askatasuna errespetatzen den", adierazi du Confebaskeko bozeramaileak.
Datu baikorrak eta konparazioak
Hain zuzen, Espainiako Estatuko datuekin konparatu ditu Araba, Bizkaia eta Gipuzkoakoak bere jarrera esplikatzeko: "Aurreikuspenen arabera datorren urtea izango da Gizarte Segurantzan afiliatuen kopuru gehiengoa lortuko duguna, kontratu mugagabeen alorrean ere maximoetan gabiltza, jakinekoa da gure soldata batez bestekoa Euskadi mailan altuenetakoa dela, gure pentsioak ere altuenetakoak dira, diru sarreren errenta ere garatuena dagoen komunitatea gara...".
Europarekin konparatzea komeniko ote litzatekeen galdetu diotenean, Zubiaurrek baieztatu du zenbait aldagaitan EBko batez bestekoaren inguruan dabilela EAE, BPGan adibidez; baina honakoa ere esan du: "Langabezian batez bestekotik gora gabiltza, baina ezta oso urruti ere". Gaindegiak argitaratutako datuek gezurtatu egiten dute Confebaskeko bozeramaileak esandakoa: Euskal Herri osoko langabezia-tasa %9,1ekoa da Eustateko datuak kontuan hartuta –Katalunia, Espainia, Italia eta Grezia bakarrik lituzke atzetik; EBko batez bestekoa %6,4koa da eta, Alemaniakoa, adibidez, %3,2koa–.
Confebasken iritzia emakume eta gizonen arteko soldata arrakalaz
Emakume eta gizonen arteko soldata arrakalari buruz galdetu diotenean, Zubiaurrek esan du Confebasken ustez bi arrazoi nagusi daudela: "Alde batetik heziketa", esplikatu du, "ze heziketa maila duten gizonek eta emakumeek; eta hezkuntza aukeretatik aurrera eta horren ondorioz, lanaren ibilbideak eta aukerak desberdinak izaten" direla; bestetik, "askoz orokorragoa" den arrazoi bat aipatu du, "etxeko eta laneko elkarbizitza oraindik ere gure gizartean nola banatzen den gizon eta emakumeen artean. Hor emakumeak oraindik ere pisu handiagoa dauka eta horrek baldintzatzen du lan arloan izan ditzaketen aukerak".
Confebaskek emandako arrazoi horiek ez datoz bat, ordea, genero-arrakalaz egin diren ikerketekin: Emakundek iaz argitaratutako "Genero-arrakalak Euskadiko lan-merkatuan" txostenean irakurtzen denez, emakumeen hezkuntza-maila altuagoa da gizonezkoena baino: %16ak bakarrik ditu gehienez derrigorrezko ikasketak (gizonen datua %21raino igotzen da) eta goi-mailako ikasketak dituzten emakumeen portzentajea altuagoa da gizonena baino (%61 lehenbizikoen kasuan; %55 bigarrenenean). Soldata-mailekin gurutzatzean genero arteko desberdintasuna begi-bistakoa da.
Rajoyren lan-erreformaren alde
2012an Mariano Rajoyren gobernuak indarrean jarritako Espainiako lan-erreformaz ere hitz egin du Confebaskeko bozeramaileak. "Oso balorazio positiboa" egin du. "Aurretik zegoen lan merkatua oso zurruna zen eta horren adibidea da krisiak zeuden bakoitzean lanpostu asko galtzen zirela, langabezia asko igotzen zela", adierazi du. "2012tik aurrera lan baldintzak aldatu ziren, beste konfiantza giro bat sortu zen, beste modu batera lan egiteko testuingurua eta horrek asko erraztu du estatu mailan berreskuratu diren bi milioi lanpostuak".
PSOEk eta Unidas Podemosek Espainian osatu duten koalizio-gobernuak erreforma hori bertan behera utziko balu "eztabaida" izango luketela ere aurreikusi du Zubiaurrek.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Confesbask enpresarien elkarteak “erronka demografikoaren” aurrean hainbat datu eta ondorio plazaratu ditu. Bere esanetan egungo jaiotze tasarekin 240.000 lanpostu galduko lirateke Araban, Bizkaian eta Gipuzkoan hurrengo hiru hamarkadatan.
Beharbada, udan erlaxatzeko aukera izan duzue, hondartzara joan zarete, Pirinioetara furgonetan, parranda egin duzue (eta egiten utzi dizuete), edo gutxienez, bizitza arinagoa izan da urtaro beroenean, ez dakit, lan karga urriagoa izan duzuelako, esaterako, edo, besterik gabe,... [+]
Pandemia honek absentismoa areagotu duela dio Confebaskek, mesedegarriak zaizkien gezurrak zabalduz
Eusko Jaurlaritzak, Arantxa Tapia Ekonomiaren Garapen sailburuaren bitartez, xantaia sistematikoa egin du langileen aurka krisi ekonomikoa hasi zenetik, eta Covid-19rekin areagotu baino ez du egin Confebask enpresarien elkartearen aldeko jarrera.
Eusko Jaurlaritzak, Arantxa Tapia Ekonomiaren Garapen sailburuaren bitartez, xantaia sistematikoa egin du langileen aurka krisi ekonomikoa hasi zenetik, eta Covid-19rekin areagotu baino ez du egin Confebask enpresarien elkartearen aldeko jarrera.
Haserrea eragin dute martxoaren 30eko EITBko albistegiek jende askoren artean. Sare sozialak horren lekuko. Telebista publikoko langile ugari ere kexatu da, hala nola LAB eta ELAko atal sindikaletan bilduta daudenak. Lehenak adierazi du ez dela onargarria "denona izan behar... [+]
Eduardo Zubiaurre Confebaskeko presidenteak kritika gogorrak egin dizkio Espainiako Gobernuak ezarritako neurri berriei. Funtsezkoa ez den jarduera guztia etetea “gobernu zentralaren gaitasun ezaren eta ezintasunaren adibide” dela adierazi du. Iritzi berekoa izan da... [+]
Ekonomia aztertzen duten txosten ugari bezala, baikortasunaren eta ezkortasunaren arteko gris horretan kokatzen da euskal patronalaren analisia, bere kezkak eta erronkak aurkeztuz.
Eduardo Zubiaurrek Confebaskeko presidente kargua hartu du ostegunean. 2012ko lan erreforma defendatu du, ahalbidetu zuen "malgutasunagatik", eta bide horretan atzera egitearen aurka azaldu da. Lan harreman “modernoen” alde egin du, konfrontazioa... [+]
Araba, Bizkaia eta Gipuzkoako UGT sindikatuaren zuzendaritzak erabaki du elkarrizketa sozialerako mahaia uztea, CCOO sindikatuak ere beste hainbeste egin ostean. ELAk eta LABek hasieratik ez zuten parte hartu. Horrenbestez, sindikaturik gabe, kolokan geratu da organoa.
Emakume eta gizonen arteko soldata arrakalaz galdetuta Radio Euskadin egin ditu adierazpenak Araba, Bizkaia eta Gipuzkoako enpresarien elkarteko buruak. Soldatetan dagoen aldea eragiten duten faktoreen artean, "emakumeentzat enpresak erakargarriak ez izatea" adierazi... [+]
Cebek, Adegi eta SEArekin batera argitaratu duen prentsa oharrean, Confebaskek dio hitzarmena “positiboa” eta “onuragarria” dela. Besteak beste, sozietate zerga %28tik %24ra murriztea adostu dute eta hori “onuragarria” dela dio patronalak.