Bosgarren barrutian: Capdevielle Fronte Herritar Berriko hautagaia erraz gailendu da
Lehen itzuliko emaitzak berretsi eta hobetu ditu ezkerrak Bokale, Angelu eta Baionatik hasi eta Gixune eta Akamarre ingururaino hartzen duen bosgarren barrutian: bozen %62,64 lortuta, hogeita bost puntu baino gehiagoko aldea atera dio Batasun Nazionaleko eskuin muturrari (%37,36).
Fronte Herritar Berriak (FHB) aisa irabazi du Frantziako hauteskunde legegileetako bigarren itzulia bosgarren barrutian. Kostaldeko hiri handiak –Baiona edo Angelu esaterako– zein barrualdeko herriak hartzen dituen barruti honetan, Batasun Nazionalak (RN) soilik Gixunen irabazi du, oso tarte txikiagatik, eta gainerako udalerrietan ezkerra atera da garaile.
Colette Capdevielleren hautagaitzak 40.607 boz jaso ditu, boto guztien %62,64, eta ia bikoiztu egin ditu duela astebeteko emaitzak (22.643) Aldiz, Batasun Nazionaleko Serge Rossok aurreko astean baino milaka boz batzuk gehiago jaso baditu ere –ordukoan 19.308 boto eta orain 24.221–, orotara bozen %37,36 erdietsi du, hau da, ezkerrak ia hogeita bost puntuko aldea atera dio RNren eskuin muturrari.
Parte hartzea barruti honetan lehen astekoaren oso antzekoa izan da, oso altua beraz, deituta zeuden herritarren %70,72 joan dira hautestontzietara.
Lehen itzulian FHBak bozen %32,30 eskuratu zituen, eskuin muturrak baino ia bost puntu gehiago (%27,54). Emmanuel Macron Frantziako presidenteak gidatzen duen Ensembleko Florence Lasserre bigarren izatetik oso gertu ibili zen (%26,63), baina alderdiaren kontsignari jarraiki bere hautagaitza erretiratzea erabaki zuen. Ipar Euskal Herria hartzen duten hiru barrutien artean, honetan soilik lehiatu dira eskuin muturra eta ezkerra eurak bakarrik, aurrez aurre.
Ipar Euskal Herria hartzen duten hiru barrutien artean, honetan soilik lehiatu dira eskuin muturra eta ezkerra eurak bakarrik, aurrez aurre
Baina ikusteke zegoen Ensembleko boto emaileek norantz egingo zuten, baita bigarren itzulian hautagaitza aurkeztu ahal izateko gutxieneko portzentajera iritsi ez ziren eskuineko beste alderdietako boto-emaileek zer egingo zuten ere. Capdevielle alderdi sozialistako aurpegi moderatua izaki, hedabideek hauspotu duten “ezker erradikalaren” iruditik urrun, badirudi erakarri dituela boto-emaile horietako asko, eta milaka boto horiek bereganatu dituela, emaitza historikoa lortuta.
Lehen itzuliko mapa irauli egin da
Herriz herri, bosgarren barrutian ikus daiteke ezkerrak emaitza oso onak lortu dituela kostaldeko herri eta hiri populatuenetan; Baionan, esaterako, FHBri babesa eman dioten herritarrak (14.397) RNren eskuin muturrari eman diotenaren bikoitza dira (7.097).
Barrualderagoko lehia neurtuagoa izan bada ere, kolorea irauli egin da –lehen itzulian RN atera izan zen lehen indarra horietako gehienetan– eta FHBa gailendu da, Gixunen izan ezik, soilik bost botorengatik irabazi du RNk herri horretan.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Michel Barnier kontserbadorea ministro ohia da, Europako Batasuneko komisario ohia ere bai eta Brexiteko negoziatzailea izan zen.
Elkarrizketa-sorta hasiko du, beste behin, Macron presidenteak. "Ahalik eta gehiengorik zabalena eta egonkorrena osatzeko" egingo duela lan esan du Macronek, herrialdea ez dadin "blokatuta eta ahulduta" gera.
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Ipar Euskal Herriak dituen militante nekaezin horietarikoa dugu Peio Dufau: ofizioz tren gidaria, CGT sindikatuan buru belarri inplikaturikoa, Bake Bidean dinamikan engaiatua eta alabari Wolfram sindromea izeneko eritasun arraroa atzeman ziotenaz geroztik izen bereko elkartean... [+]
Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]
Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
20:00etan atera dira lehen datuak, harridura orokorra eraginez: zundaketa guziek lehen kokatzen zuten eskuin muturreko RN hirugarren atera da eta ezkerreko FHB Fronte Herritar Berria garaile. Gehiengoan edota gehiengo osoan ikusten zen RN Batasun Nazionalarentzat zaplaztekoa... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ezkerrekoa beharko lukete Frantziako Lehen ministroak eta bere gobernuak, jakinik Fronte Herritar Berria garaile atera dela Frantziako Legebiltzarrerako hauteskundeetan. Baina, ezkerraren garaipenaren gainetik pasaz, bestelako gehiengo bat osatu nahian dabil Emmanuel Macron... [+]
